、既然你叫得人狠評，我就唔客氣
第一，係內容方面，言之無物，錯重心，無扣題。
題目要你寫不一樣的經歷和體會，你所謂既體會同經歷並不深刻。人地要你講無手機既經歷同體會，你就同我寫無帶手機既經歷同體會，又話驚比人偷，我想講係完全唔關事。另外，你係有好多經歷同體會，但你全部都只係輕輕帶過，完全無進一步去講你感受，極為膚面，毫不深刻，使文章淪為下品。你唔係唸唔到野，亦唔係無能力寫好，不過你徒具蠻力，一唸到就寫，無雕琢過，我俾料你都寫唔到，哂哂你個腦。
第二就係同學既小學雞文筆，完全睇到燥，好似無學過中文咁。我睇得到你好努力咁掉成語出黎，但你唔能夠用得其所，用哂係枝節位到，重心位又唔用。有一句真係離譜！『他們聽完我解釋後』大佬，呢d口語黎伽喎，初中寫呢d個都要打啦，你仲寫得出？你可以咁寫：「我向他們解釋過當中的原委，他們也就變得寬容，體諒我。」另外有一句長得好離譜，係『就算我帶著不安的心情，我總不能說「……」來掃朋友興』依句係咪真係有必要咁長？使唔使成句對話cop 出黎？仲有好多嘔血位，睇下d免費報紙，學下人地點用字啦！
第三，一言以蔽之，結構乃文章的心臟，古語有云「心亂則萬病起」，結構亂，衰d講句，通通**。作文之前，比十分鐘時間自己幻想下篇文點寫，唸下結構點樣安排，咁起碼可以救番你條命。
Grade 我就唔比喇，講就講完，唔明再問。
