其實香港學生好多時候既問題就係學既英文唔夠生活化,因此點解咁多HKU medic HKU law 既畢業生叫佢講句英文都甩甩咳咳咁
聽你咁講,你應該係考完dse既師兄/師姐
我咁多年黎都儲落左少少學英文既方法,希望大家都可以交流下啦
首先,cliche d 咁講,要學好英文不外乎多聽多睇多講,好多人以為學英文一定要去外國,但係只要你有心,喺香港都可以做到人地以為你讀國際學校既水平,你睇下DGS SPCC d 學生就知
1. 要自製外國既生活環境
要學好英文,就要多接觸英文,亦要將你日常既生活細節全部轉晒做英文。首先,將你手機既language set做英文,咁樣令你一開手機就不自覺咁望到英文,亦會學到d有關手機功能既vocabulary,對dse listening part A 絕對有幫助。
番到屋企,開電視,較去pearl/cnn/bbc等等既英文台,最好睇一d talk show/chit chat既programme。好多人話冇時間冇心機睇英文台,又聽極都聽唔明佢講乜。我係好少坐定定喺度睇,反而由佢開住長播,自己照平日一樣做其他野,e.g. 做功課/食飯。久而久之,你屋企就好似成日有班鬼佬喺度傾計咁,令你習慣生活喺英語環境,有d vocabulary無形中入左腦都唔知。仲有,口音方面,因為你成日聽住,久而久之都會學左佢地講野既語調,開始有番d intonation。除左電視,youtube都係一個學英文既好方法。因為youtube冇字幕,就會迫住你去聽去睇口形,亦都學到好多表達方法同埋vocabulary
** 小小心得,香港學生就算講英文幾有native accent都好,點解同外國人傾計人地一聽就知你唔係喺英文國家長大? 其實就係有關用字既問題。好多時候,我地既表達方式就硬係同佢地唔同。例如一句「我唔知道」,香港學生多數會講 I don't know,但係natives就會講 I've no idea/ I’m not sure. 從呢D 少少既用字上人地一聽就已經分到你喺邊度長大。
2. 用字方面,我就會用睇戲學人地既表達方式。唔洗入戲院,上網搵一d睇到外國電視劇/電影既網站,最緊要係一定要有中文字幕!! 呢點好重要,將聲音較到冇聲/mute左佢,淨係睇中文字幕,每一句都要pause,望住句中文字幕,再喺個腦度諗: 如果你係個actor/actress,你想表達呢句中文既意思你會用英文點講呢? 最好就自己用英文講出黎一次。之後rewind,開番個聲,聽一次actor所講既句子,要迫到自己每一個字都聽到,聽多幾次都唔怕,最緊要聽得明。最好就搵張紙,寫低你自己講果句同埋actor講果句,再對比下2句有咩唔同,記左佢,咁下次我地生活中遇到類似情況就可以扮係native咁講野喇。至於口音方面,揀d你鍾意既對白,呢次唔同d,聽佢講一次先,自己再跟佢講一次,最好用手機錄低做比較。不斷replay actor既對白,每一個字都要pause,要迫自己跟足佢既口音/高低音/stress位同輕聲位,直至成句連埋同actor講既係一模一樣為止,最好就搵屋企人/朋友幫手聽下你既進度啦:)
唉打左咁多野好攰啊
其實我仲有好多好多方法,但打晒出黎應該會太長,我寧願每個方法仔細d 方享。以上都係由我小學5年級到而家培養既習慣,希望大家都可以下定決心,搵到英文既樂趣啦! 不過最緊要都係搵到岩自己既方法,學得開心就好:) 如果你有咩仲想深入d了解,歡迎大家pm我一齊傾下計。have fun!
[
本帖最後由 helenacheng 於 2016-4-22 12:27 AM 編輯 ]