本區搜索:
Yahoo!字典
打印

[DSE] ★★★★★DSE4科5**教你暑假揀補習 (詳細版)(中英通經濟)★★★★★

[隱藏]

★★★★★DSE4科5**教你暑假揀補習 (詳細版)(中英通經濟)★★★★★

本人兩年前中五曾得益於小卒補習論壇 (當時打手未咁橫行)。
最近見補習區俾一堆打手互相責備,
為免卒友誤受打手影響, 浪費寶貴時間,
所以特意打左依個補習指南。

其實打依個表另一個原因係因為本人亦有做開私補,
但下年會去exchange,唔會幫人補,
自己dse兩年間補過好多老師, d資料keep住冇用。
自己都有建議自己原本學生去邊度補咁, 所以依篇野會比較詳細。
利申先: 2013年中英通經濟5**。開始:

**留意: ">" 數量越多,代表有用程度差異越大




中文:
黃海星簡評
上堂教學生動性一絕。
skills方面, 作文邊個位攞分同失分佢係唯一一個會同你分析得咁清楚。
文化點教得好詳盡, 全部有用範文教文化點係邊個位用同點用。
文言文教得好, 字義詞解同句法結構都好清晰。
課後配套書仔好多。落堂有問必答。
太多overrun, 好定唔好見仁見智,
但講野太快, 有時快到係聽唔到, 依點我諗星字派冇人否認。
筆記本身偏亂, 範文文筆質素不及蕭源及yylam。



蕭源簡評
表達能力極強, 吸引到你專心同鍾意中文。
但吹水能力都好強, 變相令課堂充滿廢話爛GAG,幾DUM波鐘。
skills方面作文教得唔錯, 純論技巧比yylam有用, 範文比yy少。
用國內作文題目教新出題方向依點值得讚。
議論文俾大量最新例子, 好好用。
綜合d skills自圓其說成份好高, 好多時搵螢光筆間下篇文就算。



YYlam簡評
全面就真係幾全面下, 每一份卷都講d咁。
作文黎講的確好多範文, 但就係多得濟溫唔完。
範文最重要夠精準我個人認為。
最重要係由暑假補睇住佢變, 由好有heart每堂都講足料到12月開始態度放鬆左好多,
有時唔知上緊堂定聽緊佢吹水。唔知同佢愈多學生有冇關。對女仔有求必應。
最刻人憎係我考果年佢好刻意話自己tip中, 明明上堂又話自己靠思維。
到今年聞說佢完全俾人封殺又係fb拍段片叫人唔好諗中唔中, 靠既係思維。



aman chan簡評
年年作文tip中咁濟, 誠心推介各位補佢capture star
講教學, reading最好, 佢識教你睇穿考試局點出每一份卷既共通點, 幾深刻
其他卷印象唔深刻。
交過一次文俾佢, 好快收得番, 佢自己親手改既。
但堂上同老蕭一樣, 多水吹。同埋跟佢作文咁作極危險,
因為如果佢中左有機會俾考官覺得背文, 所以補佢cap star建議可用其他補習老師教既另類寫法。




張欣欣簡評
唔講以為佢做家庭婚姻顧問, 唔詳細講, 自己上佢專頁睇。堂上抄既字筆劃好多都有問題。



周勤才簡評
伏中之伏當之無愧。講野冇重點, 講野慢, 似個阿伯係度講野, 補左2堂頂唔順走左。
補佢你實後悔。


有用次序:
黃海星 = 蕭源 > YYlam> > > aman chan > 張欣欣 > 周勤才

後記心得 : 中文作文可以多操練記敘抒情,
近年大部分作文題目都係需要加入抒情元素。
抒情文一定要透過操練同埋多參考範文而精。
範文可多閱yylam及蕭源的。
閱讀則需訓練歸納勝於文章內所有文字感覺,
務必不要直接copy and paste,
抄寫答案前, 嘗試將文章實字歸納成總體/大路/另一寫法/代表既野。

[ 本帖最後由 melfire 於 2014-6-17 01:23 PM 編輯 ]
   

TOP

Eng:
Patrick chan簡評
識好多vocab, 提升英文水平最佳之選, 長補佢語感已經贏人幾條街。
上堂節奏快, 廢話程度少過其他老師好多。
但過份則重vocab and writing, 忽略其他卷。
reading 同Listening真係0skills。
教既野佢會不停重複, 所以如果中六冇時間買筆記讀其實比上堂抄更有效益。


calvin sun簡評
打底好好, D grammar精簡得黎好夠英文唔好既人用。
所有grammar items好清。但堂上focus grammar有時太多, 有時教既野太簡單下。
skills 作文真係幫到手,logic line寫野有系統同識同人溝通。
reading就理解一篇文拆句技教得好好,但揀答案果時近年dse偏少題目用到如pwk whw generalization data。
listening skills用到係9x年既ue, 但近年既卷明顯威力大減。
另外改文唔會自己改, 較少課後支援。堂上有時講佢以前點同屋企, 都幾好笑。


billy ng簡評
學skills最好。主力用pastpaper教。
作文會派一堆佢自己學生拎5**既文你睇同分析,背框架 (一堆常見於佢學生5**文既步驟common factor)。listening同reading長題目skills好堅。教邏輯其他教都用到。
不過佢唔會好似其他補習老師咁捉住你教你grammar, 某d野預左你識。
所以係岩一堆本身grammar唔會太差既人, 唔岩英文差到貼地既人。
排隊報名系統好煩, 多overrun, 講野有時太快, 要上堂好留心先吸收到, 較少課後支援。



edward fung簡評
sell貼心。試過見過佢搭車都改文, 基本上有求必應。
教既野偏淺對比pchan calvin billy。
但佢教既每一個skill都好詳細列哂所有公開試曾經出過既題目, 依一點真係一流。
如果你驚自己太差, 補佢效用最大無誤。
唔好就係有時講野好大聲, 上堂會真係出於好意咁話人。
好老實講, 佢唔係真係好似網上既人主流意見話勁補底, 教好多野聽落好淺, 但你考試真係會犯。
講多少少, 改文佢會分好多格tick番俾你, 仲有我自己交過一篇文, 基本上另一個補習老師改係就咁tick 兩tick, 但edward係全部紅哂。



Jess簡評
出名教ielts, 每一步教得幾有步驟, 幾有條理。
其實佢幾照顧到lv 3-4人, 問書好快答, 總括黎講幾有心。
除左writing, 其他各卷skills唔算太有用, 都係d行野
例如填答案小心tense等。(miss左, 書仔都唔錯)



Marc簡評
上堂主要同pchan無異, 都係手抄句子生字等。
同pchan唔同既係佢每份paper都有些少skills, 但感覺實用性不大。
仲有, 文章主要由佢自己寫, 唔同pchan用學生範文。



Kenneth簡評
公認廢, 完。

有用次序:
billy ng > pchan > calvin sun = Edwardfung >> jess wong >> marc wong >> Kenneth lau

後記心得 :正確英文讀法應為:字>句> skills > 段>文。
因此本人誠意推介中五補左pchan / 買佢筆記先,
中六先再去學應試技。
至於有人話pchanbilly教得偏深, 其實籍口黎。
英文係唔會有速成, 補習堂上聽唔明, 咪自己拎番相關文法句式自己溫, 有心追真係咁難咩?

[ 本帖最後由 melfire 於 2014-6-17 01:22 PM 編輯 ]

TOP

ls:
costa chan簡評
教skills最好。
skills主要係集中係唔同題型上既拆解, 唔會派太多資料俾你, 著重融會貫通。
拆題框架思維全部都有, keep 住聽有用。最報派果疊雞精書好實用。
但regular吹水太多, 後期去到intensive先變番好d。
吹水方面成日吹一堆無人想知既野, 例如自己信咩教等, 仲有上堂不停哈哈哈哈哈大笑, 高峰可以笑足兩分鐘。
一年佢唔笑既話果度最少都有2-3堂時間多。
intensive有用程度比regular大得多。(其實補intensive已可)
仲有有時佢會失驚無神抄野係一版度, 返企要組織。


keith leung簡評
佢唔會教你點諗野, 只會教你點背筆記。
skills方面平平庸庸, 都係教你舉例子, 要有駁論,同做好個總結咁。
好多時都係用螢光筆間下本筆記咁。
唯一好既係筆記係通識補習黎講最多資料, 例子, 論據等。
但好多料都偏舊。


Oscar Chan簡評
上過一期同學校老師講既野差唔多, 唔算特別, 唔值一個月俾幾百蚊去補。


有用次序:
costa chan > keith leung > Oscar chan

後記心得 :  通識正確做法應為平時多加留意時事新聞,
最後可以靠costa本雞精作時事溫書總結。
時事例子為答題輔助。
首先要學懂最基本的答題框架,
topic sentence + 闡述 + 鋪墊例子 + 小結。
接著便要留意不同題型format, 例如多大程度,
建議各位可以做一個checklist mark低所有題型答法。
再需要留意一d小技, 如答題不可太一面倒等。提
醒各位, 每種題型都要落手落腳真係最少寫1-2題作訓練。

[ 本帖最後由 melfire 於 2014-6-17 01:22 PM 編輯 ]

TOP

Economics
cliff yeung簡評
考評權威, 補習界最熟econ人, 唔信佢信邊個? 補佢是常識吧?
清concept好好, 每堂教左concept再應用pastpapers。
教用字好準下, 會知哂markingscheme要求。
預左上堂悶, 要定力好夠。不過佢講既概念你當talk咁聽其實係會幾enjoy。
佢把聲永遠同一個音, 好多人話些少似腎虧, 我自己覺得似死左人咁。
咩咩神技你唔好預多, 佢唔係行依一味。
終極班MC班唔駛報, 大伏也。



Andrew lo簡評
講野比cliff吸引同快, 比較多生活野融入econ concept教。
notes幾亂下, 解concept果時感覺唔夠cliff扎實。
好多女學生鍾意佢。

Daniel簡評
筆記配套上係好齊好有系統, 但堂上教學不敢不堪入目,
表達能力太差, 全程都係佢有佢講同畫圖。
一堂甚至可以離譜地飛成百頁,
唔明點解咁多A同5**補佢。
筆記好多al野outc。



bruce chan簡評
差到無倫, 果d大法其實只係一d平常既野作個名俾佢咁,
咩大法大法。五爪金龍大法咪就係elasticity 5類, 正宗化簡為繁。
cliff yeung曾經出文寸過佢
吹水能力嘆為觀止, 可以用1個鐘黎講10分鐘就講得完既野。



Alfred Chow簡評
concept唔夠cliff yeung扎實。
present能力唔夠高。
堂上比較focus係marking scheme解釋, 但多數自己睇皆可。
唔算話好特別。


有用次序:
cliff yeung > Andrew lo > Daniel yu> Alfred chow >>> bruce chan



後記心得 :有人成日諗住econ要學咩咩大法等, 其實我覺得concept清係最重要,
始終每一年出既範圍變化不大, concept明哂再狂操歷屆試題其實已經足夠。
仲有失分位要全部記低佢, mc要逐題逐個option解釋到比自己聽。
LQ就要熟背marking schemes, 小心題目字眼有微細變動。

TOP

以上每個補左最少1期或以上, 有好幾個月都補兩個,
試過一個月補3 (可能你會話咁有錢?
我自己認為俾多少少錢冇咩所謂,俾多幾千換到粒星or兩粒返黎,
好過我上唔到ud asso hd浪費幾萬蚊一年。

唔好話我乘機想r私補, 如果你pm我我幫你私補既話exchange gpa等摺。
亦唔好隨意話我係打手, 以上並無一句假話。
唔信的話,可以暑假補幾堂試下。
冇講既老師=我冇補過, 唔想作野抹黑人, 等其他人評論。
歡迎留言pm發問補習問題。
如果大家想要一個詳細溫習方向指南, 可以留言, 我睇下有冇時間再作分享。

[ 本帖最後由 melfire 於 2014-6-17 01:21 PM 編輯 ]

TOP

How about Maths?

TOP

回覆 6# dlalden 的帖子

Sorry that I failed to score level 5** in Mathematics, rendering me unqualified to comment.

TOP

好有用, 謝謝。我會支持溫習指南呢

TOP

我想問呢經濟如果做pastpaper應以年份為本抑或主題為本

TOP

引用:
原帖由 melfire 於 2014-6-17 01:26 PM 發表
Sorry that I failed to score level 5** in Mathematics, rendering me unqualified to comment.
Never mind. Just for reference

TOP

感謝大大,超正,超實用
期待你既溫習指南

TOP

樓主呢個post早一年出就好啦

TOP

嘩,超詳細啊,好有參考價值
多謝樓主無私分享

TOP

我想問黎緊的暑假追返英文上5或以上有可能?可介紹方法嗎?
先前都有個底既



TOP

綜合d skills自圓其說成份好高, 好多時搵螢光筆間下篇文就算。<同意

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。