英文600字一篇既話篇幅未必會足夠,因為如果你想拎高d既分數既話,論點數目要足夠,而且闡釋既部分要清楚,所以篇幅你預多少少既篇幅,我建議800字就會好d啦。當然啦,量係其次,最主要係質,只要答題技巧正確、作答方向正確、扣題,甘你既分數就會係中上既分數=]
答題既話當然係要花篇幅係解釋論點以回應題目既部分,因為世史呢科唔係叫背史實,而係要求你運用史實作答題目。史實係必須,但只係一種輔助同印證既性質,以幫助你去證實你既論點同加強你既說服力。你可以睇下我呢以下呢幾篇分享啦,係有關於史實既運用,雖然都仲係高考既版本,但我相信334都會睇得明,遲下我都會更新成334既版本=]
考試 - 考史實運用 - 舉例及講例之分(初章):
http://cyruzho.mysinablog.com/in ... e&articleId=2676339
考試 - 考史實運用 - 歸納論點(中章):
http://cyruzho.mysinablog.com/in ... e&articleId=2867047
考試 - 考史實運用 - 以不變應萬變(最終章):
http://cyruzho.mysinablog.com/in ... e&articleId=2626092
而史實錯係的確會影響到你既分數,但只要唔係錯得好離譜既話(例如話毛澤東開始改革開放),甘都唔會有太大問題,因為始終考評員係根據你整體表現而評分。而係高考,有d答卷錯左年份、條約數據(例如話中英鴉片戰爭係1842年開戰;南京條約賠款1200萬兩),都可以拎到a grade既成績。所以,只要唔係錯得太離譜既話,對分數影響都係1-2分之差,當然如果你錯得好過份就另當別論啦。
至於拎5既分數同拎5既人數比例我相信都無人可以肯定答到你架啦,因為始終今年先係dse既第一年,而且整體表現會影響到分數等級同各分數既人數。