本區搜索:
Yahoo!字典
打印

[投訴] 請問點解唔處理違規簽名POST?

[隱藏]
引用:
原帖由 forcc 於 2-8-2018 10:27 PM 發表

你能夠解釋為什麼小卒資訊論壇 人流一年少過一年嗎
為什麼當以前執法嚴厲的時候,仍有多個non-commercial 高質post ?

例子
http://lsforum.net/board/viewthr ... e%3D1%26amp%3Bfilte ...
先從時間上講,嚴正聲明出現時間為2014年,你舉既例子係2010年或2011年出post,有關“嚴正聲明”未出現。

論無償分享,我自己都有做。ICT notes更加係我讀書時開始做既事:http://lsforum.net/board/viewthr ... &extra=page%3D1

未有“嚴正聲明”時,我係放條link去我個人網站度,集中去下載。當時我係一個DSE都未考既學生,個網站當然唔牽涉任何補習宣傳,零商業成分。但受“嚴正聲明”所限,我問過時任版務人員,我呢種第三方網站分享而不含宣傳既形式,很抱歉,都係唔允許的。

當時我係好失望。我既個人網站不涉及任何營利活動。點解我放上去,係因為我upload筆記上去我有紀錄,同時可以睇倒唔同版本先後有幾多人下載。有關“嚴正聲明”推出時,我個人係反對的。奈何版規所限,為免其他人睇唔倒我既分享,我將下載平台改左做Google Drive,棄用個人網站。

時至今日,我分享既野仍然喺度,冇刪除過。

如果真係“執法嚴厲”,我自己開既post一早已被屏蔽(因為含有第三方個人網站)。由此側面證明,其實“嚴正聲明”出現前,冇所謂既“執法嚴厲”。當然你可以話我呢個係個別例子,但我未有足夠數據去了解究竟2014聲明出現前,呢度係咪“執法嚴厲”。

你能夠解釋為什麼小卒資訊論壇 人流一年少過一年嗎

可能原因有好多。我個人解釋係,社會會變,年輕人既習慣會變,接收資訊既渠道會變。

Facebook/IG/Whatsapp未活躍時,好多人放學就係翻屋企用電腦,用MSN同人溝通。當時未有出現咩Whatsapp 學習群組、Facebook 討論群組等等。論壇係一個廣泛獲認知為可以討論學術既地方,自然地人流就多。

同時,當年既雲端分享平台都冇而家咁普及。就算有呢類平台,免費既儲存空間都有一定限制。好少人可以免費整合堆資源出黎放上個cloud度比人下載。由此要喺呢度求檔,有人會喺度逐個逐個post咁開出黎做資源分享。

再另外,未將CE AL 拆做DSE時,讀書氣氛都差好遠。CE有一班人努力要夠分升原校或者拔尖等等。AL既要爭入大學更加勤力。所以喺考兩個公開試既人都有一大部分願意努力。準備時間又唔及而家有三年咁長。所以放假、放學自然咪上黎討論下學術問題,睇下大家有咩難題,互相學習,互相打氣。

黎到DSE,3年準備時間有唔少人覺得好長。中文未加翻範文之前都唔知有乜好討論。英文同樣。睇翻2014年之前語文討論區既post比較多就係講下唔同詞彙、寫作手法,放篇文出黎求評。其它科目有啲多人講,有啲少人講,部分原因同選修人數有關。

更重要既係,溝通模式既轉變。細個讀書會唔會開一個自己班 /某一個project既whatsapp group呢?會唔會拎左老師個MSN放學同佢message呢?唔會。但而家既學生係可以放學後用whatsapp, telegram等等去溝通,討論佢地既學術問題。另外,搵下Google Play / Appstore 都有啲收錢既問答APP。簡單黎講,論壇唔再係唯一,或者大部分人依賴去討論既地方。你話歸因於管理層管理不善?可能係部分原因。但溝通模式轉變左,大家多左用Whatsapp / telegram / Facebook group去溝通,呢件事係咪小卒當時管理層可以改變倒?

結語:陶淵明既世外桃源好理想。當時既管理層可能都好希望小卒會越黎越多人參與討論,分享心得,分享資源。但時移世易,呢啲“盼望”唔再成真既時候,我唔會再去諗“理想”係乜。換句話說,我會暫時放下何謂“理想的教育”,何謂“理想的小卒”。當前目標,就係喺建制之下,條件因素限制下,做到令最多人得益。
中大會計畢業 BAFS 小組私補按此查詢
BAFS資源集中帖按此

TOP

引用:
原帖由 forcc 於 2-8-2018 10:32 PM 發表
請問版主是否有責任encourage visitor 多留在小卒資訊論壇discuss ?
還是去external 網站/ whtatsapp group / youtube 都沒有所謂?

如果你覺得沒有所謂, 我之後會分享大量以上external 學術性網站. 希望你不要re ...
如果你既分享內容可以提及到如何善用有關學術資源,幫助會員學習,甚至更具針對性,幫助佢地應付DSE的話,我個人係歡迎呢類分享的。

舉個例子,我備試考通識科時,其中一個常用資源就係RTHK既鏗鏘集 / 星期X檔案。如果有會員做到quote某集呢啲節目出黎,再講翻呢集節目同DSE某條出過既考題既關係,我覺得係一個非常好既帖黎。

利申:個人意見不代表全體版務人員意見。
中大會計畢業 BAFS 小組私補按此查詢
BAFS資源集中帖按此

TOP

引用:
原帖由 Dragon834 於 3/8/2018 11:10 PM 發表

先從時間上講,嚴正聲明出現時間為2014年,你舉既例子係2010年或2011年出post,有關“嚴正聲明”未出現。

論無償分享,我自己都有做。ICT notes更加係我讀書時開始做既事:http://lsforum.net/board/viewthread ...
噢原來你都曾經受過咁H傷害
欣賞你既勇敢坦誠同堅持!
坦白講我都試過類似經歷
我明知世上冇免費午餐
垂手可得既物質亦都只會助長不勞而獲既貪念
好可惜係冇管理層去聽甚至視之為道德高地
結果呢? 終於就衰係版權問題衰在樹大招風
下刪一籃子骨牌效應

不過可以講既係你既帖子之所以係到唔係因為當時管理層許可
而係2014左右核心版主隨住大學畢業工作事忙
加上本身經歷內耗(異見清洗)同埋官司一役之後
人流每況愈下做到心灰竭力
所以就漸漸疏於理會
而且係人流買少見少之下以上一代管理員量化式管理思維之下
自然珍重每一個帖子
當時管理員唔加以嚴厲執法係人之常情

然而我唔認同科技發展係小卒人流下跌既單一因素
社會發展從來都係多向性
教育制度改變(課業忙碌)
怪獸家長
資訊泛濫
等等都係因素

只係當理想唔再成真係咪就要低頭呢?
人生所謂何事?
having/doing/being三者之間有咩分別呢?
用中國文化角度: 何謂人禽之辨?
一個人冇夢想同鹹魚有咩分別?
連我地作為前輩/過來人都失去盼望
咁憑咩向後輩現身說教證明佢地他日成長後係可以有出路呢?
我地一日唔以身作則打破規範
單一化環境係只會叫人絕望
大家只會繼續陷入惡性循環

TOP

本來已潛水許久,不過見有人提及小薯n (n=8)年前的帖便多說兩句。小薯並無認真統計,但如果DSE討論區發問的人數減少,又或者會員討論參與度下降,我認為有幾個原因:小薯認同教育制度改革跟考試內部變更是有影響的, 其次是主流學習風氣不同從前。這並不代表以前小卒的那一套並不再可行,小薯認為只要管理得宜跟定位清晰便可。坦白說,無償分享未必每人都願意,如果那些分享的會員有自己的生意便更甚。小薯有一個提議,可能規模有點大但是但聽無妨。

(一)稍為調整一下版區分類
▢ 公告區
∟ 系統公告
∟ 主題檔案館

▢ 學術區
∟ 初中討論區
    ∟ 學術問題
    ∟ 學校資訊
∟ HKDSE討論區
    ∟ 語文
    ∟ 數學
    ∟ 理工
    ∟ 通識
    ∟ 其他
∟ HKCEE討論區
∟ HKALE討論區
∟ 大學/大專區
    ∟ 學術問題
∟ 專業類考試區
    ∟ GCE/GCE AL/IB/AP
    ∟ TOFEL/IELTS
    ∟ 其他
∟ 學術資源區
    ∟ 交換區
∟ 補習專區
    ∟ 補習學校
    ∟ 私人補習

*通識無必要獨立抽離
*買賣交換區中的買賣其實可留在「小卒書店」進行


▢ 休閒娛樂
∟ 吹水聊天區
    ∟ 社會民生區
∟ 校園區
∟ 閱讀分享
∟ 電腦專區
∟ 體育討論區
∟ 音樂討論區
∟ 貼圖影片區
∟ 戀愛情感區
∟ 星座心測區

▢ 管理專區
∟ 投訴/建議/發問
∟ 版主專區
    ∟ 見習版主事務所
∟ 創作部


(二)規範補習廣告
小薯認為可以容許簽名檔附有超連結到他們各自在補習專區的帖,方便管理。連結到其他網頁的超連結一律先予以警告,三天後無修改便加以執法。
另外,在補習專區的廣告帖規限每個單位只能有一個廣告帖,並且不能回覆推帖。


小薯認為這樣做或者有幫改善現況。

TOP

引用:
原帖由 kiwakwok 於 5-8-2018 10:00 PM 發表
本來已潛水許久,不過見有人提及小薯n (n=8)年前的帖便多說兩句。小薯並無認真統計,但如果DSE討論區發問的人數減少,又或者會員討論參與度下降,我認為有幾個原因:小薯認同教育制度改革跟考試內部變更是有影響的,  ...
引用:
並且不能回覆推帖。
對於呢項建議幾有興趣。以往係容許1日1推。想了解下建議禁止呢個行為既主要原因係咩呢?

同時,多謝你就版塊分類提出意見。
中大會計畢業 BAFS 小組私補按此查詢
BAFS資源集中帖按此

TOP

感謝Kevin同學意見
整頓版區相信都係一個可行做法
不過都有一個好現實既問題:
就係目前冇人有相關權限

另一方面即使版區有所重整後
規條依舊不變/出現過時/衝突又如何處理?
只有硬件未有軟件問題依然存在甚至適得其反
所以我相信更重要/先要問題都係去確立小卒今後定位
甚至實際地係版區管理權限上都要有一個整頓
否則一切都只係紙上談兵

對於簽名檔宣傳
外部連結引導既位置/可接受程度
例如直接簽名檔link? 引導去買賣交換區/補習專區帖子再附有外連結?
呢類細節方案我個人現時可圈可點
亦都還望樓主可以對呢個技術執行上提供意見
不過反而我都想請教大家
如果大家容許呢類做法
請問大家對#13提到"我之後會分享大量以上external 學術性網站."又會如何應對呢?

TOP

其實不容許回覆推帖主要是為了避免大家為了推高自己的帖就不停發一些無意義的回覆,例如「push」、「輕輕一推」、「 」之類。此舉會令到部份帖長期佔據最頭的位置,亦會令部分人覺得在補習區下廣告並無推廣作用,繼而挺而走險到其他區用其他方法賣廣告。其次,如果每個單為只能發一個廣告帖,又不能推帖,帖的數量會減少亦不會不停變換位置,所以會讓版主更容易管理。最後,如果你想多讓人留意到你的廣告帖主要有兩個方法:回應小卒人發問的帖,或者分享資源或發教學帖,不過同時都要靠版主執法堵截惡意或無意義回覆。

TOP

引用:
原帖由 ehbb 於 2018-8-5 11:43 PM 發表
感謝Kevin同學意見
整頓版區相信都係一個可行做法
不過都有一個好現實既問題:
就係目前冇人有相關權限

另一方面即使版區有所重整後
規條依舊不變/出現過時/衝突又如何處理?
只有硬件未有軟件問題依然存在 ...
若是相關權限的話,找kungbernard/webmaster/Simon/admin不行嗎?
如果有心整頓的話,規條跟執法準則都要調整,但當然細節要再仔細想想,不是三言兩語能夠解決。
軟件方面最初要辛苦各版主多花心機時間去管理,遇到可圈可點或灰色地帶時要在版主間多討論。必要時要修改一下版規,釐清細節。
簽名檔的問題,我是建議只接受連結至他們在補習專區的廣告帖。如果小卒人會特意按連結到廣告帖,再按帖內的連結至外部,我認為他們多數是有需要才會這樣做。若是這樣連至外部亦無不妥。
如果是有需要連結至「external學術性網站」的話,例如BBC News, Times, New Scientist等都無問題。不過我認同總會有灰色地帶。

TOP

回覆 23# kiwakwok 的帖子

當然既
所以就係話建議先修訂好版規壇規再重整版區而非相反
對於宣傳定義我對簽名檔限定導向補習專區/買賣交換區
同時局限容許補習專區/買賣交換區出現外連結宣傳表示不反對
唔知樓主有咩意見呢?
如是者對於浮水印/附頁/頁首頁尾筆記分享宣傳大家又覺得應該被定性為違規嗎?

至於權限問題
好坦白講其實webmaster同admin長時間失蹤
而kungbernard即使在線亦都未見就任何管理問題提出feedbacks
Simon就已經一個月左右未有就搵工版版規/置頂帖重整問題有所跟進
相信大家都忙碌
只係權限既局限同樣係問題癥結

TOP

回覆 24# ehbb 的帖子

「如是者對於浮水印/附頁/頁首頁尾筆記分享宣傳大家又覺得應該被定性為違規嗎?」

我認為只要不妨礙閱讀的話都無問題,如果浮水印會令部份文字或圖片難以被讀、又或者部份文字會被遮擋就不行。不過始終浮水印較易引起爭議,必要時可以禁止,要宣傳的話頁首頁尾又或是附頁應該已經足夠。始終小卒是讓人分享、交流跟討論的地方,而不是以商業、宣傳掛帥,所以不能夠過於寬鬆。

TOP

引用:
原帖由 kiwakwok 於 6-8-2018 12:42 AM 發表
「如是者對於浮水印/附頁/頁首頁尾筆記分享宣傳大家又覺得應該被定性為違規嗎?」

我認為只要不妨礙閱讀的話都無問題,如果浮水印會令部份文字或圖片難以被讀、又或者部份文字會被遮擋就不行。不過始終浮水印較易引 ...
但有時加浮水印又真係無可厚非。相信大部分作者都唔會想自己嘔出黎既筆記 /資源比DSE00嗰類網站唔落credit咁拎左去分享

落水印都係保護自己既方法(例如:Dragon834@LSForum)既水印,作用係防止比人就咁偷份野再發佈多於幫自己賣廣告
中大會計畢業 BAFS 小組私補按此查詢
BAFS資源集中帖按此

TOP

引用:
原帖由 kiwakwok 於 5-8-2018 11:44 PM 發表
其實不容許回覆推帖主要是為了避免大家為了推高自己的帖就不停發一些無意義的回覆,例如「push」、「輕輕一推」、「 」之類。此舉會令到部份帖長期佔據最頭的位置,亦會令部分人覺得在補習區下廣告並無推廣 ...
引用:
如果每個單為只能發一個廣告帖,又不能推帖,帖的數量會減少亦不會不停變換位置,所以會讓版主更容易管理。
難點在於每頁可現實帖子數量有限。假設一頁只能顯示20個帖子。新發帖既人既帖子排位會較高,而較早前發帖既人個排位就會低左。目前一日一推就可以比人升翻個排位上黎,對於“活躍會員”(每日登入推一次帖既會員)黎計有利。

當然,如果容許簽名檔link去個補習介紹帖既話,多啲出文 / 多啲回覆可以增加曝光率係個幾好既建議黎。
btw,有冇留意開小卒歷史既朋友知道 小卒補習網係幾時推出?當時推出補習網係打算取代補習區定係本來就想兩者並存?
中大會計畢業 BAFS 小組私補按此查詢
BAFS資源集中帖按此

TOP

引用:
原帖由 Dragon834 於 2018-8-7 11:11 PM 發表
但有時加浮水印又真係無可厚非。相信大部分作者都唔會想自己嘔出黎既筆記 /資源比DSE00嗰類網站唔落credit咁拎左去分享

落水印都係保護自己既方法(例如:Dragon834@LSForum)既水印,作用係防止比人就咁偷份野再發佈多於幫自己賣廣告
所以都要適當地讓作者加浮水印或在頁頂頁底加字句,既可保護自己,亦可合理地賣廣告(當大家覺得份筆記寫得很好可能會想找作者私人補習)。不過前提是不妨礙閱讀,如果要刻意遮蔽部份內容,倒不如一開始便不寫進去。
引用:
原帖由 Dragon834 於 2018-8-7 11:15 PM 發表
難點在於每頁可現實帖子數量有限。假設一頁只能顯示20個帖子。新發帖既人既帖子排位會較高,而較早前發帖既人個排位就會低左。目前一日一推就可以比人升翻個排位上黎,對於“活躍會員”(每日登入推一次帖既會員)黎計有利。

當然,如果容許簽名檔link去個補習介紹帖既話,多啲出文 / 多啲回覆可以增加曝光率係個幾好既建議黎。
btw,有冇留意開小卒歷史既朋友知道 小卒補習網係幾時推出?當時推出補習網係打算取代補習區定係本來就想兩者並存?
小薯覺得會定期到補習討論區找帖的人未必很多,一來效率低,二來可用論壇的搜索功能代替。所以小薯的用意是把補習討論區用作存放廣告帖,好讓小卒人在自己的簽名帖連結過去,然後回帖時讓其他小卒人按連結。

TOP

side track一下
10年前反高鐵事件其實社會都有討論過
究竟議會應唔應該修例訂立粗口列表?
咁小卒應該有粗口列表禁止嗎?

同樣地
宣傳手法其實層出不窮
又舉一例: 如果係youtube片包括內容呢?
無論如何
如果某日有人違反一個版規壇規無訂明既定義
咁我地應該因而修例定維持原判?
如果修例咁又同被人牽住走搬龍門有分別嗎?

TOP

引用:
原帖由 ehbb 於 2018-8-8 10:21 PM 發表
side track一下
10年前反高鐵事件其實社會都有討論過
究竟議會應唔應該修例訂立粗口列表?
咁小卒應該有粗口列表禁止嗎?

同樣地
宣傳手法其實層出不窮
又舉一例: 如果係youtube片包括內容呢?
無論如何
如果 ...
這正正是難處之一,很難簡潔地杜絕所有可能的宣傳手法而毫無爭議,但並不代表甚麼也不做。可以做的有清楚道出大原則、背後的目的及精神,再附上例子。再加上先警告後行動,必要時可以在版主間討論個別例子,亦設有上訢機制。隨著有愈多愈多的案例,管理上慢慢會變得簡單一點,雖然最初會耗用大量人力及時間。

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。