本區搜索:
Yahoo!字典
打印

DSE 2020對你的意義又係咩? | 四種考生,四種意義。

[隱藏]

DSE 2020對你的意義又係咩? | 四種考生,四種意義。

黎到距離DSE 2020開考最後幾日,好似終於見到呢段旅程H終點。

過去幾年間,DSE帶比大家無數H壓力同煩惱。有幾多次因為溫唔切書而要通頂、因為成績差而傷心過、又或者因為補習而錯失左同朋友相處H時間?辛苦左咁耐,你又有無諗過,究竟呢個費盡大家心神H公開試對大家黎講有咩意義呢?為左讀完中學?為左入大學?為左同女神入同一科?為左屋企人H期望?我都答唔到,更何況係要應付DSEH你地。

我諗此時此刻,今屆DSE 2020考生大概可以分為四種人、四種唔同意義。

1. WFC
DSE唔重要,唔洗讀大學都可以成功。無壓力,唔洗溫,到時識做幾多就做幾多。反正溫習時間都唔夠,咁就索性唔溫罷了。你溫到咁大壓力?咁你一定係唔知咩叫「Relax」。

佢地已經接受左自己唔會溫得切,亦唔會係DSE成功H事實。DSE對佢地H意義,我諗係無。DSE同平時學校考試無分別,因為炒左、掂左,日子都係咁過。抱住「等運到」H心態,入到間AssoH話到時再讀。只不過,當全香港學生有多一個月時間溫習,而佢地仍然原地踏步、「處之泰然」H時候,最後只會被公開試制度所唾棄。

2. 求L其
係Study Leave開始H時候幾有動力,會迫自己溫書。只不過,一見到身邊有朋友hea下hea下,就突然覺得唔讀書都無罪疚感。一收到延期H消息,立即崩潰,覺得頂唔到落去,之後求其讀少少,過到自己嗰關就算。

DSE對佢地H意義係一種責任,係一種負累。「因為我讀完中學,所以我都要考DSE」。佢地H目標唔係要係DSE考得好,而係考完DSE。所以當計劃有變,自然多左個藉口:習我就溫咁多姐,你比多啲時間我都唔會溫多啲。如果只係當DSE係一個阻住自己享受人生H障礙,咁出黎H成績都只會頂盡係「過到關」,大部份只會失望,無得選擇自己想讀H科。

3. 頂硬上
明白DSEH重要性,知道如果DSE考得唔好,之後H人生路會辛苦好多。想係DSE成功H原因除左係個人成就外,亦唔想支持左自己咁多年H屋企人同老師失望。每日都諗住如果DSE考得差H話自己之後要捱幾年,身邊人亦會睇唔起自己。所以,即使讀書再辛苦、再大壓力,都會堅持落去。

DSE對佢地H意義,好可能係一種唔想失敗H心態,唔想衰比人睇。呢種心態比左自己動力同埋更大H壓力。為左DSE,大家願意全情投入,會用盡每日所有時間溫習、制訂時間表、四出搵補習。如果哂左時間係唔係讀書H活動,會覺得自責。

如果你去到延期後H依刻仲係呢一種人,我需要恭喜你。要係一件事做得好,你必先要著緊佢。你因DSE而有壓力,正正係因為你重視呢個試,你重視你一直以來H付出,你唔想白費自己六年H青春。呢種精神上H投入,係可以帶領不斷進步,係DSE跑出。我只希望你唔好比呢份壓力拖累,溫習到累,適時休息,重拾動力。記住考完唔好Check答案同唔好討論,唔好有一絲「失敗」H念頭係腦海中閃過。咁先唔會變成第二種人,可以支撐得更耐。我相信你地去到DSE考完嗰日之前都可出盡全力,凱旋而歸。

4. 積極型
佢好清楚DSE重要性,知道如果DSE考得好,之後H人生路會輕鬆好多,亦係一件值得自豪H事,對得住身邊人。因此,佢地想成功。即使有壓力,但偶而會享受讀書,會跟隨自己時間表溫習,每日好有規律地生活,仲會鼓勵身邊人讀書。

DSE對佢地H意義唔只係成功H踏腳石,而係試驗緊自己H學習能力。佢地望到H,係DSE考得好、受眾人敬仰H自己。對佢地黎講,讀書係一種增值自我H活動,只有將學習變成習慣,先可以持久地做落去。好多人會叫你以「平常心」應付DSE,並唔係叫你好似第一種人完全唔care DSE,而係希望大家唔好當DSE係人生最終目標。DSE係人生中一個好大H考驗,成功與否,都唔會放棄其本質 — 終身學習。

我相信會用Studygram、睇到我呢個PostH大家,都一定對學習有相當H熱誠。只可惜,隨住時間過去,只會越黎越多人由第四類慢慢變做第一類,可以堅持到最後H人都會越黎越少。

你估係DSE考期,邊啲人可以笑到最後?邊啲人係DSE完左之後仲可以好自豪咁同人分享自己當年H血淚史?我希望大家係一個月後回望DSE,會覺得係一個一生人一次H經驗,而唔係一份遺憾。共勉之。
   

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。