本區搜索:
Yahoo!字典
打印

[愛情討論] 純粹分享個人既感情路!!!

純粹分享個人既感情路!!!

今日心血來潮...突然想將我自己由初戀到現在既感情生活post上黎同大家分享一下...
故事可能好長...希望大家唔好介意!!!
睇下大家會唔會有我同一樣既經歷???
又睇下大家認唔認為我係一個感情既失敗者???
我既故事係由我5年班開始...

我只係一個好普通既男仔...我既初戀係o係我5年班開始...我o個陣係一個班長...每日都要幫miss拎d值日冊入班房...
當時班入面有一個女仔係好受人歡迎...可能因為佢有錢啦...加上佢又幾靚女...所以有咁既情況...
但唔知點解...我從來對一d好受人歡迎既人無咩好感...包括男同女都一樣...唔知依d係咪叫嫉妒呢?
所以我一直都無同過依個女仔講野...直到過左半個學期...唔知點解俾人傳到我鍾意佢...
我既反應當然係大啦...因為我連一句野都未同佢講過...點解會傳我鍾意佢?
o係依一刻...我直頭有開始憎依個人既感覺...
但我越係解釋就越描越黑...越俾人覺得我可疑...直到有一日我班有個同我好fd既男仔打黎俾我...
佢好認真咁問我 : 你其實係咪鍾意佢o者?講真佢幾好啊...其實佢仲係我阿媽個契女黎...
我聽完之後當然繼續極力否認啦...我仲同我個fd講我有d憎佢...但當我個fd問我因咩野事憎佢o個陣...
我又講唔出原因...可能係因為件事關乎我在內掛?
唔知又係咪因為咁既原因...我開始慢慢.慢慢咁多左留意依佢女仔...唔係因為我真係對佢有意思...而係我想知點解我會俾人傳我鍾意佢...
但不知不覺間...我開始由仇視佢既留意慢慢改觀...睇落其實佢都唔係我想像中既咁串...咁扮野...
過左無耐...我開始發現每日唔留意過佢...唔望過佢...都會覺得有d唔自在...
我諗我當時以經係由俾人傳我鍾意佢...變到我真係鍾意左佢...
但當時我又唔可以主動走去問佢拎電話...因為當時極力否認既我...到宜家居然真係鍾意左佢...俾人知道仲唔俾人笑足成個學期...
所以就係咁...我一直暗戀緊佢!
學校每年都要更新每個學生既家庭資料一次...突然有一日miss如舊叫我拎d值日冊入班房...咁o岩依本更改資料既記錄都o係入面...
o係依一刻我覺得我依個班長既用途終於發揮到出黎喇...我一路行一路打開本野黎睇...
靜靜雞記低佢個電話號碼...然後即刻坐返埋位抄起佢...o係o個一日...係我返學入面最緊張同最開心既一日...
平時放學...我都唔會即刻返屋企...但今日我一放學就返左屋企...因為依段時間屋企無人...
我一返到屋企校服都未換...就不停揸住左o個張抄低左佢電話號碼既紙o係度行黎行去...
因為我諗緊如果我打去應該要講d咩野呢?如果係佢聽...佢問我點解有佢電話...咁我點講呢?
又如果唔係佢聽...佢屋企人問我係邊個...咁我又要點答呢?
依一刻我滿腦都係依d問題...可能依d就係第一次鍾意人既感覺啦...
到最後我覺得咁樣左諗右諗都唔係辦法...其實我主要原因都係想聽下佢把聲o者...只要我打去唔出聲咪得囉...
如果我冒死咁就打去...點知一打去居然係長"DO"...我就諗緊無理由架...我無記錯啊...唔通我打錯...再打多次...如果都係"DO"...
一路o係度諗點解個電話會cut左之際...其實個心真係好灰咁諗 : 唔通我同佢真係無緣?我咁都抄錯個電話?
直到學期尾因為學校有一個卡拉ok比賽...而我依班咁o岩就係搵左依個女仔出賽...
事關我係班長...我要負責去帶啦啦隊打氣...相時依個女仔有幾個fd走埋黎同我講 : 我地要帶頭打氣喎...我地係咪要諗下點搞呢?
咁當時就上緊堂...咁我就話不如我留低個電話俾妳...放學先打俾我同我傾啦...
o係我食完晚飯咁o岩電話就響 : 喂!你知唔知我係邊個啊?你諗住點搞法?
咁我當時以為佢係我俾電話佢o個個女仔...咁我咪好求其咁答佢 : 妳地諗啦...佢係妳地個fd...佢比賽妳地應該要比我緊張先得...
之後突然電話入面既人係咁o係度笑...我就問佢笑咩?之後佢再問我一次你知唔知我係邊個?
咁我咪講妳咪係啊邊個囉...之後佢一路笑一路講 : 我係啊咩啊...你分唔出我同名邊個把聲咩?
我即刻醒一醒...由我o係無心情既一刻...突然變到好似成個世界都充滿色彩咁...我仲好開心咁問佢 : 點解妳有我電話既?
o個刻我就即刻諗緊係咪我個fd...即係佢契哥俾左我個電話佢...
之後佢就同我講 : 因為啊邊個唔得閒打俾你傾...所以佢就直接俾左你個電話我同你傾...點知你就咁冷淡咁回應我...你又無心幫我打氣架?
o係頭先我的確係無心機既...但係一刻我直頭充滿力量咁滯咁答佢 : 頭先同妳講下笑o者...
之後佢就話因為要出一出街...夜d先打俾我再傾...咁我就話會等佢電話...點知一等再等...一個鐘又一個鐘...成11點都黎喇...
正常我都以經要訓...但我講左話等佢電話...我驚我訓著左佢打黎會聽唔到...所以我就拎住個電話上床釣魚...
突然電話響喇 : 喂!唔該啊咩啊...之後我由好眼訓都即刻變得精神哂咁答佢 : 我係...
佢都好唔好意思同我講sorry...因為佢同佢屋企人去左飲...所以咁夜先返到黎...之後我望望個鐘原來以經成1點喇...
之後佢問我 : 點解咁夜仲唔訓既妳?妳不嬲都咁夜訓架?...我好快咁答佢 : 一時時啦...
其實我梗係唔係啦...我咁夜唔訓都係為等妳電話o者...等左咁耐妳結果都打黎...眼訓d都值得既...
因為真係太夜喇...第2日又要返學...佢好快咁講 : 我去沖涼訓喇...有咩野聽日返學校傾啦!之後講完byebye就收左線喇...
依一刻真係又唔捨得又開心都震...結果搞到我訓唔著...第2日我仲遲到添!


待續...
   

TOP

等你待續...真係懷念小時候既我..

TOP

多謝樓主分享

TOP

thx for sharing;)

TOP

PUPPY LOVE WOW

TOP

小學時候的感覺比現在的真誠多了```````

TOP

快d p0下一段啦好想睇xd
puppy love真係好正=v= xd

TOP

冇左下文既?

TOP

想不到樓主的初戀是在小學5年級..
我的初戀在中五, 而且傷得很深..........

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。