你好!我雖然而家唔係考DSE,而家係中大讀緊書,見到有唔少同學對通識答題有疑問,係度我不妨講下自己既見解,供各位參考,希望可以對大家既備試更有幫助。
其實答通識呢...個人認為唔係電視入面講到咁太可怕,只要識得變通及技巧,未必會掌握唔到.前幾派無聊上考評個網睇個練習卷,基本上我諗既答法都同個suggest answer方向一樣,希望可以幫到而家仲係未了解基本答題既同學仔~
1.審題.依一步好重要,就你可唔可以拎高分既第一步.有人唔識審題,但係有更多人知題目講咩野但係寫出來就條理不清楚.要拿高分,審題之餘更加要係答題之先,先向評卷員表明你以下答題的次序、方式,好使評卷員可以有個概念,知道你如何答題。
2.審題完左,就要落筆寫.記住,唔同題目有唔同答法,但係都一定要按重點分段表達。好簡單,人地問你覺得某某社會現象如何產生,最基本既當然係從不同角度(如政治,經濟,社會,民間組織....)來分析.但係好似你而家問依個問題咁,當然要分開兩樣野:人口老化同不同人士訴求答。依個係最基本,最好係可以從不同方面,多角度分析,配以生活例子,依個先至係what teachers exactly want既答案,通識就係要訓練同學既思考。
3.分析完後,一定要有總結。總結係講出到底係你既分析中有什麼重點,同時亦重申回應題目。有人認為總結可以省掉/得最後一段總結就夠。其實拎高分既同學,除左最尾既大總結一定要有之外,仲有小總結。何謂小總結?就係每一重點一小結。例如,我係政治角度中有3個points,咁就可以開新既一小段,講下係依方面有邊幾個重點,之後先至再講其他方面既points。係文章中加上小總結既做法適用於多point並多角度分析既篇章,咁做可以俾人有一種清晰既感覺。
4.生活實例。一篇好既答題文章有結構之餘,內容一定唔能夠空泛。生活實例好重要,最好係舉一些近期發生而又為人所熟悉既報道,其次係一些較冷門或冇太多人知既報道,如果諗唔到就講自己既親身經歷,都係冇既話,自己作都要作一個例子。因為通識就係要學生培養時事觸覺,冇例子,又點拎高分?注意一樣野,就係實例不同於泛例,何謂泛例?就係空泛、沒有真實實質數據,事實支持既例子,例如:「最近有不少中學生都為了應付公開考試而壓力培增,甚至萌起自殺念頭。」咁答題就係冇實例,有冇例子係可以講到真係有學生因為咁而自殺出意外?當然,到時考試緊張有依d泛例亦不為過,個人建議每一重點最好最少有2個實例支持,有更多相關及有質素(非寥寥幾筆/欠缺說服力)的例子,有助自己說明既就最好。
以上4點做齊,我相信一定唔會低分得去邊.最緊要記住:
交代答題方向次序(如題目問埋你立場,就在此一併交代!)+不同方向,角度分析+小總結(如有需要)+例子+最後總結
通識?冇有怕!如果有問題/唔識答題,都可以問下我既...當然,我非考生,亦非通識專家,以上所言只係參考,唔係必然正確!我打依篇目的只有一個:
就係幫到考生了解基本答題架構,考好通識,考好公開試,入大學!
各位考生,加油!
