我自己寫呢篇有5*, 但體裁就唔係你所寫既議論文, 而係描寫抒情文加記敘。
先講一下你呢篇文, 我比你既評分會係Lv2
係內容方面, 文章未能扣緊題目, 會比評卷員一種言之無物而且缺乏邏輯既感覺,
題目講明要以「成長」為題, 但你似乎大半篇都講梗學生學習方面既野,
只係係文章開首同結尾講「成長」, 咁樣除左係內容方面輸泄左之外, 結構都會差, 因為文首文尾同正文無關係,
所以係作文之前記住要小心plan好每段同整篇文章既大意呀!
另外係議論文最重要既論據方面, 我幾欣賞你有用韓愈講既野做語例,
但似乎用得唔係時候, 同題目無乜太大關係, 可能反而會適得其反!
而且我見你用既事例都唔太多, 而且有唔係官方或正式既社會時事用詞如「懶人風氣」,
即使加左引號, 亦唔代表係一個岩既用詞。
其實呢條有好多例子可以用, 包括古今中外, 就好似前一排好熱門既虎媽,
加多D 呢D 時事或史事例子係絕對有加分既作用!
係文筆方面, 我一眼睇落你篇文好似無用到幾多個成語, 而且都無修辭,
即使你唔係寫梗抒情文, 成語同修辭都好重要,
因為呢科係中文, 無論個背後道理有幾深遠, 都係要用文筆去修飾。
議論文用成語係可以加強語氣, 而且用排比可以令整篇文章更有氣勢,
結段既反思亦可加入比喻或擬人等去收筆, 咁會令整篇文章即使更有書卷味。
希望以上留言可以幫到你!