1#
大 中
小 發表於 2013-10-14 10:54 AM (第 3839 天)
顯示全部帖子
第一,我非常認同Academic Honesty,每個大學生都需要明白呢樣野
但係唔係認同左就唔可以發問?如果係既,咁TA 同Lecturer 有乜用?
你究竟知唔知Academic Honesty 既意義?咁不如全世界學生唔好去發問啦
咁呢個世界要老師,要TA 做乜?
第二,每個人對於學術觀點係唔同,有唔少人的確唔希望有人直接比答案佢就算
我亦係一個唔希望直接比答案既人,所以我答問題係會比方向人地諗野
但你有你既觀念,同樣你都唔可以阻止其他會員有其他既觀念。
你可以唔認同人地既做法,但你並無任何能力同埋權利去阻止人地咁做
你唔中意答問題既,你可以唔答,但唔可以阻止有其他會員去答
同時你係度問題帖入邊講一堆同討論問題無關既野,就係違反版規。
第三,學生係需要對自己做既野負責,呢樣係必然
如果佢真係抄答案既話,佢都需要為自己做既野負責任
即使佢係去發問,透過人地提供既指導去解決問題,又或者係直接抄答案
佢都要對自己負責任,即使最後有冇人知道佢係唔係真係抄功課都好
我非常之唔同你話引導學生解難只係TA 或Course instructor 既責任
如果係咁,咁同學之間互相發問係唔係姐係唔公平呀?
由小學到大學,每個人唔識既時候,都會先問同學
你咁樣講,姐係話同學「有能力自我懂得並解決」係有問題?