1#
大 中
小 發表於 2014-5-15 11:51 AM (第 3651 天)
顯示全部帖子
個人意見係唔支持
首先, 唔好講咩有幾多人支持呢D, 基本上雙方都冇任何實際數據, 所以冇意義
但係討論呢個話題之前, 呢件事件(佔中)既本身意義何在? 告知中央政府公民提名?
如果純粹得呢一點, 咁現實D黎睇, 根本近乎冇可能成功,
因為如果單憑一班人搞個公民抗命既活動, 加上有個可能係大部份, 亦可能係小部份人支持既理念而就成功
咁你溝通既就唔會係中央政府. 中國國內大大小小都有好多類似活動, 但基本上全不受理
反之, 不論最後結果成功還是失敗, 有一件事係肯定既, 就係香港只會變得更加分化
可以睇番近年, 社會既進步速度有幾大? 唔好又用番一般既「標準答案」,話係政府失當, 無能
因為我唔相信呢個社會既發展, 只受著政府影響, 立法會有冇做到野都係一個問題.
另外, 不難見到既係, 近年反政府既浪潮變得更加大, 甚至某程度上演變到為反而反咁.
我只係想講, 特首呢個位無論係今日既CY坐, 還是其他人, 都一定係死
原因係世上每一個地方都唔會只有一派既支持者, 如果有咁一係真係一片樂土, 一係係強迫性既獨裁主義
所以香港都唔例外, 但同大部份國家唔同既係, 香港人面對非自我支持者當政就一味反, 但忽略好多野
第一: 當你反既時候, 有冇諗過支持者? 總有人會支持現今當權者, 但如果盲目地反忽略呢班人 認為全部人同你諗都一樣 呢種係一種另類既獨裁
第二: 有幾多反對者對於每一件進行緊既事都清楚? 定係有部份係跟風地反?
第三: 香港自身發展, 不斷的反無疑係阻礙好多好既議案, 甚至成個政府可以講話係因為咁而停止 呢點在任何角度都對社會有害
最後,我唔否認有大部份人會好有熱誠去為自己既理念而反對, 咁係一個社會進步既必須, 但大前提, 你有冇比過機會另一派既支持者發聲? 定係人地一講, 你就已經講得佢係廢話, 唔岩聽就唔聽? 反對無問題, 前題大家心態正確, 如果心態係自己果一派覺得唔岩就不斷反, 唔從大局考慮, 唔聽其他意見, 咁民主既意義形同虛設, 獨裁會更適合. 同埋, 心態不變, 哪管有一日 現今的反對者當權, 一定都會有另一派人反對, 到時成個社會只會演變為為反對而存在, 咁又有意思, 呢個社會又會係我地想要既? 泰國式既政治, 埃及既政局, 一個又一個既活生生例子話比我地聽心態變左, 害既只會係大家既社會.
我唔會否認反對派存在既價值, 因為佢地有必要存在, 但可否理性地真心探討一D真正惠民既方案? 有幾多市民真係咁熱衷政治? 你可以責備佢地政治冷感, 但呢個就係香港既情況, 與其改變大部份人思想, 倒不如接受現實, 從佢地角度出發, 真係搵多D福利. 政治冷感, 好大程度係因為自身但求三餐溫飽, 生活正常, 唔好亂咁就得既思想. 而社會上咁既人的確有好多. 呢個係佢地既選擇, 冇對錯之分, 但如果有人認為咁就係錯, 咁錯只錯在果個人本身既諗法過於狹獈又不夠大氣, 接受唔到其他人既意見. 總結我認為社會要好 大家應該更加理性, 歐美政治都有反對, 但一去到惠民議題, 都會放低分歧求同存異.
以下只係我個人睇法, 你可以唔同意, 但希望理性回應 唔好一味又反對就算=)
[ 本帖最後由 第2批DSEer 於 2014-5-15 11:53 AM 編輯 ]
