本區搜索:
Yahoo!字典
打印

[問題] 通識老話題 -- 發展還是文化?

[隱藏]

通識老話題 -- 發展還是文化?

通識老話題 -- 發展還是文化?



  係大學時修讀歷史,教授曾經拎九龍城「宋皇臺」既歷史故事說明左一個現像:一個歷史事件經過後人不斷描述後,就會可能出現左失真既情況。而今日九龍城「宋皇臺」同當日一開首既「五十人巨岩」,亦已經相去甚遠,幾年前既我聽到之後,竟然會有失落既感覺出現--畢竟你信以為真既歷史故事,原來都唔係咁真實。


  但好在有港鐵,如果唔係沙中線咁樣一掘,我地好可能就咁將呢個近700年既古城永遠埋係地底。但亦都因為港鐵,沙中線一掘,就掘左成個宋元古蹟群出黎,於是老狡猾既問題,又再度出現。呢個問題就係:到底呢個古蹟群,應該完全地留係到,地鐵要改道;定係將古蹟群小心咁移開(仲要快手),唔好阻住一個世紀工程既進行?


  係通識科既「今日香港」單元裡面,有如此一條咁既探討問題:「哪些方面的生活素質被視為最重要?哪些被視為最急切的需要?」而今次產生衝突既兩大生活素質,分別就係「文化傳承」VS「城市發展」。


  如果選擇前者,即係話我地比較重視一個社會既文化價值,我地會覺得社會當中有比錢(經濟)更加重要既東西,比如話社會既區域文化、歷史、人情味、建築等等等等;而如果我地選擇後者,即係我地認為「城市發展」要放係一個優先既次序,其他既東西需要讓路:比如話要遷拆老人園黎興建大型住宅區、推倒歷史建築黎興建經濟價值更高既商業大廈。


  係通識答題中,滑頭既同學仔或者好似我咁,自然會答「文化傳承及城市的發展在政府及多方溝通和合作下,其實並不相違」,但世事邊有咁完美?唔知同學仔,你地又會點選擇?


P.s 小弟今次真係做唔到太「中立」, 如果你地都選擇左要守衛我城, 請幫手一齊填左下面呢個聯署佢, 起碼為香港做過少少事, 而唔係讀完通識無野拎走。


http://www.change.org/petitions/hong-kong-government-stop-destroying-hong-kong-s-1000-year-old-archaeological-site-now-%E7%AB%8B%E5%8D%B3%E5%81%9C%E6%AD%A2%E7%A0%B4%E5%A3%9E%E5%8D%83%E5%B9%B4%E5%8F%A4%E8%B9%9F?utm_source=guides&utm_medium=email&utm_campaign=petition_created#share
附件: 您所在的用戶組無法下載或查看附件
   

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。