打印

[已解決] 通識分析法-新界東北發展

kit_shek

中級學徒

Rank: 1

發短消息
加為好友
當前離線

1^# 大中小發表於 2014-6-29 04:01 AM (第 3582 天) 只看該作者

通識分析法-新界東北發展

好多同學係做衛量型既題目時，都唔知應該點入手，比如係「ＸＸＸ是最大的考慮因素你同意嗎？」、「ＹＹＹ比ＸＸＸ更重要」之類既提問，同學都係做到「頭都大埋」既情況，一時又怕唔見左立場，一時又怕無全面既論述，所以今次我地就用近來大熱既東北土地發展計劃，黎試下做一個簡單分析！

係新界東北規劃裡面，政府而家打緊既牌既推銷發展新界東北可以提供更多既土地比青年人用，如果呢個計劃不獲通過，咁係2018後既青年人結婚就無地方住，非常慘豬豬。

呢個時候，要決定對方所講既野岩唔岩，我地先要諗一個問題：「發展土地，最大既原則係乜野？」因為呢一個「原則」，就好似天秤既法碼咁，決定我地既立場，以及衝量每一個論點既對錯。而家政府既論調，背後既原則係「以最大既土地量，供應比最多人使用」。

但除左呢個原則之外，仲有好多唔同既原則，其中係通識科最原用到既一個原則概念，就係「可持續發展」原則，即係話同時要符合「社會、環境、經濟」，一個可以長期具持續性既計劃，先係一個好既土地發展計劃。

所以係呢個原則底下，政府既計劃只係符合左「經濟」一環，因為政府既土地忽視左「環境」一環，因為佢既土地係將大部份綠化帶既土地用途改變；同時政府都無照顧到社會大部份人既聲音，明顯地，呢個計劃已經無法成為一個可持續發展既計劃。即係再退後一步，睇全香港既發展模式，呢個「新界東北計劃」都係一個「非可持續發展」計劃，因為政府係「活化、重建、再規模」既能力不足，無辦法善用舊有土地進行人口既再調配，令到青年人無法係舊市區搵到平價樓「上車」，由此可見，「東北發展計劃」都係一個「應急計劃」，而唔符合我地既立場。由此證明，「新界東北計劃」，其實要反對而多於支持。

同埋我地既發展局局長都講到明：「不遷不拆，係不可能。」，咁樣講得出口既政府，我地仲有咩好講，不過呢句話，留係到講好啦，唔好寫落卷！

P.S. 關於呢個「原則分析法」，我只係拎左「原則」一環作出討論，裡面仲有幾項東西未講到。而且我亦都有一個圖表可以比大家更清楚呢個議題點樣用「原則分析法」幫大家諗議論量既題目，如果有興趣，請ＰＭ我，留底你個聯絡方法，我地會將呢個圖表同一段應用文字比你地。