本區搜索:
Yahoo!字典
打印

[問題] 通識老師 分享有效溫習方法

[隱藏]

通識老師 分享有效溫習方法

我見版中有好多朋友問關於通識的問題,希望透過小小心得分享,略盡綿力幫幫大家。

通識係咪真係要「通通都要識」?

所謂的「通通都要識」,並非要上至天文,下至地理都要通曉。細心睇通識課程大鋼,他們要求的,係要讀得「通透」。要能夠以日常所學,來「解釋及評價」日常生活的事。

Bloom Taxnomy 指出,能夠對事情作出評價(Evaluation),才是對事情完全精通(Mastery)。他們認為,每個評價除了建基於一些基本技能,例如背誦知識,理解概念,應用概念至另一環境,更重要的是靠深入了解(例如知悉事情前因後果),綜合及歸納所得所學等等的「高級技能」才可。

因此,通識題目中,(a)題的描述、辨認型題目,只值幾分,(c)的評論型題目,卻有多十多分,就是這個原因。

所以,所謂的通,其實唔係廣,係「讀得通」。所以點解讀一些可靠的報紙評論,了解佢地用咩角度去分析, 咩手法去寫係咁重要

[ 本帖最後由 libstsir 於 2014-12-30 09:46 PM 編輯 ]
   

TOP

點讀通識先可以讀好點?

頭先提過,所謂的讀,其實唔係真係要背,反而係要用多點。才能明白通透。
有科學家研究過,錯誤及嘗試,才是最好的學習方法。比喻就像你買了部新的電視機回來,你不會透過背誦說明書,來記低每個制的功能;相反,你係透過慢慢試,慢慢摸,噤錯之後再重新搵下邊個制做到果個Function先得。學習通識亦都係一樣,要不斷做題目,慢慢反思下自己答既野,同答題準則是否相符,再慢慢修正答錯的部分,才能夠進步。因此,多留意學校老師的Comment,並作出相應改善,其實十分重要。

TOP

老師成日話我內容無組織,唔充實,究竟要點答先至高分?

答案要更有組織更充實,就要靠答題框架(例如每段要有主旨句,大概表達黎緊果段將會講D乜。然後要用證據、理論、或實質例子佐證解釋。
例如問你是否支持雨傘運動,你不會只用表徵,例如「因為場面混亂,所以不支持。」你應該善用理論、事實作例子,摸清背後的關係,才加以深入解釋。例如「現代政治主張的社會契約論,均主張人民應該在政府中承擔活躍的角色。但現有政治機制無法有效表達民意,例如從88直選運動到近十年的七一遊行,接近30年爭取民主運動成效不彰,無法令政府在重要的議題上,例如政改,基建等,聽取民意,唯有向政府施加壓力,才能令政府聽取民意,所以我支持雨傘運動。」

TOP

立場是否有影響?

不會。其實係睇你是否言之成理。因為係評卷準則上,唔會列明你要講正定反既立場,要答咩先有分。相反係一些針對你答案的邏輯性是否恰當既標準作為準則,例如「廣泛及恰當地運用資料和他們所知 」、「答案結構嚴謹,表達清楚且深入」等。
事實上,在通識課程大鋼大鋼裡,提及要考核考生「能否有效運用相關概念作解釋」,所以更加肯定,考既唔係你有幾多冷知識,而係你所解釋的是否恰當。事實上,每個改卷員都希望可以快D收工。所以,只要你答案睇落去分段做得唔錯,言之成理,無乜明顯的邏輯謬誤,要好既分數其實唔難,有返少少精闢的分析見解,更可以錦上添花。

TOP

同意,通識考核的是學生能否把事情看得深入而且合理地分析
【寫文•真正•最神】 一堂無敵作文綜合課程
http://lsforum.net/board/thread-246961-1-1.html

TOP

如有問題歡迎隨便發問。如有同學想send份功課睇下自己答成點,或者想一對一私補指導,可pm聯絡小弟

TOP

成日諗唔到point,點算。。



TOP

引用:
原帖由 libstsir 於 2014-12-30 09:48 PM 發表
如有問題歡迎隨便發問。如有同學想send份功課睇下自己答成點,或者想一對一私補指導,可pm聯絡小弟
申利ok?
一般的成功,主要都是靠堅持。

TOP

回覆man12343

引用:
原帖由 man12343 於 2014-12-30 11:34 PM 發表
成日諗唔到point,點算。。



不好意思遲了回覆。其實係睇你睇得多唔多。有次有位老師做教學分享。他曾在堂上問同學有關德蘭修女的事蹟,人人啞口無言,得佢可以講到最基本的東西 - 主要在加爾各答服務痳瘋病人, 孤兒或其他窮人,更對其事蹟滔滔不絕。細問之下,原來係有次電視節目做過德蘭修女的專輯,他看了之後還有點印象,所以先講到咁多野出來。因此,Point多唔多真係好睇你平時留唔留意。其實唔洗你背,只要有好奇心去留意就可以。有科學家研究過這種心態最有利學習與記憶。

TOP

引用:
原帖由 tf308412 於 2014-12-30 11:54 PM 發表


申利ok?
大學主修通識教育科。現職老師。

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。