kit_shek

先祝所有DSE同學新一年學業進步，DSE就順順利利，直入大學A1！有關呢個POST既種種，可以睇下埋問答環節，如果無興趣睇可以直接留低你係讀通識上遇到既問題比我，我答到既盡答。



問：你乜水呀大佬！
答：言重啦，我只係一名係浸大讀通識出身既導師仔，喜歡既就叫我一聲遊離SIR，唔喜歡都唔會唔答你問題。咁我本身做課後入校補習，已經教左２∼３年學生，都專教通識同埋思考同辯論等等等等，雖然無咩5**名師光環，但自問老馬都識途，幫到你解答有餘。

問：你有咩意圖？係咪想搵生意?
答：是咁的，我其實一直都幫緊教室公司做導師，雖然一直都有想做自己生意既野心，但都唔想係高登搵生意，所以有關搵生意搵學生什麼的絕對唔會係呢個POST發生。

我最希望做到既，就係係我第時發展教育工作之前，我真係知道現時學生既能力不足在於什麼，答題弱項是什麼，學習困難在什麼，係學生角度睇番通識有問咩問題。

其三，我都無乜野做，餘其開機打FAR CRY4或者睇戲，不如幫下同學大家一齊傾下野，做下有意義既事。



問：呢題我唔識，你會點答。
答：SORRY，呢個係問答區，唔係餵食區，你問我之前，希望你都放低你諗過乜野，我先知道點進一步答你。

事不能宜遲!有野問就問啦！

kit_shek

引用:

原帖由 a42442 於 2015-3-4 12:55 PM 發表
1）比較/優次題型
除左定比較點/準則外
仲有咩其他方法？
2）建議題型的話，宣傳教育呢類pt會唔會比marker認定係罐頭pt?
3建議題型可舉現實中已有的措施嗎？

Thx

答左中間個個先,
第1, 諗下, 宣傳教育個個都識諗, 咁如果你想合格既都可以寫,
但如果想高分, 個個都一樣既情況下, 你點突圍?

所以! 宣傳教育唔係唔寫得,
但你整篇文3個建議寫埋一齊既時候, 有冇一個政府整體措施既感覺
定係比人散修修?

kit_shek

引用:

原帖由 roy35121 於 2015-3-4 06:14 PM 發表
通識應該溫乜嘢最先？
P.S 本人係應屆考生

你有乜野強, 有乜野弱?
學校成績係點呀?

kit_shek

我想知係咪要出好多概念字先高分？
其實唔一定既, 因為睇你段落內容中唔中POINT先再睇你用字準唔準, 就好似你食飽飯, 飯係令你飽肚既重點, 但如果D菜好味D, 你會再享受D一樣。


同埋答爭議，衝突題既時候係咪要講左件事對咩持份者帶黎爭議，再講佢地背後既價值觀？
應該係：
1. 雙方爭議既背後價值觀
2. 雙方價值觀引伸出黎既睇法/ 行為/ 爭論的不同


最後係，可唔可以講下點答趨勢題？
你講緊引用圖表既趨勢, 定係某個事件帶出黎既趨勢?

kit_shek

頭尾：題目斷限既最大變化係上升，　下趺？轉變：中間有冇巨大既變化，比如某年急速上升？下趺？
頂底：有冇頂點同底點？

如果你問得出６分使咪跟「政經社民環」，你應該都係背格式多
先，真係諗清楚問題題問乜野，再按住需要去答
尤其６分，未必要咁多個POINT，你仲會唔會放曬「政經社民環」？