由於職位有所衝突,部分朋友睇此帖的第一刻意會係 : 賣花讚花香 教說話既私補老師肯定講說話卷最重要 。
有此想法,絕對人之常情。但係撇除一切利益及情緒上的衝突後,精明既您用理性去分析,事實又與我所說既係咪相符?
以下內容,我先講解中文科溫習時間之分佈,再於總結帶出中文說話卷之重要。謝謝。
2018中文科 中文科溫習時間分佈建議:
假設我只有十個鐘溫中文
寫作 (4個鐘) > 聆聽及綜合能力 (新卷,3個鐘) > 閱讀 (2個鐘) > 說話 (1個鐘)
寫作卷 : 絕對為首要關注。睇睇以往網上討論區及一眾師兄姐,凡聽到中文炒左既人,十之八九都係作文得level 1/2 既成績而扯低分數。得Level 1/2既原因只有一個,就係離題。而離題既情況未必好似各位同學心目中諗咁無可能發生。我舉個例:
2014年中文寫作第一題 :「今天發生了一件事情,當時我曾經想力陳己見,最後選擇了沉默
。我認為沉默是必要的。」以上是文章的開首,試以「必要
的沉默」為題,續寫這篇文章。
離題位已有三個。您諗諗係邊三個,再拉落去睇答案。
1.好多人寫左細個發生既事,或者上個星期上個月,輕鬆離題。
2.亦有好多人為爆字,將文章內容分開左兩部分,寫寫下發生左睇落去好似有前因後果既兩件事件,完美離題。
*3.曾想力陳已見 VS 曾力陳已見。有做同無做過。
考評局為營造國際性標準學術水平,因此會將犯離題陷阱的同學一刀斬出黎,方便製定cut off。
當離題位可以有3個,而您係考緊試個陣一不留神,就可以鑄成大錯。
再加上扣題位的合理比例延伸、文筆、意景及字體等考量,少練既同學係有好大機會失手。所以,務必多練。
新卷出爐 - 聆聽及綜合能力(卷三合併卷五) : 此卷乃各大補習社及日校的年度關注,做卷方式眾說紛云。睇考評局於上輪出既一份新練習卷,格式為自薦信,亦頗為冷門 (以往只重書信、演講辭及專欄文章)。因此,2016的新卷模式會否有變數,仍難以估計。可以做既係操返熟DSE以往paper 3 + paper 5,至少兩次,練熟手感。萬一臨場變陣,都有多少少時間挽救。
閱讀卷 : 好多同學不停操此卷,希望可以力挽狂瀾。但大家知道一個要點嗎?2013年,中文閱讀卷一,滿分為8x-9x,全港平均分為28左右。而其他年份的閱讀卷平均分亦相若。加上卷一的變化多端已經出晒名,即使您用十個鐘當中既九個鐘去溫,出黎既成績可能比您上到去接近40既分數,有5*/5**既閱讀卷成績,但確實值嗎?作文103滿分,5**分為70左右,而且仲有33分可以去追 (仲有請記得全港寫作平均分大約為45-50分左右...) ;綜合更加唔洗講有埋有價值性既DSE卷可以操。付出同收獲,係閱讀卷上,唔係正比可能已係常識。
說話卷 : 最少既時間去練,因為15分鐘,只係一場show。有技巧、有潛規則、有固定出卷框格去學。即使題目係文化題或新穎題種都有方法處理。此處略下課程筆記中78頁既字。
大家都係想考好成績,想有好既成就,好既事業,為自己重視既人奮鬥,如果連唯一最有把握,最有性價比既說話卷都失手了,其他高風險既卷,你確實你可以輕鬆取勝嗎?
無論您係想買個保險,或想由頭學起集齊整套功力,有興趣者都可以到此一覽 : http://lsforum.net/board/viewthread.php?tid=254019&highlight=
如有任何關於中文說話的問題,可
本帖隱藏的內容需要回覆才可以瀏覽
加油各位。
Save
Save
Save
[
本帖最後由 只信實戰經驗 於 2017-4-18 08:21 PM 編輯 ]