本區搜索:
Yahoo!字典
打印

[其他運動] [屯門/元朗/天水圍/荃灣]ROLLER]召喚所有踩ROLLER既人

[隱藏]

[屯門/元朗/天水圍/荃灣]ROLLER]召喚所有踩ROLLER既人

唔知有冇人有興趣踩ROLLER/一直都有踩 只不過以前屯門區搵唔到人踩而迫不得已去其他地方搵人踩呢?

可能以前係咁 但係而家你絕不孤單
我以前都係成日一個人玩 因為完全搵唔到志同道合既人
但係當我每日無間斷都落去玩既時候 開始識到一班踩ROLLER既人
根住我地自己再開左個ROLLER GROUP
一開始只係得小貓三四隻 但係而家係我們大家既努力之下已經不斷壯大
唔同時段 只要唔落雨都好大機會搵到人踩

如果你係住屯門 而因為返工/學業或者其他因素覺得出去周圍踩好麻煩既話 歡迎你加入我地
因為屯門人而家再不孤單

我地係一班業餘而且對ROLLER有熱誠既人
簡單D黎講即係業餘發燒友
每晚係個埸到傾下計 HEA下 周圍踩吹下風 去食下野
所以我地唔會有架子 唔會SELL你地買野 唔會SELL你地入班
只要你肯學 我地肯教 只不過唔係好專業 但係足夠你踩街跑街
係我地個GROUP到既人好多一開始都係新手 我親眼睇住佢地不斷進步
由一開始只係兩三條友踩街 到而家最多有十六七個人一齊踩
亦都歡迎各種模式既玩法 大家可以一齊交流下
暫時平花剎車跳同踩街都各有人玩 而家仲有條Hi Hi玩埋落樓梯

有興趣既請PM我留低你既電話+點叫你 我會加你入我地既GROUP
希望係真心玩 而唔係當我地個GROUP係5P交友GROUP 呢類人我會直接踢
同埋加完唔出黎玩/係咁賣廣告既煩膠一樣會踢

亦都歡迎其他區既人有興趣一齊黎玩下 因為最近都加左唔少天水圍既人
大家都玩得好開心

如果你有朋友係住屯門又或者屯門附近
而又自己玩緊/覺得周圍去好煩
希望你可以比呢個POST佢睇 考慮黎唔黎JOIN我地

我地每個星期五晚只要天氣好既話都會有聚會 時間大約係九點左右
平均都有十幾個人一齊踩 有一晚有十七個人
   

TOP

Q&A

Q: ROLLER係咪有好多種唔同玩法?

A: 無錯 ROLLER除左就咁勁踩之外仲有好多玩法
https://www.youtube.com/watch?v=FEnOPFQlD9A 呢種係X-GAME 定極限

https://www.youtube.com/watch?v=CWor7T9NUOE 呢種係花式過樁(Slalom)

https://www.youtube.com/watch?v=7qDqh-wvElc 呢種係花式剎車 (Slide)

https://www.youtube.com/watch?v=cojSRhxA2-4 踩街都可以踩得好型

Q: 如果我想學花式既話應該去邊到?

A: 基本上上面既片簡單既花式我地都可以教到你(例如簡單既平花 踩街既跳轉180度/360度) 所以如果你不求專業 只係業餘興趣間唔中先會玩下既可以JOIN我地 簡單既平花我地都有幾個人練緊 我自己本身玩開剎車不過練到悶悶地都開始練平花 有興趣可以黎一齊學或者高手黎指教下我地呢班新人

但係如果你係想玩黎比賽既話就可能要去遠D玩/問人/比錢學(長沙灣/元朗)

剎車方面因為香港冇咩人玩 而小弟亦都好不幸既鐘意玩呢樣野 所以都好努力學緊 但係我又唔係港隊 冇人教我同唔係成日有時間練 進步好慢 不過如果你有興趣既話都可以黎交流下 最近我地畫左剎車線自己玩 不過都係D低級野 自己過下癮就算

我唔係比賽級既神人 只不過係業餘既發燒友 如果以上既招有興趣但係無從入手可以黎一齊交流下

Q: 玩ROLLER危唔危險架?

A: 其他唔危險 只要你戴足護具( 護手 護膝 護肘) 如果你仲係驚死既可以戴埋頭盔同籃球果種防跌褲 咁樣你想傷都難

Q: 如果有時我想自己玩既話應該如何入手?

A: 呢段鬼佬片有齊哂咁多基本野 https://www.youtube.com/watch?v=L8Gs_eyIPFA 如果你黎問既話我地可以親自示範比你睇同直接教你

TOP

Q: ROLLER係咪廢青夜青先會玩?因為比我既印象唔太好

A: 我地有D人會食煙 講粗口 但係人品唔會差得去邊 各行各業既人都有
有裝修佬 文員仔 打政府工既人 炒散 中學生 大學生等等 或者我地唔係返咩專業既工 但係對於一樣業餘既興趣黎講呢樣野我覺得唔太重要
如果可以我都想係U到搞ROLLER莊 只不過我係一個閒人 如果有人可以搞 我凈係JOIN就好 因為都想搞起呢個運動 奈何只有咁少人好難搞得起

Q: 踩ROLLER係咪冇可能係街到踩既呢?

A: 絕對踩到 正如上面條片一樣 我地有時候都會周圍街 不過有D技巧一定要學 例如T剎 轉彎等等 令到你同埋其他行人可以安全D
雖然香港又窄又多人 但係我地主要係夜晚踩 所以人都唔會多得去邊

Q: 你地會唔會好小圈子?又或者排斥其他人?

A: 如果你係肯踩肯學就一定可以融入到我地 如果少出聲果D我地都會盡量去R下水吹 只不過我自己係真毒向左走向右走 所以有時都唔係好敢去R水吹

如果有興趣既歡迎所有人黎一齊玩 我地每個星期五晚都會有聚會 我通常都會去練SLIDE 都有人練平花 歡迎你黎一齊

有其他關於ROLLER方面既問題都可以係到問 我會盡量答你
有興趣一齊既就PM我你既電話
唔想比電話可以直接星期五晚一齊黎玩

Q: 如果我要買鞋應該去邊到?

A: 係淘寶買最平四五百就有交易 鞋碼方面好少會比錯 最多只會錯色
如果你唔放心就可以係香港買 因為可以試鞋 岩心水先買 基本上都千幾二千起跳
最後都係睇你自己點簡

TOP

我地自己既PAGE: https://www.facebook.com/tmrollerskating?ref=hl
第一條宣傳片: https://www.youtube.com/watch?v=6SpoQujOZHg
落手落腳拍比起想像中難好多 所以有好多改善既空間
不過我地會努力;-)
有咩問題PM問又得 呢到問又得 係PAGE PM我地都得

另外如果有人想係荃灣/附近玩既話都可以PM我
因為我地呢邊都有人會去果邊玩 果邊又想搵多D人一齊玩
我又想多D人接觸下呢樣野 所以就幫手宣傳下
如果係小卒見到呢個POST又有興趣學最好係FB PAGE到PM 因為我唔係成日會開KYO黎CHECK返
FB PM我可以即刻見到


如果有家長想比細路仔學下花式既話可以另外講返 夜晚出黎撞我地既話我地一樣會照教 不過我地自己都要練野所以唔會抽太多時間教你地 想有專人單對單或者開班教可以講返 我地都有相應既高手可以教
基本至到中高級既花式我地都教到 同埋唔會只係局限於花式過樁咁單一 仲可以教埋花式剎車

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。