本區搜索:
Yahoo!字典
打印

[大學升學資訊] [選科指南] 10大起薪點最高 Fresh Grad 職位 2016

[隱藏]

[選科指南] 10大起薪點最高 Fresh Grad 職位 2016

1)各大公司及銀行Management Trainee(月薪$20,000∼$27,000)MT係唔少Fresh Grad夢寐以求H工作,各大機構同銀行每年都會招聘MT,起薪通常都比大學生平均起薪點高,所以每年都有唔少畢業生爭崩頭。一般企業公司都著重應徵者H溝通同分析能力,同埋領導才能。通常做MTH都喺工作上都會不停有調動,被分派到唔同部門,了解唔同崗位H工作性質。完成培訓後,MT大多可晉升為管理層。

2)註冊護士(月薪$25,600)
近幾年香港對護士需求大增,所以護士H人工都跟住水漲船高。而家做公立護士已經有2萬幾起薪,而私家醫院既人工仲會高啲添!護士H日常工作包括幫病人驗血糖、派藥、打針、執床同洗傷口等等,通常要輪班當值,亦不時要超時工作。

3)學位教師(月薪$26,785)
一般中學學位教師(GM)H起薪點為$26,785(15點),如果有合適師訓(如PGDE)就可獲加2個額外的增薪點,即$29,560(17點)。至於文憑教師(CM)H教職同行政工作相差唔多,但起薪點為$25,505(14點)。晉升方面,CM最高只可升至首席助理教席(PAM,頂薪點為$67,745),而GM最高可升至一級校長(頂薪點為$117,080)。各位畢業生如果有志做教師,就要先讀教育文憑(PGDE),期間要去學校進行實習。唔少人最初都先由教學助理做起,人工大約$10,000∼$13,000不等,視乎學校而定。

4)政府二級行政主任 / EO(月薪$26,785)
投考EO同AO一樣都係要經過多重筆試同面試,據知2015年就有成1.8萬人申請EOI,平均150人爭一個位!雖然做EO成日要調去唔同部門,不過人工高福利好,係唔少畢業生心目中H筍工,不過EO同AOH晉升之路係唔同H,EOII最高可晉升至高級行政主任,而AO就有機會出任決策局或政府部門H主要職位。

5)駐院藥劑師(月薪$37,590)
要做駐院藥劑師,除咗要修讀藥劑學課程之外,仲要實習1年,同埋通過3科筆試(包括香港藥劑法例、藥劑執業同藥理學)至可以成為註冊藥劑師!呢個試係由藥劑業及毒藥管理局舉辦H註冊考試,每年都會喺6月同12月舉辦2次。

6)警察督察(月薪$39,050∼$40,225)
其實所有大學生一畢業都可以考督察架!如果持有學位或副學士學位等學歷,起薪點就以$39,050計算。如果喺綜合招聘考試CRE中,「中文運用」同「英文運用」試卷合格,起薪點就以$40,225起計算。不過督察並唔易考,不但要考體能同上學堂,而且競爭都幾激烈,好似上年11月就有超過700人投考見習督察,爭190個督察職位。有興趣H同學仔可以喺大學時參加定警隊學長計劃,提早裝備自己!

7)廉政公署調查主任(月薪$39,990)
廉署雖然人人都識,但就未必個個都知調查主任H具體工作係乜。其實調查主任平日要處理貪污舉報同進行調查工作,接觸唔少敏感資料,所以應徵者必須要有誠信。想做調查主任,就要通過多重招聘考核包括筆試、面試同身體檢查。如果想申請加入執行處,更要參加心理同體能測試!另外,大家亦可以考慮應徵助理調查主任,2015年廉署就招聘咗約40名助理調查主任,起薪點為$19,435。

8)投資銀行iBanker(月薪$45,000∼$70,000)
iBanker絕對係令唔少學生趨之若騖H工作。喺香港,如果你可以成為iBankHFront Office一份子,人工已經超越一般人好多,聽聞最高更有成$70,000!想喺投行工作 ,唔一定要大學本科讀過金融,因為投行有好多不同部門,要求不一。譬如有啲部門著重人際同客戶關係,有啲就可能要法律、會計等方面H知識,當然你亦應對金融行業有一定認識同興趣。

9)政府政務主任 / AO(月薪$47,235)
政務主任(AO)不但起薪點高,而且仲有機會晉升至秘書長或其他首長級職位!投考AO除咗要中英文流利之外,仲要先通過CRE同JRE,之後又要接受幾輪面試、小組討論政策同個人面試。據知2015年有1.2萬名大學生應徵AO,平均即係343人爭一個職位。想突圍而出,大家平日要多留意時事政策,訓練自已多角度思考。如果想體驗一下相關工作,不妨報名參加政府舉辦H政務職系實習計劃。

10)駐院醫生(月薪$54,220)
駐院醫生收入相當可觀,起薪點高達54,220元,人工比好多打工仔都高,仲要未計每月固定津貼喎!不過呢份工亦唔易做,除咗要讀5年醫科課程外,亦要進行為期1年H實習訓練。近年公立醫院人手短缺問題嚴重,醫生的工作都十分繁重。各位學生朋友如果立志做醫生,就要努力讀書,最重要H都係保持愛心同耐性!

(資料轉載至 http://www.moneyhero.com.hk/blog ... -%E8%81%B7%E4%BD%8D)

[ 本帖最後由 vicky987 於 2016-6-10 03:27 PM 編輯 ]
   

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。