本區搜索:
Yahoo!字典
打印

[中文] 中文各卷心得

[隱藏]

中文各卷心得

仲有大約三個幾月就考DSE,小弟都教左幾年中文私人補習同補底班,都就黎收山,所以係到同大家分享下自己教學和應對中文科既心得。如果大家仲有咩想知,我都盡量答下大家。
卷一:
老實說,卷一可以做既野唔多,因為中一至四係學中文既黃金時間。到左中五,只能夠話係學緊應試中文,已經唔再係純粹學中文。坊間有講好多卷一既技巧,但老老豆豆,所謂技巧其實係「投機取巧」,佢係改變唔到同學唔識中文既事實。

白話文:
但都無辦法,如果呢份卷弱,最起碼最起碼,要睇下pastpaper各類題目既答法係點。我見小卒都有份「答題公式」,其實已經整理得相當唔錯,但有啲題型無收錄到,如果你真係想做好啲呢份卷,就用少少時間整理一下。(坊間大部分補習老師都會教/整理,不過可能你地要做多個工序,因為大部分老師都係將4份卷打散黎教,你地要自己將卷一既相關技巧/答題公式串埋一齊。)要記住,pastpaper係大家既好朋友,你咩都唔讀都唔緊要,pastpaper一定要睇,仲要係用解碼既方式睇佢個marking,最緊要係整理考試個邏輯。(其實咩科都係)

文言文:
呢part 我讀書個陣都好驚,個陣都係選擇裸考就算。不過呢幾年開始接觸多左,就覺得其實都唔係完全無得搞。呢份卷最基本最基本係由背野開始。自己上google打「文言文副詞」,都差唔多年年會出啲,所以背定都得。好似2016出左6分,副詞唔背,到考場好難推得返出黎,所以背左佢啦。其他咩睇前後並置句、睇詞性,我諗大家都聽過,我都無咩補充。基本上都係呢啲,至於多睇,又好老實講,我讀書個陣即使aim 5*(暴露年紀系列)都無咁誠心係課餘時間睇文言文。做文言文練習係重要的,做完順手睇一睇篇文,對一對個語譯(如果無附語譯,就自己google,基本上都搵到),就當溫過下啦。記住一個原則,考試唔會考啲你連讀都唔識讀既字,如果考,一定係前後句有並列句畀你推斷返出黎。

卷二:
呢份卷一定要善用sample,到中六就谷死一種題型(記敘描寫抒情說理文或議論文)。仲有,要釐清一樣野,卷二唔係文筆好就會高分,文筆反而係好次要既野。最緊要係睇你扣唔扣到題(每年死一半扣唔到題,死因亦只有扣唔到題),所以唔好晒時間背咩靚字靚句,晒gas!咁我話要用sample,點用呢?呢個方法對想寫記敘文既同學比較有用,請印哂2012-2016既記敘sample出黎,然後搵佢地寫法既規律出黎,你會發現(偏見—事件—反思—說理)呢個pattern,咁你就知你寫完篇文搵唔返呢4個層次,你高分極都有限。喂,咁講好空泛喎,咁你睇下2012-2016啲人點樣處理呢四個層次,抄佢地既處理方法啦。
至於議論文,以前我讀書個陣老師就話古今中外各兩個例子先會高分,但睇一睇sample,時代已經唔同左,依家係2個例子都可以上高分。個分別係邊,點解依家好似難左咁多拎高分(其實合格都難左好多)?依家好睇你點樣演繹例子(當全世界都識砌論點、論據,依家唯有睇啲更高層次既野),換句話說,你一定要解釋到點解個例子同題目係有關係,解釋唔到/無解釋你都可以返屋企架啦。唔好諗住抄左個題眼落個申述到就叫做扣左題,你要解釋到其中既「因果」或「遞進」關係先叫解釋左,我自己覺得議論文難度係高左既,適合有邏輯思考能力既學生揀。

卷三:
聆聽跳過,重點係講綜合。綜合呢份卷其實都幾PK,因為變得好快,要求老師備課備得好足(唉)。綜合只要run 3年 ,大部分學校都掌握到點教,所以必須成日改考法,佢先可以拉到條curve。咁呢份卷又點搞呢,見解論證可以睇多幾年sample,整合就睇2016 pp同pastpaper。大家都知,整合2016轉左制(仲要係12月先出義工組個份pastpaper),通常第一部分問你對應邊一項原則/宗旨,呢部分考評局既用字係「指出」、「略述」,所以略述就得,最多最多比夠100字佢就好收工啦,重點係後面叫你作個part。依家比分比例,我都摸唔準,有啲學校前後比例係1+7、有啲係2+6、我都見過有3+5,但出面應該係睇整體,即係你後面寫得好飽滿,就算前面一句帶過,都可以拎到6-7分。記住,一個point拎8分係無咩可能,如果你醒目既,就將一個範圍劏成兩個論點(e.g. 對學生好處:對高年班學生、對低年班學生)/(e.g. 個人成長:全人發展、社交健康、心理健康)。見解論證既logic都一樣,一個point你就想拎7分係太天真,你一定要將一個範疇劏做兩個角度先會高分。最後,睇睇佢sample讚學生有咩地方做得好,不外乎話學生有例子/結合社會現況,so,你識做啦。

卷四:
呢份卷無可否認係有先天優勢,有啲學生一講野就成舊飯咁,其實好難搞。呢份卷教就易教,但大部分學生其實做唔返出黎,一講野就好驚。要教得仔細都太多野要教,第一個步驟係將所有pastpaper分類,例如選項題,設題形式有共識、優次、普通選項題,設題內容主要分成措施評估和重要性評估,起碼你要將呢啲題型分哂類。之後每一種設題內容其實都有啲比較框架可以用,例如評論有效性,你地通識都學左好多,其實就係個啲野。依家說話越出越深,因為設題老師expect大家讀過通識,可以應付到時事少少既題目,所以,唔好放棄通識科,佢同你既中文直接相關。當然,考口試唔好亂拋通識concept,例如健康,你話可以分成社交、心理和生理,完全無問題,通識既concept只係用黎幫你爆開條題目,等你有多啲point可以講。其他點樣應對、要微笑、唔好指名發言,我覺得係重要既,但日校老師都講哂啦,我就唔多講啦。

應試心得:
其實我無咩補充啦,最後就係,我地個年代係無考生sample可以睇。sample原意係畀老師研究,但因為依家好多老師都唔識研究,所以你地要學識自己研究啲sample,睇多幾年,睇下有無咩共同既邏輯。如果你搞唔掂既,搵學校老師問;都唔得既,搵補習老師問問佢。讀書你靠人真係死得(我個人經驗),到最尾,個個都幫你唔到,你只可以靠自己。
希望大家考試都順順利利。
   

TOP

TOP

thx



TOP

thx for sharing

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。