chufu

睇過之前2年對黃海星既評價
網上其實真係都好多好多打手


我上左黃海星年半, 中五精讀班上到中六常規。之前中四試堂上過黃海星, 本來已想報佢, 阿爸幫我報補習就話揀另一間, 上左年半某字母老師, 唔係話教得唔好，最後都覺得黃sir好d, 最後轉佢中五精讀直到中六, 其實真係多人補唔代表好, 同埋補習真係人夾人。


我覺得黃sir其實真係一個好好好好老師。上堂唔會好似有啲老師咁賤咁講咸濕笑話, 玩吹水講故事, 又玩煽情, 玩送野飲。我想講我黎補習唔係要貪杯貢茶。我要飲會自己去買。


黃sir真係教書教skill教點去搶分。又唔會drum波鐘, 用盡哂所有可以用既時間去解, 真係一個好有heart既老師。不過佢上堂中意玩自嘲抽自己水, 男士身高中位數, 唔似其他人咁上堂單單打打抽其他老師水咁有骨, 上完佢堂真係能明白自嘲既境界有幾幽默。真係可以用乾淨黎形容。
又無架子, 又親民, 有次太子center staff 趕收工關門, 黃sir唔介意企係center門口比我問書問足成個鐘, 答到11點幾先走, 柏宜中心個四眼看更都走出黎讚好, 話成個現代都未見過咁既老師


見到好多人話黃sir 講野好快, 成日1999, 我真係好唔明點解會咁講
我覺得黃sir講得一d都唔快, 有乜講唔完既, 就每堂係網上後補下半場, 有時網上補帶仲上足2個鐘, 加埋上堂時間, 一堂教足成3個幾鐘, 黃sir 每星期放假唔要假期咁去沙田拍片, 真係好有heart。同埋真係超抵。


個人覺得黃sir 送既書仔其實唔係最有用, 最有用係文化點同處世寶鑑。但最重要都係上堂教點用番本書既內容, 仲有網上秘密筆記同百搭懶人包。最鍾意係百搭今例懶人包, 真係一份16頁筆記勁過本幾百頁事例大全。見到d同學讀某人600幾頁磚頭, 我讀幾十頁筆記, 真係笑住入考場。


以上個人觀感, 信不信由你, 不過真係見到太多網上打手刻意抹黑, 真係睇唔過眼。黃sir4卷教學評價, 回覆後可睇, 如多人睇, 再寫其他好老師。

本帖隱藏的內容需要回覆才可以瀏覽