本區搜索:
Yahoo!字典
打印

[投訴] 請問點解唔處理違規簽名POST?

[隱藏]

請問點解唔處理違規簽名POST?

http://lsforum.net/board/viewthr ... p;page=1#pid8050742

本壇內禁止任何形式之宣傳成份,包括但不限於在分享帖子內,分享個人網站或Facebook 專頁。
   於分享內容裡,或以任何一種形式宣傳者(包括但不限於個人簽名欄),由此日起,初犯者將會封鎖帳戶兩周,嚴重的將會永久封鎖帳戶,而不予以預先通知。
   所有會員將會給予一個緩衝期,更改個人簽名欄。緩衝期於2014年5月19日完結。
   及後發現之所有違規情況,將會根據上述處理。


SIMON 已解釋有關宣傳限制,旨在限制會員於本壇放上任何本壇以外之連結或其他平台之宣傳,
而對於本壇內任何帖子之連結,並不構成宣傳
http://lsforum.net/board/viewthr ... &extra=page%3D1


----


另外想問是否沒有活躍的版主管理搵工版?

[ 本帖最後由 forcc 於 2018-7-29 03:18 PM 編輯 ]
   

TOP

由此日起,初犯者將會封鎖帳戶兩周,嚴重的將會永久封鎖帳戶,而不予以預先通知。

已作出封鎖帳戶處理。但版務人員暫時沒有權限直接修改會員的簽名欄內容。

另外,你指出的帖子的正文範圍內沒有任何第三方連結,因此正文內容毋須屏蔽,帖子也毋須關閉。
中大會計畢業 BAFS 小組私補按此查詢
BAFS資源集中帖按此

TOP

回覆 2# Dragon834 的帖子

請問何謂初犯者?
我十年來見過好多個案都係趙完鬆戶口
有唔少個案都係專昇新戶口去犯規 - 搏管理員視其為新手

另外對於純粹簽名檔顯示廣告都一律會被視為宣傳?
而所謂宣傳就係定義為壇外連結/導向?
壇內引導就不在此限?
如是者會唔會製造漏洞 - 網民只需在補習專區內發宣傳帖仍可達到異曲同工之效?
問題就在於為何有某些學術資訊/知識/技巧/資源必須參與其補習課程方可獲取
咁豈不是會助長教育產業化?

(由於此問題嚴重且長年累月未有人處理
為增加透明度故搬出來討論而不在版主區內部討論)

TOP

引用:
原帖由 forcc 於 29/7/2018 12:12 AM 發表
http://lsforum.net/board/viewthr ... p;page=1#pid8050742

本壇內禁止任何形式之宣傳成份,包括但不限於在分享帖子內,分享個人網站或Facebook 專頁。
   於分享內容裡,或以任何一種形式宣傳者 ...
抱歉
現時係未有任何版主有搵工版管理權限
目前只有壇主級別人士先有相關權限
而活躍率相信你去頁面右上角"統計"功能睇管理團隊在線紀錄自然一目了然
一眾版主都無能為力
在下亦日前都已經作內部跟進可惜尚未有回音

TOP

http://lsforum.net/board/viewthr ... p;page=1#pid8050742
你可以PM 他叫佢DELETE 簽名LINK.
如果他一星期沒有delete,明知犯錯, 再刪post 不是很合理嗎.

TOP

數年前simon 對於所有違規POST 都一視同仁處理,
沒有灰色地帶
所以他出了一個嚴正聲明post

現在是不是用youtube share 2分鐘教學,就能合法在此宣傳個人profit-making網站?
http://lsforum.net/board/viewthr ... p;page=1#pid8590848
https://www.youtube.com/watch?time_continue=1&v=QT2p-duMkdk

[ 本帖最後由 forcc 於 2018-7-31 11:44 PM 編輯 ]

TOP

回覆 6# forcc 的帖子

咁你意下如何?
坦白講個人有選擇之下係傾向嚴打
不過現時收到同事主流意見係傾向寬鬆
要先吸引人/令小卒有吸引力就必須給阬甜頭
但係我亦都提出一個counter-arguement:
我地究竟係去吸引一批咩本質既人加入小卒?
正如今日教會之所以遭人詬病就係大多參加者都係唔願意付代價而受洗
又例如今日政府政黨好多都其實係只係想要自身利益而參選(睇下有幾多號稱泛民當選後真係兌現承諾)
同樣地如果我地只係一味盲吸一班守株待兔或者為沙紙而讀書既學子加入小卒
咁未來既小卒又會係一個咩模樣? 充斥一班咩心態既網友會員呢?
呢個就係我由上任至今一直強調要討論確立綱領既主因

記得我參選/報名做版主既口號係: 讓小卒成為小卒
小卒 - 今日既小卒仍然係以"非以役人乃役於人"既定位嗎? 今日小卒仍然係秉承服侍學子推動真正教育學術討論為宗旨嗎?

TOP

同意嚴打
如果傾向寬鬆, 請SIMON DELETE 嚴正聲明post

SIMON有沒有參與你們的討論

TOP

回覆 8# forcc 的帖子

抱歉
未有

連呢個問題承諾會跟進至今仍然未處理
http://lsforum.net/board/viewthr ... &extra=page%3D1

TOP

引用:
原帖由 forcc 於 31-7-2018 11:39 PM 發表
數年前simon 對於所有違規POST 都一視同仁處理,
沒有灰色地帶
所以他出了一個嚴正聲明post

現在是不是用youtube share 2分鐘教學,就能合法在此宣傳個人profit-making網站?
http://lsforum.net/board/viewthr ...
問一個問題,如果你平時見倒廣告,你對嗰樣物件、商品或服務,你會如何處理?
答案簡單,就係唔理。

同樣道理,如果一個會員只係想知道某條past paper點做,其實佢冇興趣去補習。喺個Youtube既解釋片段入面出現一個小廣告,或者拍片者既個人網站(唔理佢牟利與否),按常理推斷,呢位求學問既會員會做既野,就係:睇片,哦,原來咁做,關閉視窗。

另外,讀過既書既人都知道,有唔少內容用文字或圖片都難以清楚解釋。尤其是需要說明某啲步驟,喺圖表上劃線(數理科常見,又或經濟學既供需圖)時,影片解說絕對比文字、圖片、論壇討論更為有效。

我地係咪要強迫會員用不含個人資料既途徑去分享影片呢?

另外,2分鐘教學唔代表冇意義。試諗下做MC,有時速度就係要2分鐘內做完一條。如果拍片人可以喺兩分鐘內話比人知,一條MC可以用某啲技巧30秒內做完,而用教科書方法可能要做5分鐘,佢呢段兩分鐘既片段係非常具教學意義。

***********************************
另一個我喺版主區內有討論既例子,係呢度:http://lsforum.net/board/viewthr ... p;extra=&page=1

回覆後見倒有條FB link,係宣傳佢個人網站,按版規而言,犯規,屏蔽內容,關帖處理。
咪住先,你睇下啲內容?
人地嘔心瀝血一字一字打出黎,全部係自己既心得。係咪整左咁多野出黎,因為宣傳自己既網站,就要抹殺佢既努力呢?
第2,留意下該會員最後上線日子,係2017年。如果我係一個2018年讀緊歷史既學生,睇倒佢既帖子,我好想聯絡樓主問佢多啲問題,我可以點做呢?如果所有宣傳都被禁止,我既選擇就係PM樓主問佢問題,或者回覆佢開既post。但係,樓主早已於2017年離開小卒。你喺小卒內任何途徑都搵佢唔倒(當然有心人會識禁入去佢個人檔案搵佢email / 其它聯絡方法,但唔係每位會員都識咁做)。

但係我發現原來佢有個Facebook link。咁易做啦,我去Facebook 問佢問題咪得。仲可以睇倒佢keep住更新(而喺小卒入面冇再繼續更新)既資源添。

就咁睇,小卒好似比人“架空”左,過橋抽板咁。但係,冇左小卒,求學問既會員唔會搵倒出心得既樓主。即使佢地去左另一個平台討論,離開左小卒,小卒都最少發揮左佢引導人去討論既角色。

我地係咪要將所有學術討論都規限喺小卒入面呢?

***********************************
經濟學其中一個理論係:好多時你設計既規矩、政府諗既政策,係有好多你意想不到的反效果。有時你以為好全面地諗曬“所有”可能性,結果係會發生啲你完全預料唔倒既事。你以為做左會好啲,點知有時唔做會好啲。

日常生活既例子,就係$2老人乘車優惠。$2比老人家搭車周圍去,鼓勵佢地活動,原意非常好。咁而家繁忙時間發生咩事?就係一架可能係過海或者跨區既巴士,本來客滿可以飛站快啲上高速公路,但因為“$2客”,而要停一啲區內既站比佢地落車。

將宣傳“趕盡殺絕”,會唔會有啲我地預想唔到既負面效果呢?
************************************

我地究竟係去吸引一批咩本質既人加入小卒?

我既答案係:識得主動搵資源求學既人。可能佢地回覆,download完資源就走左人。未必會喺度開post發文,未必會帶倒好有建設性既討論,唔緊要。我係覺得冇問題。

制度使然。趕時間考DSE,我上黎想用最高速度搵倒by-topic exercise past paper notes 然後我走去溫書。有唔識既,可能會上黎問下。上黎發現冇人答,我問同學、問老師、問補習老師,出去其它有人氣既網站問問題,同人討論。

我當初喺小卒分享資源,目的好簡單。我係一個唔出去補習既人。我想呢個地方可以支持倒唔去補習,但願意付出時間發掘免費資源既人,搵倒佢地想要既野,然後用免費既資源都可以考倒好既成績。“世界上沒有免費午餐”。有時免費既筆記,可能上面就有某人既浮水印,有佢既補習宣傳。唔緊要,我拎倒我需要既野就得。正如我上面提到,我唔想睇既廣告,你送到我面前,我咪望兩眼之後唔理佢。

所以,如果有人願意為左提高佢既知名度(e.g. 做補習既),加個水印或者聯絡方式咁喺小卒入面分享筆記,我個人係無任歡迎。原因上面都講左 - 我既目標係呢度可以比唔想比錢補習既人獲得充足既資源應付公開考試。

係咪好功利呢?某程度上係。坦白講,喺香港既教育環境下,唔讀到大學都冇乜自由思考既空間。你同堆要準備DSE既學生講道理,話教育唔應該商品化等等,對佢成長有冇幫助?坦白而言冇乜。但你同DSE學生講,呢度有你需要既野幫你打低DSE,我諗佢地會對小卒比較有興趣。去到佢過左DSE嗰關,入到大學,大學既通識教育或者其它環境佢地都有機會接觸“教育商品化”呢個議題。到時佢地咪慢慢討論。
************************************

以上為個人淺見。
中大會計畢業 BAFS 小組私補按此查詢
BAFS資源集中帖按此

TOP

引用:
原帖由 Dragon834 於 2018-8-2 08:40 PM 發表


問一個問題,如果你平時見倒廣告,你對嗰樣物件、商品或服務,你會如何處理?
答案簡單,就係唔理。

同樣道理,如果一個會員只係想知道某條past paper點做,其實佢冇興趣去補習。喺個Youtube既解 ...
你能夠解釋為什麼小卒資訊論壇 人流一年少過一年嗎
為什麼當以前執法嚴厲的時候,仍有多個non-commercial 高質post ?

例子
http://lsforum.net/board/viewthr ... mp%3Bascdesc%3DDESC
http://lsforum.net/board/viewthr ... mp%3Bascdesc%3DDESC
http://lsforum.net/board/viewthread.php?tid=164721&highlight=

TOP

你對於non-commercial 高質分享post 愈來愈少有什麼解釋

TOP

請問版主是否有責任encourage visitor 多留在小卒資訊論壇discuss ?
還是去external 網站/ whtatsapp group / youtube 都沒有所謂?

如果你覺得沒有所謂, 我之後會分享大量以上external 學術性網站. 希望你不要remove post

[ 本帖最後由 forcc 於 2018-8-2 11:19 PM 編輯 ]

TOP

謝謝forccc回應
我認同!

歷史比人類最大教訓就係人類從來無從歷史中學習
忘記歷史只會令大家傷害不斷
我約14年來近乎每日都有上幾次小卒
睇住小卒前任管理團隊如何一次又一次不聽勸告
一方面打壓異見另一方面繼續高舉教育商業化主義
一種惟物量化且單一化既環境只會帶來絕望
仲嫌香港學生自殺率唔夠高嗎?

真正吸引人既係quantity還是quality?
小卒現時真係無資源嗎?
現今科技發達網民有咩值得要留係小卒而唔去google搵?
再唔痛定思痛小卒注定滅亡
小卒滅亡唔係重點
真正傷害係網上公眾學術網討空間不用被統戰而倒閉
繼而就係一連串既骨牌效應
小卒不論從自身歷史還是站係香港教育界破口中
還要重蹈覆轍嗎?

TOP

引用:
原帖由 Dragon834 於 2/8/2018 08:40 PM 發表


問一個問題,如果你平時見倒廣告,你對嗰樣物件、商品或服務,你會如何處理?
答案簡單,就係唔理。

同樣道理,如果一個會員只係想知道某條past paper點做,其實佢冇興趣去補習。喺個Youtube既解 ...
希望唔好介意我係到回應Dragon同事既考慮

首先提到解難既作用
我認同的
但係教育所謂何事?
用最短時間解決到學子提出既問題代表咩野?
對方可以有更多時間做其他題目?
究竟結果重要還是過程重要?
學生係填鴨嗎?

對任何嘔心瀝血既作品我係予以肯定的
但係呢一個究竟係一個有條件式既交換(換取政治光環/令自己陷入知名度既試探當中)
還是真正既分享甚至因材施教呢?
相信我係版主區內部都提及過
為何討論一定要係出面而小卒展現/提供唔到相關作用呢?

當然再引伸既就會係更核心問題: 小卒當下定位問題
究竟小卒今日角色係引導人討論還是非以役人乃役於人呢?
小卒呢個名既來由大家明白嗎? 內涵係如何展現?

無論如何
我仍然認同既係"我地究竟係去吸引一批咩本質既人加入小卒?" - 一個target audience既問題
等待免費午餐既人一定會有
而我都相信為數/比例一定唔會少
更何況今日香港教育已經愈來愈大壓迫感
學生空間係愈來愈少
只係我地還要加以附和被市場牽住走嗎?

以上點點反映既核心仲係教育應有既意義嗎?
要到大學先有呢個思考空間
咁入唔到大學點算?
再講何解要等佢地到最少17,18歲先有呢個空間自由?
認真睇下香港教育界昔日既發展
以至本地前輩係如何將香港由一個籍籍無名既漁港發展成今日既昌盛繁榮(唔講97政權移交之後既倒退)
深入了解就會知道當中既洞察力同先見之明
以至對家國使命責任承擔同身份既運用
佢地當時其實只不過係中學生
入到大學已經係去帶領號召社會運動
今日既大學呢? 倒退到頭腦既思考甚至4年大學仍然係到hea/谷沙紙!
咁樣健康嗎?

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。