本區搜索:
Yahoo!字典
打印

[理科分享] 溫習數學科的方法

[隱藏]

溫習數學科的方法

操卷一定係最重要架喇,但係想穩拿5~5**既最好有幾多操幾多,唔好嫌卷舊,因為反而好舊既卷先令人覺得有新鮮感,d題形比較另類,而且DSE的確翻炒過一d好舊年份既會考題目,你唔做就走寶。
至於操法,我建議要by topic同by year都做一次,建議第一次操果陣by topic,因為不斷做同一類topic既題目你自己會發現一d共通點同埋小技巧(而呢個就係by topic既目的同好處),然後會愈做愈好,對呢個topic更加熟悉。當你做哂by topic可以比自己休息下,ready好先再做by year (主要係想你唔好仲記得個answer就去做)。而by year既目的就係學識點樣好好分配時間去做,同埋等自己可以訓練到一次過做唔同topic果陣都keep到頭腦清晰。

另外,對答案都係好重要既一步。好多人操完卷,跟住就對答案,我係講佢地只係對個answer,而忽略左去睇marking上面既solution。其實個solution先係重點,第一佢方法好快,如果佢比你快而簡既你要學左佢。第二,marking係同你講哂佢d分比係邊個位,你學marking咁做卷,你就會知道其實你有好多steps係唔洗寫,因為佢個分位唔係比係你果d多餘 / marking上唔存在既step度,反而如果你呢d多餘既step係寫錯野,仲會有機會比人倒扣分,所以你要做到既就係盡量只係答會有分既step上去,呢樣野同時仲可以加快你做卷時間。

時間方面,一定要計時做,唔計咩都係假。因為你係屋企做,係可以做到好快好準呀,但係到考試果陣好多人自然變緊張大師,每題做完都不斷確認先做落去,唔會好似平時練習咁果斷,所以速度係最重要。入正題,記住就算係by topic都要計時,當你唔識預時間,以135分鐘做105分既卷黎計,每一分平均約係77秒,(mc的話每1題100秒) 你count返個分黎set個時限,當然你覺得自己進步左之後就要縮短返個時限。由於會考卷同DSE有唔同,但因為會考係比DSE明顯易,所以卷1既話,最好2小時內做哂全卷題目,乙部佢叫你5揀4你都要做哂5題,2小時內。會考MC既話,最好可以60~75分鐘內做哂。
   

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。