本區搜索:
Yahoo!字典
打印

DSE 暑假溫書技巧分享

[隱藏]

DSE 暑假溫書技巧分享

唔好以為暑假有好多時間。暑假你每日溫書H話你就比冇溫書H人溫多咗50日。唔好睇小呢50日,因為兩個暑假加埋就係100日,你考得好過其他人就係因為呢100日。積少成多。



至於溫書方面,我建議分為兩類型H科目:(1) 語文通識科和 (2) 其他科目。咁究竟點解要咁分呢?



我認為語文通識科,即係中國語文科、英國語文科同埋通識教育科呢三科需要每一日慢慢浸淫從而提升水平(雖然呢三科係有少少 exam skills 學,但無底有 skills 都冇用),需要日積月累去建立根基,唔係話你做多一份 past paper 就突然之間有好大進步。



而其他科目 — 數學科和選修科 — 可以透過操練歷屆試題去學唔同H課題,而且更加可以令自己知道每一科每一個課題嗰個重點考核H內容係咩地方。而且考評局好鍾意翻炒歷屆試題H題目,你會發覺每個課題出卷出嚟出去好多時候都係問果幾樣野。無論係中四定係中五,我都不斷強調一定一定要做 past paper。



但問題係:「究竟應該點樣分配時間呢?」



升中五H你,你呢個暑假H目標係鞏固返過往一年學過H課題。因為由中五開始,所有嘢就教得越嚟越快,先唔好講跟唔跟得切中五學H嘢,你一定冇乜時間溫返中四H嘢。而且中五學H嘢好多都係 base on 翻你中四學H嘢,所以你一定要溫故知新,將中四學過H嘢全部至少溫一次,而且一定要將中四學過H topic H past paper 做一次。



而升中六H你呢一個暑假就要辛苦少少溫熟晒中四五所學過H所有課題,操曬所有 by topic past paper,至少一次。因為中六開始你又要去學新野,溫習返之前H嘢H時間比較少。



究竟暑假應該點樣分配時間去溫書呢?今日就同大家分享一下!



由於文章比較長,如果有興趣就可以click落去 hkdsebchui.com 睇埋落去啦 希望我呢個關於 HKDSE H Blog 幫到你。




如果有興趣就順手 Follow 埋我 IG @bchuihkdse 啦!

   

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。