本區搜索:
Yahoo!字典
打印

(完)[♥]?一個人的舞會...兩個人的誤會*◆--

[隱藏]

(完)[♥]?一個人的舞會...兩個人的誤會*◆--

(完)[♥]?一個人的舞會...兩個人的誤會*◆--
每個女仔都希望可以擁有童話式o既戀愛,但往往都同現實成反比。
現實做唔到,唯有發白日夢去滿足自己啦。

呢個世紀上乜野奇人都有,而我【阿冰】就擁有一個"特異功能",,而呢樣"特異功能"又係咩呢?!


------------------------------------------------------------

呢晚我著住晚裝去一個晚會,我o係人群之中並唔特出。
每位都有伴侶作伴,唯獨我係單身一個。
音樂奏起勒,而台上面亦都有位王子背住台下慢慢升起。

就係呢個時候我又夠鐘番學勒。。。

我【丫!!!!!!!都未見到個王子又要起身番學…早知尋晚早d訓啦!!】

其實我唔需要咁早起身番學嫁,
我咁早番去目的都係一個。
XDD我相信各位都估得七七八八…
就係為左見我心目中o既理想情人打波!!

而呢個人就係【阿烈】*
雖然係同級生,但係由中一至中三都仍然唔係同一班。((今年我F.3嫁咋*))
任何運動獎項一定有佢份,而且佢眉清目秀,都成為好多人o既關注。
而大家最想知o既就係點解佢無拍拖呢?!

我唔似其他女仔咁主動去同佢傾偈,我淨係靜靜咁每日朝早欣賞佢打波*
何況我又襯唔起人。((運動白痴的我= ="))

呢日我同平時一樣好早番到去,
呢個時間阿烈應該係度嫁!!
但係今日唔見佢啵。。我就坐係藍球場側邊o既鄧…
成間學校最早係我番到= ="
自己一個人係度好悶添**

去左小食部買左包蜜瓜奶坐番係藍球場側邊o既鄧度,
終於有人番到勒!!
呢個係我同班o既男仔----阿昆。
外貌唔算令仔,但勝在好人同埋生得高佻。

昆【阿冰…你又咁早呀】
我【我日日都係咁早坐係度嫁啦*你又日日問呢個問題"XD】
昆【不過今日同平時唔同啵】
我【有咩唔同呀?!】左諗右諗,除左少左阿烈係度打波,都應該無咩唔同丫。
昆【少左我地級o既美男打波囉!!你估我唔知你咁早番黎係為左見佢咩!!哈哈】

我真係做得咁出面,係人都知我o既用意??0___0?

我【懶醒啦你!!早D起身身體好呀!!你又咁早番黎o既?!】
昆【番黎食早餐嘛!我日日都係咁嫁啦,,,你又日日飲住包蜜瓜奶。你睇下你,飲哂包奶仲搓圓"禁"扁,仲飲唔飲呀?!請你勒】
我【哈…都話昆哥好人嫁啦】

就係咁,今日o既早餐十分之豐富!!
但就係因為呢餐豐富令到我上第一堂開始我個肚開始痛勒

終於我挨唔住T^T
去醫療室休息...

我課室就位於二樓*而醫療室就位於一樓*
T^T挨肚痛落樓梯""好痛呀><

平時醫療室唔開燈o既今日竟然開燈啵…
我o個一刻連肚痛都唔記得,因為我開始流汗
知唔知點解呢?!
T^T"就係醫療室之前傳過一d恐怖野…

我就係出面裝下啦,好在= ="入面係有人的…
入面有個面青口唇白o既男生閉目坐係度,而呢個係阿烈。
我任何o既痛都唔再痛勒,只係感覺到個心比之前o既一秒鐘跳得快左一倍,仲成個身都好熱…

我諗諗下,無理由唔入去掛,加上我又真係唔舒服…
而家上番課室咪好樣衰=0="

之後我靜靜打開門坐左另一邊o既鄧,
死勒*唔小心整趺左張鄧*

砰一聲,我成個人嚇到彈起。
估唔到阿烈慢慢醒左,對我笑一笑就行過黎幫我執番張鄧。
o個一刻我真係嚇到呆左!!!
乜野反應都無,個腦海入面仲浮現緊剛才佢對我微笑o個一殺那!!

佢幫我執番張鄧企直o個陣佢腳步開始不穩..

我梗係扶實佢啦!!

大家係咪覺得點解我地兩個都唔講野呢?!?XDD
係因為大家都認得對方係自己級,但又唔認識對方所以先咁ja*

估唔到我同佢o既對話,第一句係........

烈【你又發燒呀?!你同我差唔多咁慶咁o既...】
我【下...下我....我唔知呀。】

我只不過係緊張= ="聽到呢一句我後退左一步*正所謂男女受受不親"XDDD

烈【發燒都唔知,真係傻。個櫃右邊第二格有退燒藥,自己拎丫....】

佢呢句說話又對我微笑勒!!
但佢講完呢句就暈左係我身上...
佢身體好熱呀*我諗佢發燒**
唔怪得今朝無打波啦**


我望住佢好耐,估唔到可以咁近接觸。
之後就抬左佢張床度((醫療室有床嫁!!)),倒左d水 ,拎左d藥俾佢食。
我就坐左係門口,個肚又開始暗暗作痛勒。
痛到眼水標埋*
都係阿昆個衰仔!!!!我唔飲咁多奶咪無事囉><

第二堂o既鐘響起,小息勒。

我班主任MISS"烤"門於醫療室。<<佢好Nice嫁!!同佢好似FD咁**
我就好輕力咁慢慢攝出去....

MISS【阿冰,你有冇事呀,需唔需要早退呀?】
我【我無咩事嫁勒。我抖多陣就得嫁勒…仲有呀,阿烈佢暈左呀】指住入面醫療室訓係床上面o既阿烈!!
MISS【阿烈?!】MISS申左個頭去望一望【哦,一係咁啦,佢醒左o個陣你就去教員室搵佢班主任啦,我諗佢需要早退嫁勒】
我【哦…】開心扁勒!!!!XD
MISS【阿冰!!今日放你一馬"XD陣間上堂要默書**聽日你先補默啦"】
我【下.........."""】不是嗎?!
MISS【拿!!我俾機會你聽日默嫁勒*你個衰妹我都預左你未溫啦""kaka*】
我【MISS*唔駛講野咁一針見血掛*】
MISS【哈…鬼叫我同你似FD多過老師同學生咩!!你抖多陣好上堂勒。我準備下一堂。】
我【咁快就打鐘勒咩?!】
MISS【今日LUNCH之前要上哂八堂丫ma*下晝舉行聯校藍球比賽呀!!】
我【下.,,今日?!!!咁阿烈點呀?!】
MISS【入面o個個阿烈呀?!我諗佢出唔到賽掛....】
我【..........咁大獲?!】
MISS【無你咁好氣勒,我番教員室勒!!佢醒左你就搵佢班主任啦】

MISS講完呢一句就番教員室,我仲呆左係醫療室出面。

一分鐘後我入番醫療室.
阿烈唔舒服,,而今日下晝又有藍球比賽,咁點算呢??!

係呢個時候我就逼自己訓勒…

而我o既"特異功能"要爆發勒*****

[ 本帖最後由 vicky1 於 2009-2-27 09:55 PM 編輯 ]
   

TOP

]【加油呀!!阿烈!!!!!阿烈!!!!!!!加油呀!!!!!!!!!】
坐o係觀眾席o既每位學生,都為阿烈而打氣,
而家o既分數係31-34,,,,,我校暫時領先,
時間淨番4分鐘,又會唔會改寫勝負呢?!

不得了勒!!!!!!!
人地入左球3分波!!!!
而家暫時打成平手**

淨番2分鐘時間.....
點會搶得切分呀!!!!!

【阿烈呀!!!!!加油呀!!!!!】
我【死啦...阿烈好似無乜力咁添嫁!!】我都好緊張呀!!扭到張紙巾碎哂**

好勒好勒好勒.........

入多球3分勒我地又!!!!!!!!

仲有一分鐘淨*
一定要hold住d時間呀><

bbbbbbbbbbbbbbbbbbbbbbb…
比賽完畢*
評判【比賽結束,34比37,,,xxx中學勝】

全場o既歡呼真係好刺耳...
每個人都開心到跳起((特別係女仔))ckcenf1

亦都係呢一刻,阿烈暈左勒......
全場突然間靜到鴉雀無聲..........


【喂喂,,,,,醒勒】
點解我好似感覺到有人拍我o既?!

原來頭先發夢""

烈【喂,,你有冇事呀?!放lunch勒*】
我【下,,,我我無事呀*你有冇事呀?!】
烈【我無乜事掛,,陣間仲要打聯校賽,唔可以有事o既】
我【你陣間一定會嬴】
烈【咁又唔可以咁輕敵…】
我【信我啦!!!!一定會嬴*唔好放棄ar!!可能分數會追得好貼..不過點都會嬴o既!!丫,,小心你會暈低呀】
烈【.............】產生問號中…
我【mu,,,,我唔阻你食lunch勒..我....我番上課室先】
烈【.............】再一次感到無言= ="

我跑左番課室,個心仲係咁跳...

一入到課室,有好多人都閃得七七八八...
得番阿昆,同埋我d 女仔FD*

阿昆行過黎【wa**你好似好嚴重wro*肚痛都不特止,,仲好似發燒咁】
我【我邊會有事丫...都係多得你個豐富早餐ja**不過都算係好事黎丫""kaka】

突然之間我個女仔FD---阿恆  過黎加把咀@.@"

TOP

突然之間我個女仔FD---阿恆  過黎加把咀@.@"

恆【阿冰,,,你梗係好事啦!!!頭先默書不之幾鬼難呀!!唔合格下個禮拜放學要補默呀!!】
我【你估我好好咩= =頭先MISS同左我講啦...我聽日都要默番呀"""唉…】
昆【哈…你都幾難逃過呢劫!!】
我【唔好講咁多,去食飯先*很肚餓呀!!!!!】
恆【係canteen食好冇呀?!我想陣間快d去霸位睇陣間場比賽ar!!!!】
昆【十分同意**我唔食得飽呀*陣間仲要落場打嫁我!!】
我+恆【下,,,,你都有份落場打?!】
昆【好出奇咩...超**唔抵得我同阿烈哥哥有咁近接觸呀!!】
我【男人老狗你就唔好叫得咁嘔心啦*= =】
恆【其實o個個阿烈都唔係話d乜野ja..只不過係運動出色先出名之嘛】
昆【唔好研究呢個問題**要研究有排都未講完**去食野勒】


落到canteen正享受緊我地o既lunch^_____^
阿烈又出現於小食部買野食勒>﹏<
好多女仔都圍住佢....其實我本身都認唔到佢,,
只不過係有咁多女仔圍住佢就知被圍者係阿烈= ="

我呆左幾秒咩事都唔理繼續?猰既野= =
而阿恆就覺得阿烈無咩特別..望都無望...
真是一位奇怪女子= =竟然對阿烈無感覺**

隔左陣阿昆大嗌,,,對阿烈揮手wateye1
昆【阿烈!!!!!過黎一齊食lunch啦】
阿烈微笑一下,,,又係呢個微笑...
呢個微笑令到佢個形象好簡單,一d都唔似花花公仔咁

阿烈終於隔左廿秒先過黎…
原因都係告別o個堆女孩子們ja*XD

阿烈坐左係我o既對面,佢同阿昆坐,我就同阿恆坐。stog1

昆【阿烈,你食舊包你頂唔頂得住嫁?!陣間你仲打波o個wro】
烈【我今日病病地,,,咪食個包囉,,,應該頂得住o既】

我偷望左阿烈一眼!!
咁岩又俾佢見到= =瘀死!!!
即刻扮無野食番

烈【係呢...你呢兩位同學叫咩名呀】
昆【拿!!我對面呢個就係阿恆,你對面o個個就係阿冰】

阿恆好似覺得無乜野= =仲好慢咁食飯…
我就超緊張,,,勁快係度食食食>/\<

烈【原來你叫阿冰...】
我【下....a....係呀】
昆【乜你識佢o既咩阿烈?!】
烈【無…頭先多得佢,,如果唔係我暈左係醫療室無人理】
恆【你點會無人理丫,如果你暈左係操場實有幾百個人圍住你添啦】
我【..........】我啞哂= ="估唔到阿恆係呢d咁特別o既女仔**
昆【食你個飯啦衰妹…】
恆【去洗手間勒我...慢慢傾】

阿恆行開左之後更加令到我不知所措!!!!!

烈【真係唔好意思,你個朋友好似唔歡迎我咁,我都係走先勒】
昆【唔駛咁呀嘛!!呢d女仔咪特別囉,佢唔似其他女仔咁圍住你”xd】

烈【咁你另一位同學唔出聲,好似搞到佢咁唔自然咁】
我【下,,,,,,,唔係呀唔係呀...a....】
昆【唔駛理阿冰o個啵,可能佢唔舒服唔想講野ja*】
我【嗯】
烈【你好番未呀?!】微笑o既一殺那,,真係好迷人!!!
我【七七八八嫁勒】
昆【佢好番九九十十添啦!!kaka】

我啤住左阿昆ckcenf1"佢搞到我乜野儀態都無勒!!!!!!!嗚

昆【哈哈= =今日天氣真係好】

點知出面個天行左一下雷!!!!!!!

我【阿昆=v=連個天都唔幫你勒....】
烈【我唔太明你地講咩】
我【唔駛明嫁勒...哈哈= ="阿恆咁耐都未番黎…我去睇下佢先】

由離開個座位開始我就放鬆番自己= ="

點知我入到洗手間就見到阿恆暈左係地下.....
即時不知所措,七手八腳咁...
我揹左佢出去搵佢地幫手。

就係咁又再去醫療室勒****

而lunch o既時候亦都夠鐘…
佢地亦都要比賽勒**
唯有我陪住阿恆…

點知我陪佢陪到我又訓著左…

差唔多放學o既時候我嚇醒左,
就好似我頭先被阿烈拍之前個夢一樣!!!!

我嚇醒左 ,但就見阿恆好細聲咁對住牆係度喊...

我就好驚咁問佢【你做咩喊呀傻妹】

由佢細細聲o既啜泣變成大大聲o既痛哭....
係我肩膀上面任由佢淚水流出....

TOP

打球的男生都有點吸引力!
回首一看,盡是荒唐,莫怪道:年少輕狂!

TOP

阿恆開始慢慢回復番佢情緒..
我就嘗試問佢咩事勒....

我【做咩事呀阿恆】
恆【頭...頭先我去洗手間...見到廁所  有好多頭髮...好恐怖ar!!嗚....岩岩醒o個陣我就好似聽到有陰笑聲...好恐怖呀嗚....】
我【無事嫁傻妹...可能a..可能係樓下比賽嬴左所以d笑聲ja...a...唔好咁啦】
恆【嗚.........】喊到出唔到聲= =
我【唔好咁啦,,,,快d收聲落去睇賽果啦~~好冇?!阿昆佢地等緊我地慶祝嫁*】

隔左一陣等阿恆收好淚水就諗住打開門勒..
但就見到阿昆擡住阿烈入黎,後面就有好多女仔跟住。

昆【擡佢上床先啦。比賽一完左就暈勒佢】
我【嗯。】嚴肅o既臉容令到成個氣氛都好怪。
醫療室出面仲好嘈。醫療室入面而家有我,阿恆,阿昆,阿烈,MISS同埋阿烈o既班主任。

阿烈o既班主任就出左去教員室度打電話俾阿烈屋企人勒。

恆【阿昆,你都落去換左衫,飲啖水先啦】
昆【嗯】
MISS【好勒*我地都出去啦,,,俾佢休息下】

我就好忍心咁出左去勒...心痛?我諗已經有少少o既感覺,唔通真係由好感增至到喜歡

落到去阿昆換衫,我同阿恆同MISS就係canteen度傾偈勒。

MISS【你兩個衰女包有冇野唔識呀?!阿恆,,頭先見你本默書簿好有可能下個禮拜補默啵。拿!!阿冰你聽日要默呀!!唔好以為走得甩呀】
我【我預左唔合格嫁勒!!最多下個禮拜陪阿恆一齊補默o既ja】
恆【^________^】
MISS【真係無你地班妹釘收!!咦…阿恆....你.......對眼做咩呀?!】
恆【MISS呀,,,其實廁所有冇鬧鬼嫁?!】
我【唔好講呢d啦.....好驚呀我】
MISS【你頭先係咪見到有頭髮係廁所度呢?!】
恆【係呀係呀...嚇到我暈左呀!!】
MISS【傻女!!!o個d假嫁!!因為頭先聯校比賽需要有人出黎迎接嘉賓,我地又臨時覺得d假髮短d好睇d…咁咪係廁所剪囉】
我【咁頭先阿恆暈完之後係醫療室話聽到d陰笑聲wro!!】
MISS【呢d叫心理作用!!你唔記得你MISS我o係大學係修心理o既咩?!】
恆【咁我都無咁驚…】

我【咦…隔離班MISS落黎咯wro】
阿烈班主任【原來阿烈係自己一個人住無人照顧嫁,佢d親戚又唔係香港,唔通今晚俾佢係醫療室度訓呀?!】
恆【聽人講醫療室好邪o個wro】
我【唔好嚇我啦】
MISS【咁點算好呢?!】
恆【好簡單ja*叫阿昆擡佢番去佢屋企度住住一晚先囉】
MISS【阿昆屋企人比唔比嫁?!】
我【MISS出到聲實得嫁""XDD】
阿烈班主任【真係麻煩哂MISS你添,我自己班學生麻煩到你地】
MISS【有咩所謂丫,佢都係呢間學校o既學生ja】

隔左十五分鐘…
就見到阿昆同阿烈一齊落黎…
阿昆換左衫,但阿烈仲未@.@"

烈【MISS…真係唔好意思..麻煩到你地】
阿烈班主任【下次唔舒服就記住休息多d,請假勒知唔知呀?!】
烈【我覺得無乜事嫁勒】
恆【無事你頭先就唔會暈左啦...】
昆【佢劇烈得制ja,,,而家無事就得啦】
我【wa*阿昆好重情義呀!!!好MAN呀!!XD】
昆【你今日先識我嗎??!XD】
MISS【昆哥哥,唔好笑死我啦!!xddd】
恆【咁而家佢駛唔駛去阿昆度訓呀?!】
阿烈班主任【阿烈,你而家覺得仲有冇唔舒服?!需唔需要人照顧呀?!如果係你今晚去阿昆度過夜啦...我地打俾阿昆家長就得嫁勒】
烈【唔駛勒,唔想麻煩到人。我自己應付到。我換埋衫就走嫁勒,學校就黎清場。】
MISS【咁你地好快d走勒,我地上番去做野先,小心d勒....聽日見*】
我+恆+昆+烈【GOODEYE MISS*】

阿烈就好似無乜力咁行左入更衣室,
阿昆就問阿恆【你頭先做乜暈左呀?!】
恆【虛驚一場ja*】
我【你就虛驚,我地就振驚勒!!你知唔知頭先嚇到我七手八腳呀!!XDD頭先阿昆仲不知幾緊張..】
昆【梗係啦!!!!我當正佢係我個妹wro】

阿恆微笑左一下就當了結左件事,但其實做朋友o既又點會唔知佢點諗丫。
雖然我同阿恆都係今年先認識,但我都好了解女仔o既心態嫁!!
阿昆這個傢夥F.1已經識佢= ="唯一轉變o既就係佢高大左"XD

阿烈亦都換埋衫勒,
出發歸家@v@"

阿昆【阿烈*俾d風度送女仔番屋企,拿…我送阿恆番屋企勒,何況我同佢同路】
我【..........】我應該感謝他還是怒啤他呢=口="

阿烈微笑一下就算勒…

而阿恆就無表情,我諗係剛才阿昆o既一句【我當佢係我阿妹】呢句hurt得太深啦。

之後就分開行勒......

我同阿烈呢邊@.@"
大家都唔出聲,唯有我打破呢個沉靜格局啦!!


我【係呢~~比賽點呀?!】
阿烈又微笑左一下,停低腳步【其實你係咪預知未來嫁?!】
我【下.......】

突然之間俾佢呢一句話真係唔知可以點樣回應…
每過一秒我就覺得好似過左十秒咁,種壓逼感好強。

時間一分一分咁過,大約2分鐘度,我擡起頭望住佢又大又圓o既眼,笑一笑...退後一步...((即係企係佢隔離))
我【我都唔知,快d番屋企啦,夜勒】
我以為我一句唔知同埋一個微笑係可以了結呢個問號,但係其實係唔可以嫁!!........


--------------------------------------------------------------
阿恆與阿昆方面@.@"
昆【哈哈哈哈…真係開心*頭先嬴左場比賽呀】
恆【嗯】微笑左一下…但比起平時o既微笑明顯地平淡左好多。
昆【係咪唔舒服呀?!今日個個都唔舒服o既?!】
恆【可能岩岩嚇傻左ja*】
昆【丫,,,點解你好似咁憎阿烈咁o既?!句句同佢頂到行.....】
恆【因為.................】

TOP

因為什麼?
回首一看,盡是荒唐,莫怪道:年少輕狂!

TOP

阿恆與阿昆方面@.@"
昆【哈哈哈哈…真係開心*頭先嬴左場比賽呀】
恆【嗯】微笑左一下…但比起平時o既微笑明顯地平淡左好多。
昆【係咪唔舒服呀?!今日個個都唔舒服o既?!】
恆【可能岩岩嚇傻左ja*】
昆【丫,,,點解你好似咁憎阿烈咁o既?!句句同佢頂到行.....】
恆【因為.................因為佢唔應該係全校最受歡迎o既一個】
昆【下.....佢成績都幾好,運動又叻,樣又唔係差,又專一,好出奇咩?】
恆【就係呢幾樣佢o既優點害左佢,佢令到好多人都迷戀佢,你知唔知佢可以令到幾多人傷心呀?佢簡簡單單話唔想拍拖,呢句野都可以令到好多人hurt死啦】
昆【你........都俾佢hurt過?!】
恆【唔係!!!!係我個FD*你仲記唔記得上年有個女仔讀讀下幾個月就轉左校丫?!】
昆【你指阿詩???!】
恆【係呀!!!!就係多得你個好好朋友阿烈,害到我個FD阿詩轉校呀!!佢為左避開阿烈咋】
昆【....................】
恆【唔好提勒!!我自己番屋企得勒,越講越激氣!!】

就係咁阿恆氣衝衝,衝左番屋企,而阿昆就感到無奈= ="

--------------------------------------------------------------
我同阿烈呢邊@.@"
大家都唔出聲,唯有我打破呢個沉靜格局啦!!

我【係呢~~比賽點呀?!】明知結果都仲去問*真低b的我**
阿烈又微笑左一下,停低腳步【其實你係咪預知未來嫁?!】
我【下.......】

突然之間俾佢呢一句話真係唔知可以點樣回應…
每過一秒我就覺得好似過左十秒咁,種壓逼感好強。

時間一分一分咁過,大約2分鐘度,我抬起頭望住佢又大又圓o既眼,笑一笑...退後一步...((即係企係佢隔離))
我【我都唔知,快d番屋企啦,夜勒】
我以為我一句唔知同埋一個微笑係可以了結呢個問號,但係其實係唔可以嫁!!........

阿烈收起左佢個微笑,變左一個頗為嚴肅o既樣子。

我【我只不過係一個普通o既F.3女學生,無咩特別。就係咁簡單。】

烈【又或者我同你唔太熟,你唔同我講都唔出奇o既】

我無出聲,只係擰番轉頭,向前路進發。
大家都保持好一段距離...

去到我屋企樓下就同佢道別勒。
我【我到勒,你番屋企煲d粥食下休息下啦,再見】

烈【a...有d咩事將會發生你話我知可唔可以呀?】
我【咁你到底係為左我去了解將來而同我做朋友還是真係同我做朋友呢?!】

阿烈好似感到我呢個反問好意外…

我【算啦,你當我無問過啦。再見】

我番到屋企從房o既窗台望落去,見到佢仲呆站係度,再隔多一陣就見到佢擰一擰頭就走勒。

當我番到屋企,食完飯沖完涼就訓左係床度。
不得不承認,屋企人((特別阿爸))係十分討厭我…
點解?遲d可能會解俾大家知....

夜晚訓左係度,眼光光咁,一方面又諗緊尋晚發夢o個個王子,一方面又諗緊阿烈...

如果尋晚o個個王子會係我將來老公,咁會係邊個呢?!

而阿烈如果為左知道未來而同我做朋友,我寧願今日o既事無發生過,寧願每日早d起身早d番去睇佢打波...

當我諗到半夜1點幾o既時候,我電話竟然響,真係俾佢嚇死。。。
來電仲要133"邊個打黎玩野呀.卅卅.!!

我【喂...】
x【嗚.......】
我【喂,半夜三間唔好嚇我啦><邊位呀?!】
恆【恆呀""嗚....】佢o既啜泣聲太厲害勒,估唔到佢外表咁堅強,但係係咁易喊。

我【唔好喊住先啦,唔好要你屋企人擔心丫ma】
恆【我已經....已經夠喊得細聲嫁勒...嗚...】
我【好勒好勒,傻妹..做乜喊呀?!今日o既野都係心理作用黎之嘛】((T^T"真係半夜三間唔好講呢d""講起都心寒**
恆【阿冰,你老實d答我..我係唔係好傻呀?!】
我【你點會傻呀,你估我叫得你做傻妹就傻嫁勒咩...】
恆【但係我鍾意一個點都唔會鍾意自己o既人,咁唔係傻到無人有咩?】
我【總會有一個付出,一個得益嫁啦。何況鍾意一個人又唔係乜野傻o既行為,係人都會嫁啦。問題在於....自己會唔會後悔ja】
恆【...........................嗯....嗚】佢o既喊聲加上索鼻聲令到我自己都鼻酸勒,唔通鍾意一個人都會係罪?!
我【阿恆,你係咪鍾意阿昆呀?!】
恆【..............................】
我【阿恆,係唔係ja?】
恆【係,,我承認我係!!我鍾意左佢三年!!從不相識暗戀到而家好似兄妹咁都係咁鍾意佢!!!點解我要咁傻丫..嗚】呢個傻女越喊越大聲,鬼叫阿昆當阿恆係阿妹咩!!就當俾佢發洩下啦。
我【冷靜d先好冇?!你唔好再喊勒*越喊越大聲,我幫你搞掂佢好冇?!你今晚乖乖地訓左先,如果唔係聽日眼腫哂人地會問你咩事嫁勒!!】
恆【阿冰,應承我!!點都唔可以話俾任何一個人聽?!】
我【好!!!我今晚同你諗掂佢】


就係咁收左線之後我就即刻訓落張床度!!

----------------------------------------------------------
學校o既後花園,阿恆同阿昆都係度。
我仲見到阿恆對眼有d腫…而阿昆個樣仲係咁傻。。
識左佢咁耐都仲係無改變= ="

昆【阿恆…其實你覺得阿烈點呀?!】
恆【黑人憎,自私自利,懶型,自以為事,懶怕羞!!】
昆【咁我呢?!】
恆【好人*成日照顧我呢個""好阿妹""!!!】
昆【阿恆呀.....】
恆【點呀昆哥哥…係咪厭你個妹我好煩丫!!!】

阿恆講完呢句就轉身走勒,我仲見到佢滴淚水不自覺咁流出。

阿昆捉住佢隻手,阿恆不斷掙扎,兩個維持呢個動作好耐好耐,但阿恆始終係女仔點都會累,最後放棄掙扎*

昆【我根本就無咁o既意思**阿恆ar!!!你做我女朋友得唔得呀?!】

低下頭o既恆【.........................


頂!!!!!!!!!!><又要起身番學勒我!!!!!
都未發完個夢就要起身=3=

咁我究竟早d番學校好定係繼續發呢個夢呢?!
好!!我最後選擇番學校=3=
個夢都講到咁明,嘰…唔會咁都一齊唔到掛?!??!?

唔理咁多>33<番學校先**
-------------------------------------------------
今日藍球場仍然係咁清靜..
阿烈仍然唔係度…
但突然之間阿昆從男更衣室閃左出黎…

昆【又咁早黎睇"人地"打波呀】
我【都話食早餐咯!!唔理你,我去買奶飲】轉身><點解我唔承認呢?!
昆【車,,仲諗住話俾你知阿烈係邊添…】
我【我.先.唔.恨.知.呀!!】轉身大叫...我都估唔到自己會口出狂言"口不對心…
昆【呵呵…唔知啦,阿烈咪係小食部之嘛】
我【關我咩事呀!!我買奶飲係我o既事呀!!】死啦=3=我好似惡得制*不過內心真係好開心...原來阿烈係番左黎…
昆【拿拿拿,我咩都唔知呀】

我都無阿昆哥哥咁好氣-3-轉身前往小食部……

阿烈真係o係度...不過串咀左d wro=0="
咁早拎張1000蚊紙叫人地點找呀**
我【唔該照舊丫愛姐】""小食部老闆娘好好人嫁/\/\日日我都係佢第一個客!!哈哈…日日我都係買第一包蜜瓜奶o既一個
愛【唔好意思勒阿冰,我仲未入貨呀】
我【咁........""飲水算啦我><】
愛【多謝4蚊^_____^】
我【愛姐,你係咪特登要我買支4蚊水嫁T____T"】
愛【如果係特登就日日都同你講蜜瓜奶未入貨啦!!kakaka】

我【mu,,,,我幫佢俾埋丫】

烈【下.....】
我【你叫人地晨咁早點找張1000蚊紙俾你呀?!】
烈【mu.........】
愛【你咪當阿冰借俾你囉,何況阿冰咁自願∼可!】
我【..........】

俾完錢就轉身閃人,坐番去平時坐o既位…
我淨係見到阿烈同阿昆講野,我諗係阿烈想叫阿昆拎錢俾我勒。

果然不出我所料…

不過係阿昆行過黎…
昆【拿*衰妹**係阿烈還番俾你嫁】
我【d錢又咪即係你o既.....】
昆【係勒,阿烈問我關於你o既野…】
我【嗯?!】問我野?!唔好玩啦
昆【佢問我你...係唔係有預知未來】
我【你叫佢唔好再問啦,呢樣野我都唔清楚呀】
昆【但真係好邪喎…阿烈話尋日你同佢講o既野準哂呀!!又話d分數追得好貼,又話會暈】
我【好日常生活知識ja**人地學校咁勁追分梗係貼啦,佢尋日又病,咁劇烈梗係會暈啦】
昆【.................】
我【總之有好多野都好難去解,越唔去解就越好,越解越麻煩】

就係咁講完呢句,我好嬲咁走左。
點解嬲?好明顯啦,阿烈係有心想知我預測未來而去同我做朋友。


--------
--------------
-------------------

下午Lunch*
今日又4個人食飯…
又係阿昆.阿烈.阿恆.我。。。

出到去食完飯番到黎,MISS捉左我去默書呀T___T"
而阿烈繼續俾女圍*

而阿恆同阿昆就去左後花園。

上到去我就同MISS講【MISS…今日放過我好冇呀?!我下個禮拜補默番俾你啦…】
MISS【點解要下個禮拜先補默呢?!冰妹妹】
我【今日我有要事係身ma""】
MISS【有幾重要呀**學業至上wro!!】
我【呵**你唔駛我今日默書我就話你知。快d決定啦MISS..就黎趕唔切勒】
MISS【又好!!放過你***快d話我知咩事】

哈哈…女人真係敵不過好奇心…

我【我帶你後花園睇d野先啦"】

跑跑跑,衝左去後花園d大柱位哩埋…

MISS【孤男寡女,搞咩呀?!】
我【SHHHHH**】((好在岩岩開場"XDD))




昆【咁我呢?!】
恆【好人*成日照顧我呢個""好阿妹""!!!】阿恆開始發惡勒*梗係啦..鍾意人地,但人地又當自己係阿妹。

****MISS【嘩`…唔係俾我估中阿恆呢個傻妹鍾意阿昆呀嘛?!】
****我【繼續睇落去啦^____^】

昆【阿恆呀.....】
恆【點呀昆哥哥…係咪厭你個妹我好煩丫!!!】


阿恆轉身行去廁所o既方向,但阿昆就捉住左佢,兩個人手拉手咁""哈哈…

****MISS【wa*唔知下秒鐘劇情係點呢**】
****我【嘰…可能咀咀掛**】
****MISS【你個咸濕妹丫"""哈】
****我【SHHH*到戲肉勒**】


昆【我根本就無咁o既意思**阿恆ar!!!你做我女朋友得唔得呀?!】

****MISS【真情剖白wro*真係未見過阿昆咁認真*】
****我【睇埋落去仲好啦""】


阿恆原本低著頭哭,我本以為阿恆聽到阿昆咁講實會好感動,但俾我估錯勒...


[ 本帖最後由 vicky1 於 2009-3-2 09:39 PM 編輯 ]

TOP

阿昆是在逃避嗎
回首一看,盡是荒唐,莫怪道:年少輕狂!

TOP

恆【點呀昆哥哥…係咪厭你個妹我好煩丫!!!】

昆【我根本就無咁o既意思**阿恆ar!!!你做我女朋友得唔得呀?!】

恆【你放手啦,,,我根本就唔想同一個對我無感覺o既人而一齊,,我唔鍾意人地同情我可憐我呀!!】

呢句話有幾難受?其實大家淨係覺得阿昆難過咋咩??!
我反而覺得阿恆比起任何人更加難受,承受呢一句話o既受傷,最大亦都係佢----恆。


阿昆淨係呆左係度,大家都無出聲。
阿恆淨係慢慢咁流淚,無抹過,一滴比一滴大o既眼淚已經令到阿恆麻木勒。

旁人o既我同MISS呢?!
我淨係感覺到自己個鼻突然一酸…

好似感覺到自己鍾意o既人,唔鍾意自己,仲有d俾人被玩o既感覺。
唔知旁人o既你又有咩感受呢?!

****MISS【好勒,,走勒,,我都唔想再睇落去,,下個禮拜你先默書啦....再見】

點解MISS好似又咁怪o既?!

唔理…繼續睇下文……

昆【我對你無感覺??係我自己自卑,唔敢追你,到我而家勇敢d同你表白,又話唔鍾意人地同情你!!你覺得我似同情人咩?!你覺得我真係乜野女仔都岩我咩?!】

阿恆無講過乜野,呢一刻我相信佢地聽到o既只係佢地個心跳聲同埋淚水聲…
淚水聲仲係重疊,我相信呢一刻係阿昆流露出佢最真o既一面。

昆【我估唔到你會咁睇我囉。我仲以為我好了解你,你都好了解番我。直到尋日我唔小心講左句當你係阿妹,就知你同平時唔同。尋晚o個一刻我仲諗你會唔會鍾意我。
結果好明顯囉,如果你唔鍾意我你都唔好話我對感情唔認真!!感情係需要兩個人付出,唔係單方面一個同情就可以嫁】


阿昆講完就好瀟灑咁走,但係場面就好似好單調,整個畫面都好傷感,種感覺特別冷。

當阿昆走左之後,我又諗緊佢地o既對話,

我係度諗:乜結局唔係應該完美o既咩??點解劇情咁大轉變?!..而且大家都鍾意對方,點解又要浪費大家時間同損耗自己個心呢?

直到阿恆喊得太累趺左落地,我先醒覺到自己係身旁,
我衝左過去扶佢...
一心諗住安慰,誰知..換來o既係一d難聽o既說話……

恆【夠勒阿冰,我叫你唔好同人講你竟然同阿昆講左!!你o係旁邊一定睇得好開心啦!!你安樂.你滿意.你高興啦!!】
我【我邊有同阿昆講呀?】
恆【如果唔係尋晚你又點會咁口響話會幫我搞掂丫!!今日佢又會向我表白?!】
我【我.........總之有好多野你地都唔好去明啦】
恆【梗係啦,唔去明我咪會俾你地去玩囉!】
我【我根本就無咁o既用意,我淨係想你地開開心心,既然大家都鍾意大家咁點解要呃住大家ja】
恆【唔好講野懶好聽啦,你好煩呀。你行開好冇呀!你係咪厭我喊得唔夠大聲喊得唔夠樣衰丫?】
我【我........唉.....我唔煩你勒】

當我轉身行開,
佢就話【懶好心!如果唔係你,我同佢仲係朋友!我信錯左你!冰!!!!冰!!!!!】

我個心真係好痛,
因為我真係無同過任何一個人講過阿恆鍾意o既係阿昆。

算啦…佢地要誤會就去誤會啦。

跟住我就行左去搵阿昆…
但係見唔到阿昆o既??@@

見到o既只有俾3--6個女仔圍住o既阿烈…
算**低頭一次=3=問下佢先…

我【阿烈…有冇見過阿昆呀?!】

阿烈都未出聲…佢身邊o既女仔已經係度暗暗咒罵我= =而家仲兜口兜面出聲添**

女【行開D啦**你唔見阿烈烈同我地傾緊偈o既咩?】

我【哼!真係可笑**我真係唔覺得阿烈有答過你地D乜野囉*你地連鍾意一個人o既尊重都無!!】

女【你而家係咪玩野..搵交黎嗌呀!!】

我【我有講錯咩?!你有尊重人地去揀你咩?!鍾意一個人係咁o既咩?!如果單方面鍾意一個人會快樂咩?!人地雙方鍾意大家都無得幸福,你地認為係度發姣就可以有幸福,有光榮勒咩?!】

女【八婆..............】

呢一刻*阿烈終於有講野勒.......

烈【我鍾意你】

呢一句話令到我呼吸停止,我唔敢肯定自己有冇聽錯*
而o係佢身邊o既女仔都啞哂....同我一樣停止哂所有動作。

女【唔好咁啦烈烈…做乜咁大聲同人表白ja**】
女a【佢唔係同你表白呀…係同我表白呀】

幾位女生就係為左呢句話係度爭寵…真係無聊……

就係咁我轉身走…

但係反而阿烈企左係身…甩開哂幾個女仔o既手..
烈【我鍾意阿冰】

.......
..............
.......................
呢一下我個心不斷咁跳…
而我簡直唔敢相信自己o既耳仔有冇聽錯…
我停左十秒…然後就向前跑…

呢一刻我想喊,點解??

因為我認為相愛係一件難事,呢一段感情要受到其他人o既言語所困,仲有好多人o既目光,仲有好多好多o既未了解。
我相信阿昆同阿恆o既感情,點都會比我同阿烈更深更愛,
而家阿昆同阿恆都無可能,我相信我同阿烈o既機會少過百份之一…


估唔到我都會為左呢件事而喊…
直到放學我都係一個人,阿恆.阿昆.阿烈我都無撞到佢地…

一波未平一波又起…

番到屋企.................唉*

TOP

然後呢??
回首一看,盡是荒唐,莫怪道:年少輕狂!

TOP

番到屋企整個家都亂哂…
唔駛講又係阿爸賭錢累成啦…
唔好睇我好似無咩壓力,
其實係我唔透露俾其他人知ja*

屋企亂七八糟,好多啤酒罐,連所有相架都一律趺落地...而阿爸就訓左係地下添。

我見情勢係咁就入房勒,
但入房前俾老媽招見= ="

媽【阿冰,你真係唔可以幫你阿爸咩?話哂佢都供書教學咁多年...】

我【媽呀.....】

媽【頭先你番黎又唔係唔見o既,阿爸又飲咁多酒,屋企又亂哂】

我【我....我唔係唔想呀!!而係我無能力做呀!!】

呢個時候已經眼紅勒,明明我有能力做O既事,但我就幫唔到自己同屋企人…

正當我眼紅咁入房之後,想關門o個一刻,阿爸從地下辛辛苦苦爬起身,

仲大聲嗌,好似想話俾全世界o既人聽咁

爸【你話養女有咩用丫!!識發夢,要乜有乜..但偏偏就唔肯幫老豆,你話老豆咁辛苦幫個女供書教學有咩用呀】


係呢一刻我o既眼淚已經湧哂出黎…
我應該出聲還是沉住氣???
我知阿爸養左我咁多年,但係我o既"技能"對屋企人竟然係無貢獻。
其實由呢一刻我仲未知道, 其實係個夢去控制我還是我控制個夢?


算…我選擇沉住氣…
晚飯都無食…
成晚係房度喊,仲不斷聽到由廳傳出黎o既"怨氣"聲…
直至某刻突然好眼訓。

我竟然發到o既係前晚夢見王子o個一幕…
我終於都見到個王子,

但竟然......................

當我夢見o個個王子,竟然係阿昆......

但係我又俾廳出面o既巨響嚇醒左…

真係現實同虛實都俾佢嚇餐飽!!!!

咁我起左身,睇下出面咩事啦..
發現o既係阿媽拎住支鐵棒打阿爸,
而阿爸就訓左係地。
我見到阿爸好多傷痕,睇黎阿媽今次出手好重。
而嘈醒我o既巨響,我估係阿爸趴左係地靠台黎借力,搞到摺台都摺埋。

呢個時候我嚇到呆左,估唔到平日係我身邊溫柔大方o既阿媽會有咁殘暴o既一面…

當阿媽發現我o既時候,
就放低左支鐵棒,衝過黎攬住我..

媽【阿女,,,唔駛驚勒!!..阿媽咁做為你好嫁咋,我真係唔忍心你老豆佢成日恰你,佢又成日偷偷地拎我地d錢…】
從媽媽慌張o既眼神當中…我察覺到o既家庭o既愛…但係呢種愛又會唔會殘暴得制呢?!

我從驚嚇中拉回現實,但我o既反應出奇地平靜…
我【媽…愛我就唔應該去保護我…快d送阿爸入院啦,唔係有時d野後悔都黎唔切嫁勒】

媽【……】
或者阿媽覺得好驚奇我咁o既回應…
有邊個子女唔想有家庭o既保護?

我就拎起電話打999"
當我背住佢地打電話o既時候.我唔及阿媽快…
佢已經靜靜地拎起界刀割手脈…
一刀又一刀咁割落去,我終於有點反應勒,
唯一可以做係阻止佢o既動作,跟住拎左d衫去"禁"住傷口。
當等到呢架白車o既時候,我突然之間暈左。
都唔知係暈定係好眼訓= ="

眼前一刻變成一個公園,個公園好靜。
只係得我…爸爸…媽媽三個人係度…
而我就好天真係度"千秋"...((= =現在已F.3了"))
而爸爸媽媽就坐係旁邊o既"鄧"睇住我…
呢個夢好靜好靜…
無一個人係度講野…包括我……
靜到有點奇怪同寂寞"

當我夢醒o個陣見到o既係老豆係身邊…

佢好緊張咁問我【點呀阿女…你夢見d咩呀?!係咪六合彩呀】

我亦都好緊張咁問佢【點呀阿爸…阿媽佢而家點呀?!】

當大家問完呢句,明顯地大家都好失望…

唔得勒…今次真係火都黎埋…
我【你有冇搞錯呀*你係我老豆我都照講嫁勒...而家阿媽訓左係醫院,你仲好心情問我有冇發夢,有冇夢見你d馬仔同六合彩~你有冇擔心過呢個屋企嫁?!有錢就拎番黎…無錢就拎番走,呢個家可以自出自入o既咩?!】
阿爸沉住氣,究竟係咪佢知錯?

我【你幾時當過阿媽係你老婆,當過我係你個女,幾時當過呢個屋企係你屋企呀?】

爸【你唔好講野講得咁過份wro*我供書教學你咁多年你居然咁同我講野....】

好明顯,佢完全唔明白我所講o既野…

我【供書教學?!你夾埋夾埋養過我幾多丫...十份一有冇丫?!呢d係阿媽賺番黎嫁,搵到個咁好老婆你又唔珍惜,你對我唔好都唔緊要,但你對阿媽唔尊重唔痛鍚就萬萬唔得!!】

爸【我對你阿媽唔好又點會娶佢呀?】

我【唔好話你貪圖佢工作能力!!】

或者我真係講得過份左,阿爸摑左我一巴…
而佢亦都滿有淚光,我有講錯嗎?
佢o既一臉苦衷,一臉內疚,會成為瓦解o既能力嗎??

TOP

問題家庭...
回首一看,盡是荒唐,莫怪道:年少輕狂!

TOP

哈哈!!!

TOP

也是轉貼的嗎?
回首一看,盡是荒唐,莫怪道:年少輕狂!

TOP

55!!!想同大家分享!!

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。