本區搜索:
Yahoo!字典
打印

[院校討論] 科大好?定其他大學好?

科大好?定其他大學好?

港大/中大/城大/理大/嶺大 等:一科考試貼平均分, B Grade

科大:一科考試貼平均分, 最高 C+, 大致低其他大學兩個Grade, 有d三個Grade

港大/中大/城大/理大/嶺大 等:GPA過三, 普通到唔普通

科大:GPA過三, 難過大海撈針, 通宵讀好多晚都未必得

港大/中大/城大/理大/嶺大 等:大致GPA低過一點五先考慮踢

科大:GPA低過一點八, 或者一個必修課程炒兩次, 即踢冇得傾, 除非申請休學一年做野/避世緩衝一下

科大殺手課程MATH1013/1014 (進階微積分), 商(包括GBus)、工、理學生, 全部都要讀, 冇得豁免. 就算讀過M1/M2, 一樣好易搞唔掂, 仲有好多好嚴苛既教授, 不論中期試定末期試, 就算平均分高到七八十分, 你一低過平均分一分咁大把, 都可以即刻F你, 或者D (D喺科大等同唔合格, 食一個D, 要幾科A+先抵得返, 否則連2nd Hon都唔知保唔保得住)

港大/中大/城大/理大/嶺大 等既人, 除左醫科/法律/精算等神科人, 大多數都可以放任咁玩而毋須擔憂成績太差o個陣, 好多好多科大人, 平時就要讀書讀通宵通幾晚都分分鐘要, 只為防止中期試/末期試炒粉, 只為保得住平均分, 因為科大唔少課程, 都係齋睇考試或者考試佔八九成, 尤其一科叫LIFS1902既生物課程, 成萬頁筆記要背, 即使好多教返中學生物教過既野, 都一樣可以一半人C或以下, 同喺科大當炒既D, 只差0.6分. 所以, 科大圖書館同自修室, 係長期塞滿晒人, 可想而知科大讀書競爭幾激烈, 個文化係緊張成績到點既地步.

港大讀Science, 係不問首年GPA高低, 只要想讀就畀你讀, 因為港大Science每個主修科, 其實唔設人數限制乜滯. 港大就算係工程/社會科學院, 入唔同主修科既首年GPA都唔使太高, 至緊要你真心想讀. 中大、城大讀完第一年揀主修科, GPA要求都唔特別高.

但喺科大, 就完全唔同. 爭入主修科, 唔係睇面試表現, 而係全睇成績咁滯, 即係邊個夠叻邊個玩晒. 本身底差成績唔好既人, 一係硬食根本唔想讀既科又轉唔到, 因為轉科起碼GPA要三點五甚至三點八, 係已經去到1st Hon最頂既水準. 試問學渣, 如果不幸入到唔想讀既科, 就算將所有時間包括食飯, 都用埋尼讀書, 又有冇可能讀到基本轉科既要求 ?

讀住一科, 明明好有興趣, 但能力唔夠, 一路讀成績一路差落去, 就算本身好有興趣, 都越磨越冇興趣, 一路爛Grade爛到畢業, 最差情況係因此搞到3rd Hon畢業, 連出尼搵野做老闆一睇你CV就可能已經想踢你走. 科大仲要日日吹自己畢業生100%就業, 都唔知連自僱做乞衣都當係工, 所以谷到條數咁高.

所以總結 : 入到科大既, 恭喜晒你地 ! 入到其他大既, 要加油努力 !
   

TOP

[隱藏]
HKU出名8大最爛grade架wo.....hku唔拉curve
Math department有d courses甚至7 8 成拎F

不過你資料有小小錯,HKU簡Major係gpa 唔過2都會簡到自己想要既major
正如你所講,無quota,同樣地無GPA要求,而且可以瘋狂轉major,minor
課程彈性,大部份人都doublemajor畢業,當中好多都係跨faculty,甚至讀2科完全無關既科
而且係超級容易去到世界級名校exchange

TOP

引用:
原帖由 徒勞無功 於 2016-8-8 11:02 PM 發表
港大/中大/城大/理大/嶺大 等:一科考試貼平均分, B Grade

科大:一科考試貼平均分, 最高 C+, 大致低其他大學兩個Grade, 有d三個Grade

港大/中大/城大/理大/嶺大 等:GPA過三, 普通到唔普通

科大:GPA過三, ...
科大老師都明言說對他們的學生有一些要求的,這樣可以增強雇主對學生的信心,雇主認為這是【有料】的表現,科大學習氣氛最好,適合辛勤的學子,當然想輕松一點的話,就去其他學校咯。

TOP

引用:
原帖由 jensenyan1234 於 2016-8-9 05:14 PM 發表
科大老師都明言說對他們的學生有一些要求的,這樣可以增強雇主對學生的信心,雇主認為這是【有料】的表現,科大學習氣氛最好,適合辛勤的學子,當然想輕松一點的話,就去其他學校咯。
唔好玩啦, 科大整到個個GPA咁低, 搵工唔乸係仲蝕底?

TOP

你讀engine, science, 除左bio, 連基本calculus都搞唔掂要考慮下退學
如果你有讀1013/1014不如望返下你D卷做成點先啦

UST business, 除左QFN呢D特別科之外, 可以讀1003
Permanent Head Damage and Mental Abuse To Human

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。