補習教師范浩揚(K.Oten)自家推出的「全攻型收音機」,繼被指有干擾其他文憑試考生嫌疑後,又有人踢爆該收音機實際上只是價值數十元的便宜貨,但范浩揚卻賣貴數倍,勁賺學生錢。
有網民撕開「全攻型收音機」表面貼紙,發現機身有「Audiomax SR 202」字樣,而在淘寶網上,同一型號收音機只售28元人民幣,即使計算運費,連「全攻型收音機」包裝內附帶的天線和插頭,合共成本亦只需約70港元,但K.Oten卻以128元至228元售予學生。
「早知我都去淘寶」
K.Oten向《蘋果》否認透過全攻型收音機賺錢,「部機係補習社(星河)賣,我只係幫手推銷」。他強調自己雖然在加裝天線及外觀上有給予意見,但「無錢落袋」。
對於有人指同類收音樂在淘寶只售28元人仔,K.Oten說:「我都係𠵱家至知,早知我都去淘寶買喇。」他表示,補習社方面是在香港市面購買再自己加配件和包裝,來貨價肯定不只28元人民幣。
已全數售罄
是否搵學生笨賺大錢?K.Oten說,全攻型收音機去年免費派予長期支持學生,今年大部份補習社學生都只是以優惠價128元購買,只有街外人才是228元購買,「我所知今年只係賣咗幾十部,街外人總共都唔知有冇賣到十部,剩係你哋記者都買兩咗一兩部啦」。
記者曾以學生身份致電星河教育熱線,職員指「全攻型收音機」已全數售罄,着記者今日到星河分校登記資料,最快明日有貨。
網民點睇:
Dickit Lai:「部野開過光,你哋識條X咩。」
Lokmiu Chiu:「人哋張花紙好貴㗎!」
Winning Tam:「全攻型嘅意思係攻擊你嘅荷包。」
Chuiting Lee:「我諗我見過嘅audiomax已經最貴$50。」
Remy Lee:「我撑你,唔駛理班人嘅惡意中傷。」
梳屎:
http://forum5.hkgolden.com/view.aspx?message=4368295