karmalee0212

SKHTSKSS今年校慶，TSK為欺凌學校，害人一世唔負責任，各位同學有一眾老師，校長教育真係幸運。

一開頭無啦啦俾人當面侮辱，佢地周圍同人講我，佢話我黑人憎，話我無朋友，同佢地兩個一班，俾佢地講，我點處理?我可以點處理?我同仍地吵架?先唔講佢地會否認，佢地唔認，即係我屈佢地，我就係屈佢地，我要道歉。佢地認，又會停咩? 所以佢地講我，我可以做既就只有當聽唔到。知唔知個同學試過點欺凌人?

個同學因為私人恩怨，同成班講，屈我。

然後我做自己野，之後同學覺我我臭串，Ms Yuen係唔係覺得個處理手法係幫左我?你話有個學生太臭串，如果果下我解釋，佢地就會圍埋一齊，話我係真係臭串。我唔出聲就默認。我當下無野做到，我只可以硬食。唔通我明知人地唔鐘意我，我仲特登做d人地唔鐘意做既野咩。我唔認錯？ 定係唔係我錯？你有無考慮過我既感受，你有無諗過我都用自己既方法去處理緊。我已經煩緊點應對佢地既說話，你就火上加油。

同學做過咩?
小息時俾其他班既人當面侮辱，放學俾人對住我當面講「死老豆」，我係課室行過，某同學會推開我。平時當面話我博可憐，話我性格有問題。某同學話睇人仆街就最開心。杯葛人。懷疑俾個女同學拆散感情。俾男同學用化學武器攻擊我。平時就杯葛。talents show/ 體育堂 就一個人坐係台下。

然後TSK老師/社工點對我?
音樂堂一個人一組，落堂Mrs Wong過左尼，佢第一句話「你同你d 同學既關係唔係幾好咁wor」。佢地欺凌/isolate我，然後第一句係，你同d 同學，唔係同學有問題，所有野都係我錯? 有無一刻問過我咩事?

我唔開心，跟住我同社工講，佢話我控制唔到人地講咩。係呀控制唔到嫁，我搵你係做咩?人地欺凌我，你就控制唔到。我俾人欺凌，你就先先覺得係我諗多左，然後就係我錯，叫我忍，忍完又忍，其實搵你做咩? 同你講想讀咩，佢可以直接講「你都係想型炸」。

然後bio Field trip，無去Field Trip，之後番學要傾，我話同同學關係唔好，佢話「要等人慢慢接受番我」。我話好，我可以點答?其實唔係我錯，佢地做先，之後佢地再做好多好過分既野，又係我錯，你有無諗過我感受?

然後，仍地咁對我，你地既老師我要主動，諗話題，慢慢融入番班同學。你覺得可以咩? 你覺得有可能咩? 佢地做錯野，我仲要主動地慢慢求佢地接受番我?

某同學日日欺凌我，之後我推跌某同學張檯，之後Ms. Po叫我去教員室見佢，佢只係問我有無做過，然後我想解釋，但佢就連俾我解釋既機會都無。你地班老師，你覺得，你認為?先講唔係我錯，由始至終你都係聽佢地講，你有無一刻聽過我講？我有無認過呀?點解佢地講既野一定係真。

然後好啦，我都無認過。之後你當係真，你就要我反思係我自已做成，我抵死。難道我真係有做過，佢地就可以咁對我? 見Ms lui，我話佢地講先。我話點解你唔罸佢地，跟住佢話我無話你d 同學啱，但你都要諗點解佢地咁對我，如果佢地真係無啦啦咁對你，咁佢地真係有問題啦。

係佢地講我先，我做出果d 行為係因為我嘗試自己解決問題。然後我做錯少少野，原來就代表佢地可以咁對我咩。我無講出口。因為我已經唔想解釋。

之後俾個同學用化學武器攻擊我，我要去醫院。然後班老師覺得我會報復。個社工見我時，佢話，你唔好亂做某行為。佢做錯野，由頭到尾都係佢錯，佢講到我做錯野，我無機會去解釋。到到今次佢真係做錯野，你地要控制我既反祇，唔係罸佢。

去到後期要我做主動，識朋友，我無做過咩？我無努力過咩？唔係我無盡過力，係佢地無當過我係佢同學。

最恐怖既係，當我離開左間學校，個老師見到我，又問我有無同人social? 點解你要強加你鐘意既野係我身上? 點解一定要同佢地講野，friend到先match你個expectation?同學會因為我只係讀書，而欺凌我。而你地老師同佢地一樣，咁你同佢地有咩分別。

你地唔單止無阻止，罸佢地，你連覺得佢地係錯都無。係唔係因為佢地人多，就係佢地岩曬。你覺得，你認為，我難道唔係你既學生咩？其實只係你將個責任推左俾一個16歲 17歲定係18歲既我。

望下佢地，你地既學生，宜家做reseach，ibank，有d結埋婚。我呢? 多謝你地每一位教過我/接觸過既教職員，但戴校長都走埋，佢同d同學好好傾，畢左業都有野傾。

我唔明點解有咁既老師，同學，校長，社工。畢業禮我都無去，我好後侮係tsk讀過書。

Best Wishes,
祝大家alumni 玩得開心，教職員工作愉快，前程似錦。