香港中學生聯盟

驗毒計劃標籤學生，例如學生之間可能造成猜疑，
覺得被驗既同學都可能是吸毒者，
結果班上、同學之間可能造成互相排斥，
慢慢演變小圈子等問題。

而老師、校長可能會密切留意學生，
對學生造成一定壓力，有機會令學生無法正常學習。

家長也可能呼籲子女唔好同呢個同果個玩，
到時連家長之間都可能有猜疑。

到最後學校自然變得不再「和諧」。

ares23

將學校定義為一個和諧既地方未免太理想化
君不見校園欺凌, 甚至學生毆打老師等事件的發生?
老實講, 唔行校園驗毒, 好多學生一樣知道自己既同學有吸食毒品
你日日同佢一齊上堂, 唔通佢日日wing下wing下你會唔知/唔懷疑?
另外, 唔通無校園驗毒, 老師校長等就唔會密切留意學生?
最重要的係留意學生係為咩
因為覺得佢影響校風要踢佢出校? 定係想搵佢出黎幫佢戒除毒癮?

akids

我都分享下....其實有d無聊....
有食野唔會俾你驗,冇食既驗左都冇用
waste money lo

sinister

引用:

原帖由 Ronald_Chui 於 2009-10-6 09:54 PM 發表
「一個政府既project 如果因為因解決問題而產生問題既話, 係唔可以推行出泥既, 社會頂唔到」

不認同。所有PROJECT 都有EFFECT。只係對那部份人而言。
但在維護大眾利益的前提下，產生的問題如果只涉及小部份 ...

又用集體主義??

就係要維護大眾利益(長期)=>

唔可以為左解決問題既表徵(吸毒), 而去製造分化, 製造強權既基礎

你想犧牲小部份人既權利去解決問題

但係賠埋一個先例出泥, 賠埋人與人之間既互信 (即係吸毒同學被抽去驗時, 會產生對政府既厭惡, 即係『我地被政府討厭』....)

得不償失

強制驗處, 指日可待

sinister

引用:

原帖由 ares23 於 2009-10-6 10:51 PM 發表
將學校定義為一個和諧既地方未免太理想化
君不見校園欺凌, 甚至學生毆打老師等事件的發生?
老實講, 唔行校園驗毒, 好多學生一樣知道自己既同學有吸食毒品
你日日同佢一齊上堂, 唔通佢日日wing下wing下你會唔 ...

睇到呢呢段, 我又想講d 野

學校係社會縮影, 越迫d 青少年, 佢地越反感

我舉下例

我假設左同學係衰仔, 我對佢就會有偏見, 對佢做出既行為也較其他同學唔同

人係互動既

個同學見到我對佢比較差, 佢自然會討厭番我



要改變佢地, 唔係迫佢地, 而家同佢地建立一個好既關係, 再change佢地

當然要父母都要改變, 唔可以一味罵, 要理解個同學仔有咩唔想, 有咩憂慮

如果學校做得晒, 咁呢個世界無壞人架喇

[ 本帖最後由 sinister 於 2009-10-7 04:58 PM 編輯 ]

Ronald_Chui

同樣，如果政府做得曬，咁我地唔洗返學啦。

Ronald_Chui

得不償失係對於失去真係吸毒又正如你講esteem比較 low的人吧。我作為學生我一定支持政府既行動。

你也不代表吸毒的學生吧。

因此，我不認為維護大眾利益有何不妥。

sinister

回覆 #89 Ronald_Chui 的帖子
嗯，這個論證幾樸實。
R唔係刻意著眼於解決的效果，樓上唔需要窮追猛打的。

睇黎你唔係太明白我點解提社工啦。
如果你想跟R討論過程、之後或未來既話，我好樂意就此繼續談下去。不過在此以前我必須糾正一點:

「label effect 有一種效應, 叫self-fulfilling, 青少年最受呢種效應, 將問題嚴重化, 產生更多問題都係呢一樣野
e.g. 人地都唔相信我架啦, 無人會重視我地架喇 (for 吸緊毒既學生)」

吸得毒既學生有幾多係因為self-esteem本身已經唔高? 答到我既話基本上唔應該搬出labelling effect出黎混淆視聽。

吸毒有咩用? 暫停自己去諗d 現實, 忘記現實既感覺, 虛虛幻幻

我而家好大膽咁假設, 佢地吸毒既原因係對現實好唔開心係因為睇唔到成功前路,無目標, 家庭無support

(當然要有埋d "好"朋友, 先學到吸毒啦)

呢d 都會令自我形象低落


「你好識轉移, 將重心放去問題嚴重性度, 避開晒, 可惜呢度唔係小組討論, 係既話我同你玩轉移落去

你唔想係 [[過程, 之後, 未來]] 度討論, 淨係想係解決度討論
你話間間學校都有過百人吸毒個陣，依個標籤唔會單指一間學校，而係全港的學校
要趁火勢未強勁就要蓋熄佢嘛 (作文我成日都寫, 如果唔及早解決, 後果不堪設想了)

咁要點先可以蓋熄d 火呢? 點樣醫好d 頭痛呢?」

你都係未答到我，究竟反對既人憑咩話標籤點點點啵
咁要點先可以整熄D火? 你要咩答案? 將所有販毒既人見一個殺一個得唔得?

你問得依個問題，希望你自己心入面有更好的取態，這你不妨拿出來分享。

標籤係歧視 (e.g.=>梅窩人對正生學生說：死吸毒妹)

供給同埋需求都要減少, 唔係淨係諗減供 or 減求

我覺得要家庭幫手change, 可惜, 而家d父母係要將責任出泥....

個人覺得，冇錯，驗毒本身有好多唔好既效果 (R冇否定同學會因而被標籤，對社會風氣有壞既影響)
但你點能夠斷定冇驗毒之下社會就不會更敗壞，更冇王管?
正因為依2個可能係依一刻都未發生，所以R先唔會去評價。因為你講到EFFECT有幾咁大都好，都只係你個人既考量，不成事實。

未做過, 唔知效果, 以後政策唔需要諗害處, 因為未做, 害處未出現所以不成事實, 等出左d害處先成事實架嘛

比個例子你, 領匯未上市, 有人反對(領匯會壓迫小商戶), 反對者比人話呢d 唔係事實

按: 某謂驗毒計劃令今後政府可能推出更多違背私隱權的測試、對學生也有不良影響、社會也需負擔其成本等等。 亦有人謂驗毒具阻嚇性，對今後了解吸毒風氣有更準確的了解。

黃仁龍身為律政司司長，我相信佢更清楚驗毒計劃會唔會對普通法帶黎不良衝擊，R唔清楚佢係咪刻意迴避，存而不論，但R相信驗毒計劃受眾無錯係學生，但被TEST與置身度外的學生總有個別程度的preference bias，這大家也不可能說服對方。

[ 本帖最後由 sinister 於 2009-10-7 05:19 PM 編輯 ]

ares23

每年政府都唔知用幾多錢去搞d活動叫d青少年唔好吸毒啦
如果係work既就唔使而家出此下策

sinister

死喇, 上一頁既一個回覆, 我修改左...版主你地用權力修復番佢啦

我最新既回覆, 同上一頁既一個回覆一樣既, 咁係要修復番上一頁既同最新回覆一樣既回覆

sinister

引用:

原帖由 ares23 於 2009-10-7 05:19 PM 發表
每年政府都唔知用幾多錢去搞d活動叫d青少年唔好吸毒啦
如果係work既就唔使而家出此下策

果d活動 useless既

係做個樣出泥, 比d 高官威下

真係要解決, 唔係用呢d show



驗毒呢個係極下之策, 極下到唔可以推出泥做

Ronald_Chui

又在斷章取義了XD
先澄清一下: 唔評論唔代表只理會任何一方。只係我個人唔想評論孰輕孰重。因為你提出個堆effect係冇得量化。

仲有，拿領匯的情況來比，論證過程也有不當。
1) 領匯既諮詢過程同驗毒唔同。
2) 領匯係涉及商業利益。
3) 亦係最主要的，就是受領匯壓迫小商戶的，所面對的是經濟壓迫，不是心理創傷。


要拿經濟概念說的話，提提你，供應者同時也可是需求者。
「標籤係歧視 (e.g.=>梅窩人對正生學生說：死吸毒妹)
供給同埋需求都要減少, 唔係淨係諗減供 or 減求
我覺得要家庭幫手change, 可惜, 而家d父母係要將責任出泥....」


「吸毒有咩用? 暫停自己去諗d 現實, 忘記現實既感覺, 虛虛幻幻
我而家好大膽咁假設, 佢地吸毒既原因係對現實好唔開心係因為睇唔到成功前路,無目標, 家庭無support
(當然要有埋d "好"朋友, 先學到吸毒啦)
呢d 都會令自我形象低落」

既然你都識講怇地本身自我形象都低落，再話驗毒會令佢既形象更低落有咩意思? R唔否認驗毒對佢地精神上既衝擊，但同時也唔認為依個係推翻驗毒可行性的論點。

[ 本帖最後由 Ronald_Chui 於 2009-10-7 05:35 PM 編輯 ]

Ronald_Chui

這就是普遍人的通病:
要求政府做實事以解決問題，但同時我們也身處問題的其中，結果就是:
政府做的不合自己個人口味，就以做騷、做樣的言辭加以批評。不在其位，不謀其職，倒頭用了n年作諮詢，討論，結果呢? 推出來的計劃做得不妥，市民原來無需負責的。但曾幾何時，他們正是時被諮詢，和首肯不表示反對的那批人。

或者政府一開始連禁毒處都唔應該成立，反正佢做既野都係徙氣?

多諷刺啊!

[ 本帖最後由 Ronald_Chui 於 2009-10-7 10:54 PM 編輯 ]

lost129

沒有選擇,沒辦法la

香港中學生聯盟

政策一天未落實，還有最後的轉機出現。

不要氣餒，勇於表達自己的意見。