http://hk.apple.nextmedia.com/template/apple/art_main.php?iss_id=20110214&sec_id=4104&art_id=14970808
另一篇報導:
「你冇熱情、唔投入、冇性格，過程中連一眼都冇望過我……」資深人事顧問 CORE SEARCH的董事總經理張慧敏，與阿鵬進行模擬面試後直指其表現差勁，坦言：「係老闆都唔會請你！」
「似部錄音機，內容空洞」張慧敏說，阿鵬面試過程全無眼神接觸，其次是問非所答：「你話自己強項係邏輯分析，又話好勤力，但你冇做嘢兩年，成日喺商場 hea，我睇唔到你有幾勤力。」經常將「中大碩士畢業」掛在嘴邊更是第三個致命傷，「畢業證書只係入場券，我要請嘅係你個人。你碩士畢業，但要求五、六千蚊人工，令人覺得好奇怪！」最後是溝通技巧差劣，「你好似部錄音機，重複內容空洞」。
張續提點阿鵬要先放下碩士生的包袱：「你見過 200幾份工，經歷咁多次失敗，一定會有啲得着，自己有冇檢討？」至於阿鵬的「見工 Look」，張認為尚可接受，「但係頭髮可唔可以整吓，最低限度要乾淨企理……件白恤衫好似灰色喎」。當她把錦囊妙計傾囊相授時，阿鵬坐在一旁無甚反應，表現不耐煩。
阿鵬強調渴望改變，記者特別為他安排這個模擬面試，他最初表現雀躍。面試前一日，記者致電約他翌日早上 10時半在中環恒生銀行總行等，他回應：「好呀，中環港鐵站恒生銀行。」記者強調是恒生總行，他大聲說：「我唔識去呀，都係中環站恒生等啦。」
到第二日早上 10時，阿鵬以短訊通知記者：「我肚痛，改期吧！」記者即時回電及以短訊了解，再到其住所「尋人」，但均無果。當日下午 3時許，記者終於找到阿鵬，經再三勸說後，他才願意與張會面。
「佢係唔係高分低能？ Sorry，我唔覺得佢高分，至於低能係貶意，我唔方便評論……」張慧敏對阿鵬評價似有保留，其女助手則有另一番體會。當阿鵬在辦公室等候時，助手問他要否飲東西，他說：「果汁吖唔該！」「我哋公司冇果汁，只有茶或水…」「咁要茶啦，有冇果汁茶呀？」助手當場語塞。
=========================================
的的確確係現今香港教育制度下嘅完美產品，呢個只係個代表作，
讀好書就等於平步青雲，以為碩士生就好容易揾工。
「畢業證書只係入場券，我要請嘅係你個人。」所以唔係請佢張碩士證書做工作。
現實係冇標準答案，如果有嘅話佢會好成功。
