lauhiushing

各位覺得讀ICT實唔實用？我個人覺得讀ICT一D都唔實用，根本就系“背多分”。好多人讀完ICT根本就連點裝windows都唔識，driver又唔知系邊度下載，有D仲極端都連基本知識都唔識，例如上唔到網，只系因為網線鬆咗。
我地班D人，好多人都系咁。
有時你識用word D功能，但系你未必可以清楚寫出步驟，但系隔離個位寫得出，但未必識整。

另外，我想問條問題，假設冇sound card，可唔可以直接系CD提取音樂？
longman本作業寫要有sound card先可以提取音樂，我話唔洗，冇裝sound card照樣可以開media player提取音樂。

[ 本帖最後由 lauhiushing 於 2012-10-22 02:05 PM 編輯 ]

lauhiushing

其實講真，如果你依家中四，建議你暑假揾一間電腦鋪實習下。
實習好過死背ICT，起碼你出到去都揾度份工，但系你死背ICT，根本就冇用。

lauhiushing

問題系好多人連一般操作性知識都唔識，只會盲目死讀。我個friend讀ive，佢整電腦都算唔錯，但系佢排第二，而排第一嘅，除咗死背出來，其餘咩都唔識。

lauhiushing

我又何嘗唔系，唉！學校唔開econ，搞到我business搭ict，我雖然識電腦，但系對呢D“背多分”冇興趣。
所以自己自修econ，我反而對econ好有興趣，而且好易明，對ICT根本冇抱咩期望，而且仲要做死人SBA！

lauhiushing

可能你講嘅系大學嘅課程，但系就中學而言，只系考你背得熟唔熟，完全冇考慮過你可唔可以將D理念實踐到生活中

lauhiushing

你講得冇錯，的確可以鞏固到D概念。 但呢個教育制度得個實踐、唔背多D書，就根本冇咩出線嘅機會...但與此同時亦產生不少高分低能！

lauhiushing

可能有小小誤解啦...不過有D野我都系忍唔住講，之前睇會考卷，考你點整動畫，基本就系完全死背步驟，跟住寫出來，你寫漏小小就扣分

lauhiushing

我得两科bafs+ict，自修econ唔知應唔應付得切，所以唔敢drop ict，如果你覺得ict太辛苦，可以考慮drop，不過你如果得2X都系唔好啦，3X先至考慮！ 加油！