074883

感覺上yy lam成為左今年既熱門話題，成日都被人插
我自己每科都補過好多人，早排有錢既時候基本上每科最出名既幾個都有補過，近期都幾hit既都有睇fd 既notes

yy其實要講考試我覺得幾好，雖然講有料佢又未必夠一D老行尊好
但好多人唔鐘意佢係因為佢地想去補習學野，反而我補習只係為考試
調轉諗如果我要知識點解唔自己睇
我之前補過表上一半以上，尤其鐘意AK，每堂都獲益良多但係感覺唔似對考試有幫助
我認我係香港人，比錢無貨收真係唔係太鐘意
yy只係打出一個新方法，連結果都未出就要咁話人真係…
如果佢成功其實應該先鬧香港教育制度點解科科都搞到學生只為成績

再者，個個補完yy話廢都係話D skill普通無用
但其實skill點解會出黎先

   首先當然係組織問題，教學時唔分類基本上無可能有條理咁教與學，
有分類到時都好溫D呀

   另外有D人既腦構造係特別D，有個字眼帶出先可以記得成件事
尤其當果科完全唔識既時候
記得我上chem Samuel講D爛gag memory skill
我地好多人都得啖笑，但係後來我有個fd話好有用
你無用唔代表人無用，你無用就抨擊人係咪有D野蠻？

   而且無論你番學上堂又好補習又好，明明學黎學去都同一樣野啦，點解要去補習先？
學skill唔係只學個名，係睇埋個老師或者篇範文點演譯個例子，同教個例子點放番入去你平日既卷同作文上
如果教得白同學生多就話會個個抄咁我無得駁，但問題應該係係學生上
你作一篇文實有跟番個老師教你點做嫁，唔係你學/補黎做咩？
如果因為你要考試先諗先人唔洗諗就認為唔公平點解你唔一早補？
因為你認為自己真材實料上去人地唔係？有補過習你拎過老師既料其實你都只係抄緊人，但只係你諗多幾分鐘就當自己勁過人
出黎個分數幾多就幾多，人地無料咁人地分數就自然會低，無必要去唔妥人
咩都比哂其實識變通你背範文都無問題嫁(只係誇張D講句，當然唔係叫你咁做)
個個死左都賴補習老師其實真係好有問題…
補習係人夾人只要有人岩咪得…洗唔洗咁話人

就算你話補習搞到學習質素低，要學野真材實料都要入到大學先得嫁，
唔通個個狀元都鐘意哂7科8科？只要睇清楚視實就要向香港學制低頭，其實個個都明
唔係操past paper做咩，溫課本做咩，點解唔學完中學就學大學野要考試

唔小心又鬧到去學制添…

quote番yy講----補習其實唔係一件好光彩既行業
一個老師唔好佢業績自己會睇得出，如果因為你個人唔鐘意就攻擊人真係好唔理智

總括而言其實補習個個人心態唔同，正如我同D想學野既人(其實我真係好想搞個vote問各位為咩讀書)
但我覺得起碼唔針對邊個就每張回帖都鬧，你覺得唔好，你覺得skill無用咪算，又咩垃圾又剩…
如果你真係有補過某個老師而又唔好咁應該就舉到D親身經驗出黎呀

[最後其實我唔知e種帖岩唔岩版…一睇落去全部都係xx掂唔掂補邊個好之類…
如果有不當麻煩版主轉去適當區(不過我爬過文好似之前都有類似既帖)]

climax191

佢今年應該比考評局封殺
咁多人補

ojjojj

點封殺?
字

ourfriend

引用:

原帖由 ojjojj 於 2013-1-1 01:53 PM 發表
點封殺?
字

好似siu yuen 咁

074883

如果唔係考試咩都抄哂個老師點會死
就算封殺都無問題，就算封殺考評局出親既卷咪又無變
如果封殺得黎間間都出到cap A班就唔算有用啦，所謂cap A個個咪差唔多

YUI迷.

佢講既POINTS 咁GENERAL , 好難封殺

mmc

其實,我見到唔少卒友都有批評SO CALLED "補習天王", 不過 大家見到佢地   是但寫幾句野批評  佢地 ,>>就話佢地好偏激 ,,但其實邊個咁得閒,咁多時間 去寫大篇野 去評價 佢,,,,另外有D人好難用文字表達佢想講既野~

"""但我覺得起碼唔針對邊個就每張回帖都鬧，你覺得唔好，你覺得skill無用咪算，又咩垃圾又剩…""""" >>如果係事實既話,就更加要出黎講,有責任講比消費者聽,覺得值唔值得補,唔好比廣告誇大而報讀,,

***不過而家小卒太多打手,,有打手唱衰其他人,亦有打手係咁讚某補習天王,,部分人話XXX是垃圾>>可能係打手唱衰XXX

我自己都補過 YYLAM , 平心而論,言語技巧是的話很高超,但技巧真是.......

"""quote番yy講----補習其實唔係一件好光彩既行業
一個老師唔好佢業績自己會睇得出""">>>呢句野是最佳言語技巧,
點解佢唔講 ""一個老師好,佢業績自己會睇得出"" ??
因為咁樣會被人質疑 呢個係冇必然性 ~EG,,可能佢好靚仔,先多人補,唔係因為本身教得好~
而用番"一個老師唔好佢業績自己會睇得出"  可以令人覺得 "一個好老師,佢業績一定掂既"
但同時冇人可以反駁呢句野既事實,,,但"一個老師唔好佢業績自己會睇得出" 唔等於"一個好老師,佢業績一定掂既" ,2者不是非黑即白,,,,,

總之,,好多 SO CALLED 補習名師 ,好多人補佢地原因,,,是落得太多廣告,,利用動聽既說話技巧,,令學生潛移默化,,,製造需要,,羊群效應等等..... 並唔係本身勁...

我本身表達能有限,,,但旨在拋磚引玉

講左咁多廢話,都想同大家講,,,,,香港補習風氣愈來愈有問題.....

robertochan

YY 比蕭源...我覺得前者比後者踏實好多
最少skills 可以成日用到，無論係咩題目都得

樓主話既補習唔係為知識，我好認同
就好似Costa 同keith
Costa 重skills
Keith 重知識
其實係互相補足
人夾人，你要skills 既未costa LOR
你想學野未keith lor
(btw 我認為keith 係唔啱EMI　同學讀，因為我試堂個本notes 真係google translate 也不如－。－

074883

「一個老師唔好佢業績自己會睇得出」依句其實係我講，唔係yy既咩技巧
始終補習係商品，將知識打造成商品絕對唔係光彩既事，
香港學生同制度都有問題，其實係香港人有問題，
將所有野打包成商業先可以成功，做左商品你唔好人地就可以唔要你
所謂「好」唔係個老師勁同好人，好係指可唔可以做埋marketing，可唔可以令幾千個學生都應付到考試
補習老師絕對應該同普通老師分開咁定義
我無法否認yy咁多學生因為佢說話好有魅力(我唔係gay嫁!!)
但起碼我覺得佢做到香港人想要既野，就係一分錢一分貨，你起碼即場收到野
e個係我認為佢market行內贏哂既地方
之於宣傳…你當上市果幾間會少得過遵理咩
香港補習風氣係有問題(我IES都係做e個題目)，但原因其實都係教育制度問題
補習社都只係乘勢搶錢，都要學生比佢搶先得嫁

其實yy都只係我用黎拋磚引玉
只係想多D人將來理性討論比到D師弟妹多D討論去搵好補習
唔係話咩幫yy defence

ojjojj

引用:

原帖由 074883 於 2013-1-1 06:15 PM 發表
「一個老師唔好佢業績自己會睇得出」依句其實係我講，唔係yy既咩技巧
始終補習係商品，將知識打造成商品絕對唔係光彩既事，
香港學生同制度都有問題，其實係香港人有問題，
將所有野打包成商業先可以成功，做左商品你唔好人地就可以唔要你
所謂「好」唔係個老師勁同好人，好係指可唔可以做埋marketing，可唔可以令幾千個學生都應付到考試
補習老師絕對應該同普通老師分開咁定義
我無法否認yy咁多學生因為佢說話好有魅力(我唔係gay嫁!!)
但起碼我覺得佢做到香港人想要既野，就係一分錢一分貨，你起碼即場收到野
e個係我認為佢market行內贏哂既地方
之於宣傳…你當上市果幾間會少得過遵理咩
香港補習風氣係有問題(我IES都係做e個題目)，但原因其實都係教育制度問題
補習社都只係乘勢搶錢，都要學生比佢搶先得嫁

其實yy都只係我用黎拋磚引玉
只係想多D人將來理性討論比到D師弟妹多D討論去搵好補習
唔係話咩幫yy defence

紅字
佢既skills唔係話好神,但係經過佢既演繹
你會好有信心做個d題目

maylie

其實我想知YY同SY 的 教法有MUD吾同????比較好D?????

workhardfordse

YY LAM 出面係BEACON 捧佢姐.
上年補完佢中左伏...
今年放榜時又會有一大班人中伏....

補左佢咁耐，佢都係得個綽頭。

計料既話, 我之前日校老師同而家補緊2個大學生既私補老師
都勁過佢好多...

chyiing

真係小心d比hkeaa封殺喎
好似2012 AL都封左calvin sun

074883

教既野都係general，始終殺唔死
中英文其實好多補習都係打番浸果套
其實同自己操pp睇書無咩分別
反正skill eD野係general，有人覺得咁係廢
其實係思維模式，不過寫出黎咁解
e種中英文其實係新式教法，基本上行內除左中英佢同CS以外都唔會咁教
事實上，同樣既skill，可以有人straight **，可以有人拎1之後話廢
但我唔相信學完skill，用你最聰明既頭腦分析邊D有用，邊D係好skill但你能力太神用左反而死
有D料你補過先知，我怕講左會真係封得哂D路
但係如果真係咁易封份卷就唔會有人考到
每一個學生出到去都操考評局既paper，所有補習老師同無習既人都base on果30x2+3份卷
如果佢封得到全香港一齊死，我地怕咩
怕既只會係無操paper無用腦單靠貼，仲要補完唔溫書既人

是我我

引用:

原帖由 074883 於 2013-1-4 12:52 AM 發表
教既野都係general，始終殺唔死
中英文其實好多補習都係打番浸果套
其實同自己操pp睇書無咩分別
反正skill eD野係general，有人覺得咁係廢
其實係思維模式，不過寫出黎咁解
e種中英文其實係新式教法，基本上行內 ...

u r right
ppl who have taken the tutorial classes but not  the revision after are the most stupid.
我認同kenneth講既一句(我不是補佢) 補習= 補+練習