內容上大致都OK
題A問既係指出因素 所以你答題個FLOW 應該係先指出 後再解釋 +資料說明
要注意因素同原因係唔同 因素多數都係中性 冇好/壞 高/低之分 好似第2個PT 個因素就應該係合法器官供應量 而原因先係合法器官供應量不足 同埋做因素題用字一定要準確 好似你寫既互聯網的便利性 就唔夠準確 到底便利係指邊方面? 資料傳送 定使用上? 更準確應該可以寫到資訊流通度 而呢D TERM 都係單元入面d重要概念
題b 頭兩個pt都ok 最主要就係第3個pt 有d問題 首先你既主題句係寫 全球化令已發展國家從各方面侵蝕發展中國家 呢一句主題句係完全回應唔到題目 比起你上面果兩個pt既主題句有好大差距 另外成個pt入面好多內容都有前言不對後語既問題 好似發展中國家學歷低 收入唔高 好難抗拒出售器官既回報 其實同全球化有咩關係 你係冇指出到 我諗你應該係諗唔到pt 所以為寫而寫左一堆野
最後做問你立場既題目 如果有反論會更完整 如果多分既題目 更加要求你一定要寫 注意下