kit_shek

　　其實通識答題中，有好多答題方式表面上困難重重，又似充滿左框框限制，造成了大部份同學「識答案都唔識寫」既困難，但事實上，如果將相關既「提問用語」放係現實生活中，我地可以好快就搵出到底需要作答既內容係乜野，亦都可以理解點樣去回應題目先至係合理，例如「建議題」。


　　所謂「建議題」，其實即係要將我地覺得「WORK」或者「值得做」既事推薦比人，簡單黎講，即係一種「推銷」、「SELL野」，而現實生活中最叻推銷既，自然就係推銷員，不如就睇下以下一個推銷片段，睇下人地點樣「建議」一樣東西比我地：


　　「陳生你好呀，啦其實我地而家公司做緊一個無限流量既PLAN係最適合你嫁，啦你岩岩講過你最中意就係上YOUTUBE同睇風行（電影分享網站），呢D上網都會『CHUR』走大量數據。而我地而家公司呢一個PLAN呢，佢做緊一個月238$，就係無限數據，亦即係話，無論你點DL野同睇野，價錢都係一樣既！小數怕長計，咁而家就唔使就住就住啦，雖然去到５GB之後呢，公司會按公平原則做番一個小小既限速，但係我諗陳生你應該都未用到咁多既，如果咁樣無問題嗎？」


　　當然，你都會懷疑：「是咪真係咁好服務呀？」但你唔好理，因為係上面一段文字中，其實已經基本集合左一個建議需要既組成部份：

• 建議方案

• 對應問題

• 建議細節

• 正面影響

• 影響效期

• 副作用反思

• 小結（略）

　　咁你地既作答裡面，又有冇咁樣既部份呢？希望呢一類既文章可以幫同學仔搞清楚你地平日作答上忽略既細節，不如大家又講下你地遇到建議題，又會點做？

hazellam38

本人開左wtsapp group for學術討論
會share resources比大家
IES/SBA亦可比意見
歡迎加入
pm wtsapp 就可

1234567k

唔少老師都教呢個方法..
有框架姐,入面d內容成日諗唔到/_\

yukirin

difficult

kit_shek

引用:

原帖由 yukirin 於 2014-4-24 07:21 PM 發表
difficult

係邊到覺得困難呀?

上面位同學仔講得好岩呀, 其實雖然有框架, 但唔代表一勞永逸的,
你需要做既係多D做同類型既題目, 咁樣你先可以訓練到思考內容,
同樣都可以鞏固到寫作框架。

IpCheukMan

thzzz