本區搜索:
Yahoo!字典
打印

[分享] 【給學生的忠告】好多人都話學生應該按自己興趣,揀自己鍾意既科目....

[隱藏]

【給學生的忠告】好多人都話學生應該按自己興趣,揀自己鍾意既科目....

但大家都冇捻過將來有一日
因爲某d原因
你既興趣突然之間改變左
你對以往一向熱情既學科/職業冇左興趣
或者你發覺你出黎社會所做既野同你之前學既野基本上係冇關係?
再講,你係真係對你讀既科有興趣,
定還是純粹因爲唔想辜負父母/社會對你既期望,驚比同輩恥笑,所以夾硬讀一個“自己比較拿手”既科目,但自己其實對呢科都唔係咁有興趣?
眼見好多人出黎做野用唔番自己所學既知識,甚至後悔讀左唔適合自己既科目。咁你咁多年黎付出既青春咪浪費曬?

我認爲有兩個最重要既因素可以令自己既興趣維持落去:
1.錢
2.符合自己既三觀(但呢樣野可能會隨時間而改變)
我講下第二點,例如有d人讀呢個科/做呢份工係為左“貢獻社會”
但咩叫做“貢獻社會”?
做個專業人士,打份牛工,或者業餘時間捐下錢,做下義工就叫做貢獻?
可能係既,但你有冇捻過有d更有意義既事情可以做?魯迅就係因爲咁所以棄醫從文
等你地大個d,你地對“貢獻社會”呢個概念可能會有另一番體會
我個人對“貢獻社會”既定義係:【功利主義:一個行為對所涉及的每個個體(個體可以指人,亦都可以指所有動物)所造成既快樂/痛苦感覺的總和,其中每個個體都被視為具相同份量,且快樂與痛苦是能夠換算的,痛苦僅是“負的快樂”(例如一個人既快樂程度可以用-10至10呢個範圍表示)。功利主義不考慮一個行為的動機與手段,僅考慮此行為的結果對最大快樂值的長遠影響。能增加最大快樂值的即是善;反之即為惡。】

所以我既建議係:
唔好靜係一味讀書
多d了解下世界上發生既事,接觸下唔同既野
如果有網癮/打機上癮既話,儘早戒左佢。我係過來人,與其大個左先戒,不如宜家就戒。戒唔甩既話,自己上網查下有咩方法。
自己有曬目標同計劃後,讀都讀得舒服d啦
我建議大家可以了解下動物權益,呢樣野學校唔會教你地,但我認爲呢個問題比其他所有既社會問題都重要。因爲現時既動物權益問題已經唔係虐貓虐狗,野生動物瀕危絕種咁簡單。睇完呢條片之後,你地既思想可能會有好大既轉變:
https://www.youtube.com/watch?v=_FC3ykrZnZs

最重要最重要:千奇唔好比"萬般皆下品 唯有讀書高"呢個觀念束縛住!快d放低呢個包袱,開始接觸多d唔同既野,世界上有好多野比成績更加重要。就算要讀書,都唔一定要跟住呢個教育制度黎讀架,搞清楚“讀書”同“應試”既分別!


[ 本帖最後由 Manly2020 於 2020-6-10 11:27 PM 編輯 ]
   

TOP

TOP

55 都係H

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。