本區搜索:
Yahoo!字典
打印

[Eng] (Retake過來人分享)英文5**心得-Lv4>5**

(Retake過來人分享)英文5**心得-Lv4>5**

考過兩次DSE,其中語文科其實係非常重要,雖然你可以不斷操卷但係我覺得中英兩科其實都係需要浸出嚟,冇話死背爛背。

我英文lv 4H嗰年,我先得19分,有好多科仲要英文計Double,我想讀一啲關於marketingH科,所以最咪選擇retake然後集中火力溫英文。

一開頭都係報下補習社然後係咁背嗰啲罐頭式H答案啦咁啦,其實我第一年都有報過呢啲補習,但係到我後來考writing嗰陣,我發現咁多條題目我冇一條係背咗H,雖然可以寫一啲抒情文,但係首先你用唔到好多特別H句式,咁就自然好難去show到一啲你英文寫作H技巧啦。通常都係會揀議論文但係我嗰陣時有冇背到一啲相關H題目,就咁寫咗一篇抒情文就算咁最尾就勁v4。

其實我就到而家都成日講,真係唔好死背,因為你貼中就當然好啦你貼唔中就可以bye bye。我第一年就正正經歷咗呢一樣嘢,所以我開始去學一啲關於辯論同演講Hcourses。因為當你學識咗呢啲理論H時候,其實你遇到任何題型你都可以答。個情況就好似通識咁你冇可能死背晒所有答案,你一定要有一定H答題技巧。

最後我揀咗專注去搭辯論同埋演講H題目,唔係淨係背啲格式啦,當然都學習左一啲技巧點樣去寫演講稿同埋一啲辯論稿。就係因為咁樣都我考writing同ListeningH時候,成件事容易咗好多,因為你唔係死背一啲題目所以其實你都會好容易去發揮到你H技巧。

例如你辯論H時候,其實都有啲特別H技巧去應對啦,做一啲駁論H時候,如果你熟練左去應對呢一類題目,其實都好輕鬆可以諗到一啲point去應對。

另外有咩好處呢,你學識點樣去做辯論同演講,其實都幫到你點樣去搭通識H題目,我當時係用英文考H,咁自然都幫到好多答題H技巧啦。

我覺得出面有好多補習社都淨係比一啲範文我哋去背,但係你喺呢啲範文之中又係唔係真係可以吸取到點樣寫呢?有好多呢啲5**H文章其實都係佢哋浸咗好多年去寫出嚟H。咁你就咁抄其實有幾大機會會說服到人你真係由自己手去寫呢啲嘢呢?尤其是當你補習社Hnotes,同一時間有成幾百個幾千個學生睇緊,背咗,再寫返出嚟係同一份卷度。

所以我最大H心得,唔係有乜嘢文章可以抄,或者有啲乜嘢可以背咗當罐頭式咁背咗去就算,因為我真係唔鼓勵,我都見有好多人share你啲所謂範文。你要真係理解成個理論,點樣去建構一個演講稿或者係辯論稿,又或者只係單純一篇議論文其實你都可以事先學識點樣去更加有條理去做成個文章H結構。

廢話唔講咁多啦,作為過來人都唔明,其實係好大壓力,如果你哋喺英文上有咩問題或者需要啲咩意見,補習啊嗰啲,可以隨時搵我!希望幫到就幫啦
   

TOP

重要聲明:小卒資訊論壇 是一個公開的學術交流及分享平台。 論壇內所有檔案及內容 都只可作學術交流之用,絕不能用商業用途。 所有會員均須對自己所發表的言論而引起的法律責任負責(包括上傳檔案或連結), 本壇並不擔保該等資料之準確性及可靠性,且概不會就因有關資料之任何不確或遺漏而引致之任何損失或 損害承擔任何責任(不論是否與侵權行為、訂立契約或其他方面有關 ) 。